Pioneer DV-S733A DVD機

圖。文 : 巴斯光年

一直在市場上有一個傳說，就是新一代的Pioneer DVD機技術來了一個進步，

這個進步來自Pioneer最新型號 747A，在日本的評價非常非常之高，

強項唔單只同時對應DVD Audio和SACD，仲加入12Bit的影像新技術在 747A身上。

傳聞日本方面的評價係以 progressive的畫面比較下，如果同廠的 S10A和AX-10 唔推出新款的話，

Pioneer這款中價新機，畫面就會取代她倆的領導地位。

當日一推出就搶購一空，加上又係日本人的一月一日新年假期，

連續幾日的假期，使 747A貨源非常緊張。

小弟身為一個Pioneer S10A的用家，又點可能相信，一架咁單薄而價位又咁低的機種，

仲要係馬來西亞做的 747A，在畫面上會勝過S10A呢???

一直好想試試這架新貴的實力，是否傳說當中咁利害???

上星期非常多謝一位老友，在香港買到出口 737A版( 747A係日版 )，買機後的第二日，

就非常大方咁，借比小弟一試這個傳說中的靚畫面DVD機。

在這個地方我再一次多謝我這位老友借出我一試這架機。

大家由盒的身上，大約都可以見到 733a所對應的各種強項。

而機身的設計，直迫下價機種，而重量都非常單薄。

雖然係三區行貨版，但係大家都知到，一定係會改到成為全區碼的，

就算以前的經驗，大家都可以知到經改機後的Pioneer DVD機，

就算係RCE(加密區碼碟)，一樣可以重播出來。

這款 733A的機背，雖然係中價機，但都有電鍍的端子設計，就連D端子也有電鍍。

大家可以由圖中見到，影像輸出方面，有左手面的電鍍D端子和

右手面的 progressive 色差電鍍RCA頭。

當然，如果你的顯示器，無法對應progressive的話，

這組色差一樣可以出返480i的畫面來對應返你的顯示器。

大家可以由圖中最左手面見到，有兩組S端子的影像輸出，方便發燒友多一個選擇，

例如一組S端子接上顯示器，而另一組可接上字幕機上使用。

無論你用定唔用，總知多一組影像輸出，就對發燒友來講，絕對係好事。

中間的係Composite的影像輸出，同樣係有兩組的選擇。

最右手邊的係普通新歷聲的聲音輸出，同樣都係有兩組的選擇。

同樣都係電鍍的端子。

直到今日，依然有用家好希望DVD機身上有5.1解碼，

所以，733A的用家同樣可以亨受到這個設計。

而這組輸出，依然係鍍金的接頭。

當然，如果發燒友有對應的Av Amp的話，最右手面的光纖和同軸聲音輸出，正等緊你。

好等你選用返你心愛 av amp內的解碼，為你重播出完美的音響較果。

出口機的電源接頭，就係這個橫向 8 字頭，

一見到這個接頭，巴斯的眉心就會鎖得緊緊呢!!!

這個接頭，表示我無法選用我喜歡而一直擁有的 所謂 靚線材了。

而日版的 747A就係 IEC頭的設計，雖然只有兩腳，但係巴斯可以用自己喜愛的電源線接上，

這款出口版 737a，就唔可以了。

機身左手面設計，而且話埋比用家知，佢係對應CD-RW的。

機身正面顯示錶版的設計。

機身右手面的設計。

未開機前的顯示錶版。

原本 DVD-Audio / Video 這字樣係白色的。

開機後的 DVD-Audio / Video 字樣就亮起藍燈了!!!

圖中可見的係推出轉盤時的樣子!!!

用家可以選擇使用色差線來連接顯示器。

如果喜歡D端子的話，用家同樣可以接上D端子接頭去連接顯示器。

光纖的插頭位置，以活門防塵設計，大家可以由以下三張連環圖可以睇得好清楚，

活門的動活位置。

這個設計，以後用家就唔需怕失去以前跟機來的膠粒。

圖中左手面係屬於 733A 的搖控，而右手面包了收縮膠，就係屬於S10A的搖控。

大家是否覺得他們一點分別也沒有呢???

左手面的 733A 搖控係出口版，所以搖控上面的文字係英文一點也不奇怪。

右手面的S10A搖控係日本版，所以出日文字係理所當然的。

雖然一個英文，一個日文，但事實上小弟用S10A的搖控，絕對可以好輕易咁操控 733A。

由我抱住 733A步入小弟的發燒房內開始，器材架上的S10A一直表現得好唔友善，

由其係小弟和 733A 拍攝寫真集時，S10A表現得好唔耐煩，

直到我把 733A 放在S10A身邊時，S10A 由喉嚨所發出的胡胡聲音，

可以感受到S10A那一份前所未有的敵意。

而 733A的眼神也話比對方知，佢自己都唔係弱者。

比併即會展開，濃烈的火藥味充滿住整個發燒房，

一場驚天地，泣鬼神的埋身戰即會展開。

兩位死敵會以最佳的狀態下發揮他們的技能，最後那一方會勝出呢???

傳說是否真的是傳說呢???

這個答案10日後有結果，因小弟有事出外，10日後回來和大家一起觀看這場世紀之戰。

多謝大家。

待續..................

§§ 返回巴斯主網頁 §§ 返回麥嘜的討論區 §§返回小強新聞組 §§返回Review 33 §§