升級SonyTA-E9000前級筆記

還記得小弟在大半年前，Sony 9000前後級AV Amp推出了上一代VUCD-E9000A升級軟件，

這款升級軟件係為了配合市場上EX音較而推出的，為了使9000前後級的用家，一樣可以得到EX的較果，

Sony公司推出了這款VUCD-E9000A簡稱 2.01的升級版。

香港的用家，只需在香港Sony代理，附出七百多港幣，當日就可以得到這款三合一的升級軟件了，

這盒軟件內的三件分別係:

第一件:

2.01版本升級光碟一隻:

作用係透過這隻光碟，經家中電腦而把TA-E9000前級內的聲較，加入了幾個EX的聲較功能改善聲較。

第二件

過機線:

係一條用作連接電腦與TA-E9000前級之間的訊息線，這線可在電腦零件店有售，

但係Sony跟來，無需為佢而費心。

第三件

簡易搖控器:

針對跟機來的搖控，無需每次使用時都用跟機來的大搖控來操作，

只需使用這個新款簡易搖控，就可輕易操控TA-E9000了。

幾個月前，Sony TA-E9000AV Amp再推出了新一代的升級軟件，名為VUCD-E9000B，簡稱 2.5版本。

推出的原因係針對日本獨有的數碼電視廣播音響制式AAC而推出，

AAC同係杜比公司，以最高5.1的播放，所以有電視節目係AAC2.0......AAC3.1.....最高AAC5.1的設立。

今次這軟件由於係針對日本居民，所以這個AAC版本的升級軟件，無打算在香港Sony推出發售，

所以海外有心人就需要自己想辦法得到手，加上未知這軟件是否配合行貨機，由於行貨機和水貨機，

在機背的設計上有好大出入，小弟手上的 TA-E9000係行貨機，萬一在升級時有什麼東瓜豆腐的話，

小弟手上保用期剛完了的 TA-E9000就化為烏有，加上又唔知這軟件是否行英文Window，

萬一係行日本Window的話，又係得個煩字，而且這軟件連運費，需千幾銀，

所以有好多好似巴斯咁樣的用家，唔夠膽購買來較飛。

日子一日一日的過去，巴斯手上的數碼廣播錄影帶一日比一日多，AAC的需求就一日比一日大，

上星期小弟實在係無法忍受了，吸一口氣，做一次白老鼠，自行到經水貨店訂入一套 2.5升級版軟件。

加上我又問過後面街呀盲公炳，盲公炳掘指一算後，同佢隻寵物都話我的 TA-E9000唔似咁短命，

叫我放心，呢一劫相信我手上的 TA-E9000應該過到。

盲公炳隻寵物係邊個????你唔係下馬????之唔係佢隻龜囉!!!!

搵來幾位Sony TA-E9000的用家，合資每人$200，分擔一下風險，最後等了成個星期，

終於由水貨店手上，接過這隻升級軟件。

而邊個係第一隻白老鼠????唔洗問喇下馬????

收到這軟件後，由包裝上面可以見到，光碟一隻，無任可野跟來，升級光碟就係升級光碟，

連接線都沒有跟來，似乎上一個版本，在心理上比較抵買，大家係咪咁話呢????

精通日文的朋友話，這隻2.5升級版，必需先行完成安裝2.01版，然後先可安裝手上的最新 2.5版本，

果D手上仲係用緊什麼1.X版的用家，就需做多小小野，

由於小弟一早用緊 2.01版本，所以這句說話唔關我事。

成千幾蚊就係買入這隻軟件。

隻光碟連封套都沒有，由紙盒抽出來之後，就係咁樣子。

圖中所見的正係一條普通的Modem線，如果係都要比個專業名詞出來嚇人的話，

咁就稱之為Null Modem Serial Cable，聽個咁專業的名，係咪好有氣勢呢???? :D

講個咁長的名，其實咪又係十幾廿蚊的Modem線一條。

之前有個朋友告知小弟一個傳說，話這線一定要自己銲接先得，

傳說當中提到如果在街上買返來的係不能使用，而巴斯手上的只係一條在一般店舖買到的Modem線，

但係巴斯覺得如果自己銲線有時候都係一個樂趣，而且仲好有滿足感，一手一腳啊!!!!

可惜巴斯無咁好手藝和時間，只好花十幾甘蚊去買現成算了。

Ok!!!!123開始安裝!!!!

小弟為了方便，所以用我的陳年舊Notebook去連接9000背面的R232軟件升級接頭。

開啟電腦後，心中係咁跳，究竟是否需行日文Window的呢????

好彩大日本帝國無把大日本主意帶到這光碟上，開出來的係英文的內容，

咁都無咁驚!!!!過了英文Window這一關，

仲有第二關，就係這隻水貨碟原本比水貨機的光碟內容，是否對應我手上的行貨呢????

我依足正常咁做，需時約 2-3分鐘，升級就完成了。

登登登凳!!!!

各位觀眾!!!!成功了!!!!隻白老鼠無死到!!!!全新AAC的版本 2.5出現在螢幕上。

朋友平日除了開機的一刻係睇到現時使用的版本外，仲可以在開Power後以反時針方向，

扭動圖中這個名為 + / - 的鍵，一直係咁扭動，直到版面的顯示，出現該版本為止。

當証實軟件真係能成功升級做 2.5的AAC版本後，我就開始睇睇佢的Surround模式是否和舊版的一樣，

我一早用筆記下了，在未升級為最新AAC版前，舊版係有35個Surround模式，

好似Cinema Studio A.....Cinema Studio B........Game........等等。

在升級為AAC 2.5版本後，這35個Surround模式，沒有加多一個或減小一個，

似乎這個2.5版本只係針對AAC而設計了。

於是就開始播放一盒以AAC 2.0播放的錄影帶，出來的就係圖中這個顯示，

升級後的版本比未升級時所選用的PCM來得開揚了。

接下來播放 2001年的紅白大賽，這盒帶係以AAC 3.1錄音的制作，

圖中大家可以見到顯示燈係以這個畫面顯示。

當然以AAC 3.1播放的較果，點都會遠勝PCM音較的。

最後原來小弟家中的收藏品中，係沒有一盒帶係AAC5.1，所以一陣又需要去搵搵邊度有這類的錄影帶了。

Sony TA-E9000用家問: 隻升級軟件，洗唔洗成千蚊咁貴呀????打劫嗎????

乙回答: 我用緊的另一牌子的頂級AV Amp，想比$2000升級但係都無呢支歌仔唱呢!!!!

你仲響度講風涼話，是否想打交先????

以上就咁睇，似乎係一個笑話，但係唔多唔小都反映出，Sony TA-E9000用家買完後，

睇完這個笑話，心理上會好過些。

各網友注意，以上資料，只係我個人的筆記，所有資料都係我自己作為日記之用，

小弟絕唔希望各網友去自行做任何升級動作，事關始終我都只係一個業餘的用家，

完全一點專業智識都無，我能成功升級，只係撞彩，小弟以上的資料，只係日記一部份，

只係講述發生在我身上的事，希望各網友萬萬不能把內容作為天書咁睇，多謝你們。

完