大盜宿一宵

§§小強新聞組 網頁版 §§ 小強新聞組 新聞組版§§

Bandits 大盜宿一宵

By Andy Carlo

日期 : 2002年5月23日

舊時Die Hard 佬Bruce Willis D戲梗係打到飛起, 好似Last Boy Scout,三集死硬同第五元素等.

但係近年唔知係咪年紀大機器壞,阿布斯D近作唔係笑片就係驚慄片.

今次部宿一宵淨聽個名已經知係笑片,點知唔係. 睇完原來係友情/愛情片,

即係兩男爭一女個D. 可能一心諗住笑餐死,所以覺得部戲真係麻麻.

想講既野好多, 又愛情, 又諷刺傳媒,又有時有D(懶)打劫食腦橋, 又想搞下笑, 又有D飛車動作,

但無頭到岸.阿布斯更加無戲可做, 笑又無得搞, 仲要扮到懶有型溝死女個隻,

但係一睇佢個甩毛發福造型, 真係靚女都走頭. 好彩有好戲既Billy Bob做布斯既拍檔

同女主角Cate Blanchett, 一個呆呆頓頓中見精明,一個成頭橙紅色頭髮美艷到暈,

一出場搶晒Die Hard佬鏡. 成套戲130分鐘,悶又唔係好悶, 但硬係好似爭咁D野,

唯一可取係Billy Bob同Cate既演技.

畫質方面, 一區係用DVD18, 即係兩面DVD9. 一面收錄2.35:1 anamorphic版,

另一面係4:3. Anamorphic果面一貫美版一區水準, 色彩鮮豔夠sharp,畫面非常清晰.

連平時有好多noise果D格仔衫都非常清楚, 層次分明.就算放大投影都無問題.

聲音方面, 有英文5.1同法文, 西班牙同葡萄牙2.0揀. 不過部戲齋talk為主,對白表現清晰,

音效無乜表現機會. 連開頭飛車既片段, 音質都唔係好勁.絕對唔係試音碟.

Special features方面兩面唔同比例收錄既係一樣. 首先有4段deleted scenes,四段都係唔多有用D片.

跟著有個Alternate ending, 但其實同原本個無乜分別,個alternate ending仲有得揀女主角旁述.

之後有一個making of記錄左套戲由準備到開拍既經過, 約二十分鐘, 拍得唔錯.

之後有戲裡面其中一段既拍攝詳情. 最後有本片同John Woo新作Windtalker,

布斯新片Hart's War, Rocky dvd既trailers.

總括來講, 本片買就無謂啦. 看一次已經夠, 不值得真藏(如果你係Cate Blanchett影迷例外,

因為呢部片可以話係佢拍咁多戲, 拍得佢最靚既一部).

建議大家有興趣租o黎睇, miss左又無損失.

推介度:2 out of 5

§§小強新聞組 網頁版 §§ 小強新聞組 新聞組版§§