TheSopranos

The Sopranos 人在江湖

By Andy Carlo

日期: 2002年6月29日

圖片來自DVD版本

近期對外國既電視劇dvd非常之有興趣, 原因係香港D電影劇實在太差,

一係就無線d婆媽無腦劇, 唔係就亞視d大陸悶到暈歷史劇,

咁o岩有日比我o係Blockbuster買到成套The Sopranos人在江湖既第一季vcd,

仲要係非常新淨, 幾乎無睇過既五蚊隻二輪碟, 成套13隻都係65蚊.

一煲煲左4個通宵睇晒, 感覺非常勁, 自從Long Vacation

好耐無睇過令人keep住追既電視劇了. 雖然明珠台做過(依家做到第三季,

美國九月做第四季), 但我敢講明珠台肯定剪左好多, 因為成套戲有好多裸露鏡頭,

粗口(Fuck fuck聲, 仲有性器官), 大膽對白(性), 暴力.

所以DVD版會係欣賞Sopranos既最佳選擇, 除非你收到美國既HDTV.

我就係咁即係放左套VCD, 入晒四區既第一二季Boxset.

揀四區因為價錢較一區平, 平均$370一套, 有6隻碟. 當然平要付出代價,

四區special features較一區少, 又係PAL線,

最大分別係四區第一季係FullScreen, 一區由於第一季已經係用HDTV播,

所以係anamophic widescreen. 同埋四區第一季同第二季頭三集得DD2.0,一區係5.1.

講左咁多, 講返個故仔. 主線係講Tony Sopranos一方面係黑社會大佬,一方面又係一家之主.

係出面要應付幫會上上下下既問題,屋企又要應付個痴呆老母同神婆老婆, 仲有兩個仔女.

多方面既壓力令佢透唔到氣, 終於要睇心理醫生.

但係睇心理醫生少不免要講一d幫會既野, 所以如果俾d手足知道無face之餘,更無power.

加上又對個女心理醫生起痰, 被老婆知道睇個女心理醫生,實嘈到飛起.

於是成套戲就圍繞Tony點樣應付屋企同幫會既事發展.

如果你鐘意睇Godfather或者Goodfellas, 呢套你一定鐘意. 就算你無睇過,套劇d對白處景又抵死,

劇本又鋒迴路轉, 演員又做得好, 都一定會吸引你.

最重要Tony處理內外事情既手法其實同我地日常生活無乜分別. 雖然佢係黑社會,

但係做每一件事佢都會做返一個真正男人所會做既. 好似幫會清理門戶,

佢都堅持自己搞掂, 唔會連慮做細既, 因為呢d係大佬既責任. 處事又公私分明.

o係屋企雖然老母激到佢飛起, 佢都非常照顧. 簡直聖人一樣,當然諷刺既係佢係黑社會啦.

想做一個有型既男人必睇.依家美國d男人都封佢做偶像.

四區dvd畫質方面, 先前講過season one係Full Screen, 加上原本畫面係1.77:1,所以會有小小pan and scan.

畫面亦比較粗糙, 某d鏡頭有d noise. 但到了season two即係靚晒, 畫面清晰, 雖然唔係示範級,

但係我所見過電視劇dvd最靚畫面,相信一區會更加正.

聲音方面, 電視劇都唔會有炸機既表現, 第一季全程dd2.0.2.0既對白都非常清楚, 第二季第四集開始有5.1.

其實5.1同2.0無乜分別.

因為電視劇都唔會有好多表現環繞聲既場面. 字幕有英文,第一季仲有23種字幕揀, 但係無中文.

特別收錄四區只係得d三幾分鐘既特輯/訪問, 預告片同mtv. 每隻碟收其中一樣.

一區有長d既特輯, 某d集數有commenteries等.

總括來講, 370蚊六隻碟, 如其有時用百幾蚊買左d廢片泵到暈,不如買套電視劇慢慢煲,

唔鐘意放出去個價又高d.

不過我相信無乜男人唔會唔鐘意The Sopranos. 正如女人唔會唔鐘意Ally McBeal甜心俏佳人一樣.

有錢既當然最好入美版啦, 畫面靚d, 聲效好d, extras多d, 價錢當然貴d.

推薦度:
故事:5 out of 5
四區dvd box set: season one 3.5 out of 5
season two: 4 out of 5