建做Hi-Fi房的過程
做這個網頁時，搵返在1998年時的日記，想和大家分享一下我當日的感覺。
各位你好，小弟失蹤近兩月，正是為了忙著裝修音響房間，一大堆構思，要各方網上好友指點，
現在大功告成，在此十分多謝五位網上好友的幫忙，
排名不分先後(ANDY KONG即羅賓江、LEE HC、LEWISLING、RICKY LEE及TK CHAN)。
裝修目的:
小弟一直在一間70平方尺的房仔內玩HI-FI和AV。
我因為希望能享受一下大畫面，及換上用左達8年的JBL4425 speaker(12吋低音)，70平方尺用兩隻12吋低音??
可怕嗎??我就怕怕啦!!!為了要同這間AV籠屋說再見，所以把走廊、和兩間房打通。
面積大左，器材先可得到發揮!!有左地方，咁就可以大展拳腳，換下器材。
經一輪選擇，終於選擇左SONY的三槍投影機，VPH-D50QM，
而喇叭方面係由美國訂購返來(Von Schweiker Research的VR2000套裝)，一套五件，包括兩前置，
兩隻後置和一隻中置，香港無代理，全港只有一套。
由於ANDY KONG的提意，小弟決定在正面的一幅牆做擴散板，於是找來
LEE HC兄給我一份圖來照做。
佢係由三個不同SIZE的木條而組成的，而排列的位置係有一定的次序，不能攪錯，
至於每條木條的距離就要相同(見圖)。
因為SIZE關係，一般雜木條係冇這三種指定SIZE的，只有訂制一批比雜木條貴三倍的白木條來，
白木條係由頭到尾都冇接口的，而且比較平滑，更加冇(倒刺)，
由於先天木質關係，佢係唔上色的，(好有性格)一笑。
圖中有晒SIZE，咁就知道自己的房間要用幾多條白木條，真好彩，由牆身左至右再加上三款木條的闊度，
又要距離一樣，居然剛好把牆的面積(平均)分出41條白木條。
把資料一一收集好，便向裝修師傳講出要求，
再向木行訂購42條白木條(多一條作後備)，但雖時三個工作天。
建做過程:
1:首先用雜木條做一個骨架先，這部份必需水平(見圖)。
2:用薄板封(底)，用來防止吸音綿的外洩。
3:封好晒之後，就一格、一格咁裝上吸音綿，吸音綿係冇散買的，一買就要一匹(約200平方尺)，
由於係一匹，所以要用工具把吸音綿CUT到合適SIZE來用。
4:在每格都放有吸音綿後，就封上(一幅)六分厚的夾板，就係咁吸音綿就夾在這一幅厚板之中。
工程完成後，擴散板的樣子就係咁樣，我好喜歡這個擴散板的設計，
圖中所見Sony 50週年記念版的16:9 Profeel Pro係我買了不足一年，而因為要玩D50三槍機，
無法再有地方容納佢而要出售，我到今日都依然對這件事唔開心，這款16:9 Profeel Pro，
係我和太太都好喜歡佢的畫質，但係無奈真係無法有地方放佢，幸好當日有影相留念。
今日我行完街，正想座公共交通工具返家時，Andy Kong失驚無神咁Call我，問我依家的位置，
居然咁"僑"，我的位置就在佢附近，佢話去開 我屋企附近，順便接我，𦸅~~~~~有司機接送咁筍???
重唔座就怪。在車上有講有笑，而且係私家車，好快就到達目的地。
既然來到我家附近，而且佢又未夠鐘下一個約會，咁佢就提意上我家聽Hi-FI。
聽左約15分鐘，門鐘響起，一開門``````````
有位仁兄對我話:{先生!我係DHL速遞公司，你有兩件東西來左，請簽收}
My god!!!喇叭!!喇叭!!一定係喇叭!!由美國訂購返來(Von
Schweiker Research的VR2000套裝)，
一套五件，包括兩前置，兩隻後置和一隻中置。
天呀!!你終.........於.......都到左，嘩!!!我當時的表情同心情，
直頭就好似電波少年之中的昭仁，無端端收到佢屋企人，重遠方寄 來的眼鏡一樣，
嗚!!~~抹乾淨D眼淚先，然後在單上畫隻龜簽收先。
當時真係好開心，真係想通屋走一個圈，然後來個則手翻，再來一個 {湯馬司}盤旋加轉體360度，
先可發洩到內心的興奮。
跟著做D嘜???唔洗問啦!!唔通仲招呼個喇叭，問佢座左咁多個鐘頭機疲倦嗎??當然係立即同佢除晒D衫褲啦!!!
睇下對唔對版及有冇損傷啦!!
OK!!言歸正傳，發燒友有兩種香味最仲意"聞"，第一就係美麗女性的體香，第二就係新機開箱的香味。
一開箱，那種獨有的香氣撲鼻而來，好享受那香氣，把膠袋、紙皮及發布膠放在一旁，咦???............，
發覺出廠的number係第101對，好靚number呀!!上天對我真好，我真好彩。
然後移走舊有而伴我長達8年的JBL4425喇叭。
我用歧視的眼光，而未經佢同意之下，一手抱左JBL 4425去窗台，而小心地把新 喇叭放好，接上喇叭線。
經過接近200小時的煲機後，因為喜歡新的喇叭聲音，決定用新喇叭了，JBL 4425就出售到二手市場。
圖中所見，就係當日我用了長達 8年的 JBL 4425，
當新貴喇叭入門後，佢就即時被打入冷宮。
完