§§ 巴斯主網頁 §§Review 33 §§麥嘜討論區 §§
§§ 巴斯新聞天地 §§Tower3A討論區§§
藍血人DVD碟
日期:2002年5月18日
由網上得知到，大部份入場的網友觀眾，都唔係太喜歡這套電影，
巴斯慶幸沒有睇過這套小說，所以唔會把小說和電影比較，事實上電影無論改篇動畫或小說，
失敗率都非常高。
由於改篇得唔好，巴斯沒有睇過藍血人小說的話，相信會開心D。
自暗戰二、嚦咕嚦咕後，巴斯愛上了中國星與美亞娛樂合作出品的DVD碟。
在巴斯眼中嚦咕嚦咕簡直係港產片的天碟，有傳聞話嚦咕嚦咕是中國星與美亞娛樂最後一次合作，
巴斯為這傳聞好唔開心，幸好今次藍血人，把這個傳聞粉碎。
雖然大部份網友，都叫小弟唔好買這碟。
但為了追求高畫質港產DVD碟，
巴斯一樣好想擁有由中國星與美亞娛樂出品的優質DVD碟。
aa2.gif){kind=small}
昨日經過影視店，以$62買入這隻剛推出的DVD。
片長87分鐘，屬全區，2.35:1的Anamorphic，以DVD-9方式錄製。
( 進入什麼是 DVD-9 )
音效方面可選擇 粵語的DTS、粵語的DD5.1，或國語的DD5.1
字幕分別可選擇繁體中文，簡體中文或英文。
放入這隻藍血人DVD碟，以投影機方式播放，畫質不是巴斯幻想的高畫質，只是一般的畫質，
有多個鏡頭仲係有矇的畫面出現，
但網友如果用顯像管來睇，這碟依然是一隻合格畫面的DVD碟，不會使顯像管的用家失望。
但以投影機方式播放的話，絕對唔可能和嚦咕嚦咕來比較。
以投影機用家身份，畫質失望的話，只好留意音效，以DD5.1播放，都是一般音效，
機關槍掃射的聲音不夠強，反而衛斯理的專用手槍聲，就有唔錯的效果。
可能寄望過高的關係，聲畫都不是巴斯希望的，接下來睇睇劇情。
可能聽得網友負面評價得多這片，所以有晒心理準備，唔太反感，算平平無奇，
沒有驚喜，特技方面沒有什麼突破。
但華仔依然是巴斯眼中的型男!!!靚仔又有型!!!
雖然巴斯是睇緊港產片，但全片我都需要長開中文字幕出來，因為片中，部份的內容，都用英語交談。
接下來巴斯轉用DTS聲音效果，但........以乎......左後置有問題，
巴斯細心聽清楚，應該是廠商做碟時，錄製DTS聲效時，把中置和左後置的聲軌調轉了，
所以用家選用DTS音效時，左後置是出對白比較大聲，
而中置反而沒有對白出，只有較果聲音。
快速地選擇用DD5.1音較重播，問題解決了!!!相信是廠方做碟時出錯，
唉........回收行動應該要開始了!!!但長假期在即，趕到嗎???
各位網友，希望你們在這段期間，想一想是否等回收行動開始後，有新版推出時先購買，
還是先買左，等對換呢???
總結
問到巴斯有否後悔買這片???答案是沒有，因為有華仔的出現，而且片內佢的表現好型仔，
巴斯好喜歡，所以沒有打算出售，現在只希望出品商，盡快安排對換有問題的碟。
| 畫質 | 70分 (投影機用家的標準) |
| 音效 | 60分 ( 不計DTS出問題 ) |
| 劇情 | 70分 |
| 購買程度 | 60分 ( 不計DTS出問題，而又係華仔迷。 ) |
後話
昨日選購這隻藍血人DVD時，數碼妹妹加送了後面這張小型海報比巴斯，
巴斯好後悔，當時想不起請她簽名，上車歸家途中先醒起，真係激死人!!!
丫....猜不到連海報一起影DVD盒，效果都唔錯架播!!!
5月24日
打電話去美亞 2751 3335，登記了姓名和電話。
6月3日
，依美亞指旨，用公文袋，貼上$1.4的郵票，寫上聯絡電話和回郵地址，
不連DVD膠盒寄出有問題號藍血人DVD碟。
當然，佢都接受我們連同膠盒寄出，但用家需多附郵費了。
你連盒寄比佢，佢就連盒寄返比你，睇你自己個人喜好。
巴斯現正等緊佢寄回修正版的藍血人DVD碟，有進一步消息再向大家報告。
不過巴斯正害怕萬一寄失了的話........啋啋啋!!!吐口水講過!!!
吐吐吐，卡Two~~~~平安到步!!!
6月11日
今日終於收到了由美亞寄出來的新版藍血人DVD碟了，是由一個公文袋包裝的。
拆開一看，哈!!!居然係連埋原裝盒寄出比我，看一看郵票，啊!!!用了$3.9的郵費連盒寄回給我。
睇清楚D，膠盒是用保護膠粒包好作保護，隻碟仲未開封，於是拆開包裝後，
發覺由外表是無法知到是新舊版之分。
把佢放上DVD機上播放，選擇DTS聲效，睇睇是否中置和左後置是否對換了位置???
結果當然是正常了。
對於今次對換有問題的DVD碟，巴斯覺得如果可以容許到DVD店舖對換就比較方便一點，
希望美亞公司今後不要再在DVD碟上出現問題就好了。
事實由5月24日，到6月11日，先可以完成整個過程，對消費者來講，真是比較耐一點。
還有就是市面上有問題的舊版，和新版本，在外觀上沒有分別，實在為難了消費者，
如果可以的話，在新版本的封面上，貼上Label之類會比較好。
§§ 巴斯主網頁 §§Review 33 §§麥嘜討論區 §§
§§ 巴斯新聞天地 §§Tower3A討論區§§