朋友的二手力巨字幕機 DV200

上個星期我幫朋友買了一架二手DV200，想和大家分享下過程。

話說我的朋友一直叫我留意二手力巨字幕機DV200，價錢係$700 - 800 咁上下，

大家都知全新係$1200咁上下，但係朋友想搵搵有無二手先，無先買新都未遲。

而一直我都無機會撞正有二手出售，上星期我在深水保成田二手店，剛好見到有架極新淨的，

售價係$800，仲保用半年，於是打電話問朋友，朋友話無問題，叫我幫佢買，

就係咁，我的朋友就用$800買了這架DV200了。

雖然無盒，和只保用半年，但係機身的新淨到同新的係一樣，唔講你都唔知係二手，

由其電鍍的接頭，仲係亮精精的狀態，你就可想而知了。

到步後立即同佢影返輯相先!!!!

圖中所見到的正係DV200力巨字幕機的樣子，圖中位於右手面籃色的係超薄搖控。

真係有趣，當我打開個蓋後，打算影第二張的時候，發現原來跟機來係有一盒字幕盒在內。

可能係上一手機主未取出的關係，嘻，咁我的朋友咪多一個免費字盒用囉????

機頂的Lable係成田二手店貼上去的，如果這個Lable拆開左的話，原定的半年保用就失較架喇。

而左手面的Lable就係屬於力巨的Lable。

所以想影張解剖圖比大家睇都唔得，真無趣。

大家由圖中所見到的，清楚見到DV-200係擁有一組色差輸入，一組色差輸出，

而色差的接頭，係鍍金頭。

而S端子方面，就有一組入，兩組出。

朋友接上機和線後，選用S作為字幕機的輸出和輸入。

朋友所用的器材係三槍投影機，播放 84" 4:3的畫面後，

朋友和小弟同樣都覺得經字幕機和唔經字幕機都係一樣畫質，我和朋友同樣滿意佢出來的較果。

令外我講比我的朋友知，市面上的字幕盒售價係 $18 - $25，

如果他日手上的字幕盒無用時，可拿回力巨位於旺角的【時利和】公司，

作循環再用，帶同舊影片字盒，只需附$8，就可以在舊的盒仔內，重寫新片中文字幕。

時利和地址係旺角好景商業中心，1814室，

電話: 2780 8383

字幕盒唔同地點，唔同售價:

CD時裝店 : 售 $20

德發地庫 : 售$20

荷李活頂樓的節拍 : 和DVD碟一起在店內買的話，每個字盒計你 $20，但淨買一個字幕盒的話 $25。

時利和: 售$18

而字幕盒方面，都可以有兩個牌子選擇，左手面的字盒，係無該片的封面圖畫，

只係擁有【時利和】的標記，這個代表了原文係由台灣直接譯過來，

可能有機會譯成台灣的述語。

而右手面的係本港公司所譯，附有該片的封面圖畫，對白比較港式一點。

消費者可以選擇自己喜愛的字盒。

有關力巨字幕盒推出的目錄，大家可以到以下這個地方睇睇，

但大家需留意，片名的譯名和香港的有所分別。

進入字幕盒目錄

而想了解多一點有關力巨字幕機的話， 可以到以下這個地方

進入力巨字幕機網頁

完