高解像數碼廣播 幼兒班 函授課程
主講: 巴斯光年
好高興和大家分享一下高解像數碼錄影機，小弟今日集中講日本的高解像數碼錄影機，
近日好多網友對高解像廣播好有興趣，所以小弟今日和大家分享下。
高解像數碼廣播，所播放出來的話，比現時市面上的DVD畫質，
優質不只一倍，根本就係一個天，一個地。
高解像數碼廣播，用家需要一架對應高解像的顯示器，
我們今日香港普通家庭用緊的國際線電視機，係無法對應得到。
現時市面最新推出的日版電視，大都係對應了高解像數碼廣播，
畫面係以16:9的形式播放1080i的高畫質，所以你會發覺最近推出的日版電視，全係16:9的畫面。
日本的居民，可享受多個高解像電廣播，節目內容非常多元化，
新聞， 偶像，水著，音樂，體育，電影..........。
在日本方面，有幾個高解像數碼廣播台，日本居民，只需接上一個好細的獲仔，
就可接收到高解像的電視廣播，喜歡的話，可以利用高解像錄影機，把節目錄下來重溫。
但係其中一個在日本非常出名的電影台，名為WOWOW台，以高解像1080i廣播美日電影，
這個台係無法用1080i去錄取到內容，由於版權的問題，1080i的超高頂級畫面係咁完美，
如果人人都唔需比錢，安座家中，按一按個錄影掣，就會擁有一盒解像度仲比DVD高的錄影帶的話，
試問仲那有人去買DVD碟呢????發行商食什麼????所以WOWOW電影台只係會似1080i播放電影，
而在電視台方面做了加密保護的功作，另到用戶無法錄到1080i的優質畫面。
想睇優質的電影畫面，只有睇直播。
但係當然唔係每一套片都錄唔到1080i的，有時電視台都會選擇性咁放寬，某D只可錄一次，
某D可任你錄錄錄，錄完再錄都得，睇佢喜歡囉。
如果朋友有興趣想知Wowow台，今日會播什麼片的話，可到以下這個地方睇睇
如果日本的居民買了對應的錄影機回家後，
雖然錄影機的機背有S和RCA的輸出頭，但係如果想睇數碼高解像1080i的畫面，
你必需係用圖中的D端子輸出，
而另一邊的顯示器，如果你的電視機上有D4端子的話，
咁就係代表你的電視機，係對應數碼高解像了。
如果係投影機的話，就必需係對應HD Component的輸入先可接上。
D端子係有以下幾款:
D端子係有四個格式，但係樣子係一樣的。
D1端子，係對應480i的影像訊號。
D2端子，係對應480i和480p的影像訊號。(一般高級日本 progressive DVD機可對應)
D3端子，係對應480i、480p和1080i的影像訊號。
D4端子，係可對應480i、480p、1080i和 720p 的影像訊號。
同樣地，高解像數碼錄影機，機背上依然係有RCA的聲音接頭，但係如果你想追求高音較的話，
機背上的輸出，必需係用圖中所見的光纖輸出接上。
節目內容大多係用日本自己的音響較果播放，她們選用AAC這個制式，一樣有AAC5.1的廣播，
日本方面，現在推出的擴音機，會對應到AAC5.1的，如果沒有AAC擴音機的話，就只好聽PCM了。
香港發繞友如何享受到高解像數碼廣播????
雖然美國、日本、南韓、北京( 試播)，的人民正係享受緊高解像數碼廣播，
美國用DD5.1聲音擴播，而日本用AAC5.1聲音擴播，
畫面方面全係以16:9的型式播放，多幸福的人民。
但自稱係金融中心的香港，一日掛在口邊，話自己和上海係對手(其實一早比上海超越)的香港，
什麼第一，那樣第一，
直到今日，我們香港人依然未有得睇高解像數碼廣播，無得睇，只好(偷睇)人家的節目，
(偷睇)有兩個方法:
1: 搵日本擁有高解像數碼廣播錄影機的親友，為你錄節目，然後寄返來比你睇。
2: 安裝一個直徑十多尺的巨獲在大廈頂部，費用約係 12萬 咁上下，
在唔下大雨的情況下，你一樣可以好似日本人一樣，
接收到優質1080i高畫質直播節目，當然如果電視台無加密防錄的節目的話，
你一樣可以利用數碼錄影機，把節目錄下來重溫。
影像接線
雖然接上高解像數碼錄影機，係需要D4端子，但係買線時，就唔需話明比店員知，
你係想買D1,D2，D3，定係D4專用線，因為線係無分，你只需話你想買D端子線就可以了。
錄影機輸出數碼影像時，只有一個D端子選擇，你喜唔喜歡都係由佢輸出數碼影像，
但係目的地的另一邊(顯示器)，唔同牌子的顯示器和型號格式，就會有唔同的接頭，去迎接你的數碼影像。
如果你的顯示器係RGB的RCA頭的話，你就需買入我手上的這一款。
圖中左手面的D端子頭，就係接上錄影機，右手面的三粒RCA頭，就係接上顯示器上。
例如Sony 16:9 32" Profeel Pro或Sony 36" HF9 Hi-Vision......等等，都係需用我手上這一款接線。
如果朋友的顯示器，係比較新款的顯像管電視(通常都係日版電視)，
好似Sony 的36DZ950........等等，通常都會有D端子的輸入，
顯示器上的D端子，樣子和錄影機上的D端子係一樣的，
所以你就需要買一條好似我手上的這一款接線了。
由於兩組端子同一樣，所以就無分邊一個頭，接上邊一架機，
只要你喜歡就可以了，絕無方向性的。
最後我手上這一款線，係接上投影機專用的VGA接線，有些投影機係用VGA輸入數碼影像訊號的，
先前的兩款接頭，就無法接上，所以就需要用我手上這一款線頭來接上投影機和錄影機了。
左手面的係接上高解像數碼錄影機，而右手面的係接上VGA的投影機上。
但係朋友唔好見到個VGA接頭，就幻想可直插入你家中的電腦Mon，
因為你家中的普通電腦Mon，係無法對應高解像數碼影像訊號的。
錄影帶
高解像數碼錄影機所用的錄影帶，係可以選專用的DVHS帶，
或普通我們日常用的Super-VHS錄影帶，去錄節目。
兩者所錄出來的較果，小弟睇唔到會有什麼不同之處。
另一方面，數碼的好處，就係唔會因為你用錄影機錄，唔係直播，而會有所損失，
錄出來的畫面和音響較果，都係和直播一樣咁高質素。
如果節目係以AAC5.1擴播的話，咁你錄出來的較果，同樣都會係AAC5.1。
缺點
每件物品都會有佢的缺點，高解像數碼錄影機都唔會例外，
1:保養
無論畫質多美，解像度有多高，這些訊號最後的目的地係錄影帶，
錄影帶係無法永遠咁保存，如果你播得多，或保護得唔好，這盒帶的畫面就會失真了。
2: 搜畫
LD和DVD的出現，另大家都對搜畫這個動作生疏了，
高解像數碼錄影機，係會另你把這個朋友，帶返到你身邊來，
DVD碟播放中途，你想跳去Chapter 16，只需一到兩秒，就到達你喜歡的目的地，
但係高解像數碼錄影機就做唔到這點。
3:體積
一盒錄影帶的Size有幾大，我睇在座中，無人會唔知，日子一天一天過去，
錄影帶的數量會係幾何級數咁上，這些比DVD優質的畫面錄影帶，
作為一個發燒友，你捨得洗去嗎????如果長期下去的收集的話，
我唔講了，你們想像一下罷。
想在本港參觀高解像的數碼廣播????
顯像管電視示範
如果想在顯像管電視內感受一下高解像數碼廣播的威力，可到以下地方感受一下:
旺角友誠大廈的達成行(示範日本錄影帶節目)
或旺角添置大廈16樓的Av館(同步直播日本節目和示範日本錄影帶節目)
投影機示範
如果想在三槍投影機上面感受一下，大畫面下的高解像數碼廣播較果，可到以下地方感受:
中環的別超家庭影院(示範播放美國和日本錄影帶節目)
中環的影音顧問(示範播放美國和日本錄影帶節目)
銅鑼灣方面的亞洲影視(示範播放美國和日本錄影帶節目)
如果無記錯的話，以上幾間都係用100"或以上的16:9畫面播送高解像數碼廣播，
作為一個發燒友，一生人之中，絕不能錯過這些高質素畫面。
如果你打算去睇投影機出高解像數碼廣播的話，最好就係和佢地約定時間，
因為佢地有時會做緊示範比其他有約的客人，
無約的話，分分鐘無得睇，以下係他們的地址和電話。
有一點需提提各位網友，小弟有親眼在他們的發燒房睇過示範，
但咁唔代表佢地一定要比發燒友入去睇，我只係知道以上的店舖有足夠器材做示範，
唔代表店舖一定需要招呼我們發燒友去參觀，所以出發前打電話問問比較安全D。
小弟只係把所知的內容提供比各朋友分享，真係唔希望會有什麼唔開心的事情發生，
希望各位明白。
Av Consultant (影音顧問)
:
中環雲咸街，34號世界商業大廈一樓，電話 :2581
2928
亞洲影視:
銅玀灣謝斐道496號，金利文廣場，18號，1802室。電話:2838
3699
別超家庭影院:
中環皇后大道中10號中航集團大廈11樓 ，電話: 2530
3881
完