網頁版【巴斯主網頁 Review 33 小強新聞組 Tower3A討論區 麥嘜討論區 阿柒新聞組】

新聞組版【阿柒新聞組 小強新聞組 巴斯新聞天地 KC Lau軟件DVD新聞組】

第16期(冬季)Hometheater

2002年7月3日

大家好，一向喜歡睇別人的發燒器材和家庭影院，和大家介紹一本由Hi-Vi同一間出版社出版的雜誌，

名叫【Home Theater】，佢係以季刊方式推出的，

還記得上次巴斯貼過有關第17期(春季)的內容嗎???巴斯今次為大家帶來第16期(冬季)的內容。

【Home Theater】一年只有四本，去到專訂日本雜誌的店鋪【智源】，用了一個月的時間，

先得到手，收費$128.6 睇書名，大家都知到係以家訪的方式，睇睇日本的發燒友，

係點樣擺放他們的家庭影院，巴斯好希望和大家分享其中內容，

$128可以睇到人家的器材擺位，我自己覺得值得，

而且三個月先推出一本，不難接受呢。

第一位發燒友，所用的投影機，是Sony G70三槍機。

利用裝修來美化G70。

單係睇到前面的器材，都嚇到目定口呆了!!!在日本購買這些器材，真係貴到不可想像。

天!!!想不到這個發燒房的背面器材仲利害!!!

另一位發燒友，同樣都係三槍機用家，佢當然就無剛剛那位咁富貴啦，但器材係一點都不差啊!!!

利用角鐵來固定這個日本國寶級三槍機，三菱2001三槍投影機。

大家細心留意一下，在三菱2001的機下，有限量版的D2001轉換器和另一款三菱高級倍線器。

左圖最下面，大家可以見到機主是用 Sony前後級作為家庭影院的擴音機。

接下來為大寄介紹別一位發燒友的家庭影院，屋主為了遮光的關係，把三個窗都做到不漏光，

有需要時，窗依然是可以打開的。前置中置和超底音，都在正面，一陣放下投影幕，

一個家庭影院就出現在大家眼前。

啊!!!當投影幕降下時，呢家人真係要做到真真正正的家庭影院，你睇你睇!!!唔洗咁投入下馬???

真係戲院椅來架!!!仲可以放飲品的位置添!!!

三槍機選用了Sony 的D50，圖中的左手面，大家可以見到有一排的Mark器材呢!!!

接下來我們又去到另一個家庭影院了，這家人係用Plasma的，想把器材收得美觀一點。

購入了圖中這款機柜，方便抽出機來換線。

接下來，我們又去到另一個發燒友的家中，睇睇佢的器材了。

美觀的佈局，一對中置，放在地上。

投影幕掛在柜上面，一點都不礙眼。

圖中大家也可以見到，房主還加上吸音柱呢!!!

用作家庭影院用的各款器材，都是整整有條地，放在這個位置。

正面我們睇過了，轉轉身，看看級面???

嘩!!!又係富貴人家，靚得佢丫!!!件件名器!!!機主真係開心!!!

一面係純家庭影院，另一面是純音響高級器材，聲畫都係咁一等一!!!

如果巴斯又有咁樣的面積和金錢就好了!!!

好快，我們又去到另一位發燒友的家庭影院了，嘩~~~~真頭係用戲院喇叭!!!真係唔講得笑!!!

當你見到這三隻喇叭咁樣放法，一定知到主人家，實係用透氣幕呢!!!否則個幕咪封住三隻超巨喇叭???

知不隻幕有幾大???

係200"16:9呀~~~~~~~~~~

透氣幕，戲院喇叭都唔止，居然用兩架Barco 1200三槍投影機來重疊同步播放。

我就來痴線喇!!!唔該搵人扶扶我丫!!!

你睇睇佢D器材???噓!!!件件都唔係差，主人家真係開心!!!

離開那位戲院之星的發燒房之後，我們來到了另一位發燒友家中睇睇。

這位發燒，選用了Sony D50三槍投影機，投放到120" 16:9幕上面，

前置都唔係差架，係JBL S5500，中置方面一D都唔會差，中置都用一對，係JBL4312。

後置呢???唉......係我的初戀，JBL4425!!!真係富貴，巴斯花了一生的時間，

先可擁有過一對兩聲途用的JBL 4425，這位日本發燒友，居然用來作後置，唉......個心真係頂住頂住!!!

睇清楚個超低音，仲大過我個頭!!!嘩~~~~~~你話睇恐龍片的時候係點架呢???

離開那位JBL迷後，我們係咁依望望高雅人仕的家居好嗎???這位發燒友，無剛睇過的D激，

等大家冷靜一下，唔好咁緊張。

現在這位用家平實好多，選用JBL S9500，投影機方面就用上了三菱的三槍機2001。

大家吃完小小甜品了嗎???接下來是最後的一個家訪了，大家準備好沒有???

這位用家的喇叭，同樣都係這個樣子，你們就知到，又係用透氣幕的用家了!!!

機主係用三槍機，選用Sony 1292，投放150" 16:9透氣幕。

知否圖中就是機主的DVD軟件庫???DVD面世自1997年，今日是2002年，五年內，擁有3000隻DVD碟，

五年即係1825日，差不多在這五年內，每日都買1.6隻DVD碟!!!利害啊!!!其實有無咁多碟睇架???

係日日都播.......丫!!!擁有唔代表要睇架播何!!!咁又係!!!

不過每日都買1.6隻DVD碟，真係好有錢先得啦!!!如果巴斯開間DVD店做佢生意就好了!!!

圖中用角鐵所做的架，上面係什麼你是知唔知???

就係LD碟了，有7000隻呀~~~~~~!!!

一年都係得365日炸，每日睇一隻的話，都要連續睇十九年，先睇得晒!!!

邊位可以扶扶我............

開心時間，好快過去，轉眼間，睇完這本書了，其實今期仲有好多家訪的但係巴斯因為時間關係，

所以沒有一一貼上，如果大家對這本書有興趣的話，可以在書店訂購回來，

感受一下別人的器材，真係好開心架!!!巴斯好開心可以和大家分享這本書的內容。

希望可以好快和大家介紹2002年的夏季(18期)啦，再見!!!

網頁版【巴斯主網頁 Review 33 小強新聞組 Tower3A討論區 麥嘜討論區 阿柒新聞組】

新聞組版【阿柒新聞組 小強新聞組 巴斯新聞天地 KC Lau軟件DVD新聞組】