再訪光哥家

今次係我第二次去到光哥家中，同樣又影了這批相片和你們分享，

當中有D相片在上次時未有上鏡，今次有機會影返。

大家見到圖中的房門相片嗎????這個唔係一個普通的門咁簡單，

光哥為了隔聲的關係，想半夜三更開機而唔想打擾家人，

所以一個隔聲門係必需的，圖中所見的，正係隔聲門。

光哥自製了一個升降較，當門打開時，較位會升起，門就唔會和地面接觸，

等你可以打開門，而相反地，當你把門關上後，這個較位就會降下，四邊緊貼邊位，

連門腳都可以緊貼地面，做到密不透風的效果，咁多年都唔會因為半夜三更開機而打擾到家人睡覺。

這張椅係光哥行經垃圾房旁邊空地時，見到的一張汽車座椅，

光哥彎腰一看, 發現椅底安裝了電動摩打, 於是便把椅子帶回家, 作可調較椅背傾斜度之梳化用.

後來更把椅背之 乳膠拆去, 改安裝了一張OSIM椅背式按摩器, 這樣便變成一張按摩椅了.

電箱由佢改成為獨立的主電。

一行一個，音響一組，家電一組，例如萬一廚房跳掣的話，都唔會令到家庭影院停電。

由於組組獨立的關係，佢家中的電箱，就高過人的高度了。

這個係光哥用作客廊廳燈掣的開關。

大家有無見過向外推出的鋁窗都係電動的呢????

光哥家中外推出的鋁窗，就係電動的，隔離單位，見到一排鋁窗無啦啦打開時，

真係以為有鬼!!!!

令到鋁窗電動開機的機器，就係收埋在窗簾後面。

單車鍊轉動左手面的橫軸，推動鋁窗開關。

右手面的推桿，原理就係和我們家中的大門氣股一樣道理，推桿被單車鍊的帶動後，

作出伸縮的動作，另到鋁窗電動開關。

向街的位置，光哥安裝了鋁片，防水性達100%

上面的係一代名器Yamaha 3000 AV Amp，當年售約二萬多元，今日被光哥改作膽機之用，

但依然保留佢搖控功能。

下面的係Pioneer的S-9 DVd機，今日不能出售到二手市場了，因為被奇人改作Balance輸出了。

圖中所見的係Yamaha 3000 被改後的Balance。

圖中在Stewart 100" 4:3的電幕下，正係光哥自己做的電動黑布升降器，

作用係把1.85:1和 2.35:1畫面多出來的頂部灰位遮了，圖中的相片係當佢收起時的狀態。

圖中就係當電動黑布升降器放下時的狀態，佢係用電動開關，一下一下咁按開關，

就可以到達你喜歡停留的高度位置，正!!!!

右手面黑色的盒仔，就係拉動這個電動黑布升降器的摩打位置。

而左手面的這個黑盒就係控制塊布的長短。

圖中的係廚房門，由於係透明玻璃的關係，如果睇戲時剛剛廚房要同一時間用的時候，

廚房的燈光就會直接影響到個畫面，會好唔方便，

所以光哥同樣做一個電動開關的升降黑色鋁板在廚房門後面，

由於廚房門之玻璃窗開設在門之上半部位置, 故特別訂制黑色鋁板由下拉上遮擋光線,

當有需要時，一按電掣，電動黑鋁板落下來就大家開心!!!!

圖中正係亮起廚房內的燈，然後把電動黑布落下來的較果，

真係一點光都唔會漏出，絕對絕對唔會漏光而影響畫面。

圖中的正係用來阻擋白色天花板反射下來，而影響畫面的反射光之用的龍蝦臂

上次因為需要換上優質布料，所以停止運作，今次工程完成了，

大家可以睇到佢係幾咁有較地阻撞天花上的反射光。

圖中的正係這個龍蝦臂的摩打，唔講你真係唔知，這個摩打係非常非常之靜，

所以當運作時，真係接近無聲，而且這個摩打因為扭力大的關係，所以先可以好穩定咁把龍蝦臂推動。

問到光哥這個咁靜的摩打價位時，

嘩!!!!價錢真係嚇死人!!!!唔係佢親口講，都好難接受這個摩打價位，

就係港幣$50一個，光哥係在鴨寮街的地攤見到，所以就買佢返來用，

問到光哥有關這個摩打係由邊度拆下來的呢????

個答案真係嚇親我!!!!

就係汽車擋風玻璃上的水撥摩打。

龍蝦臂的設計，依然係利用金屬感應器的原理而開關的，

圖中有兩條索帶的就係這個金屬感應器，

在布的盡頭，接上金屬片，金屬感應器就會開動或關閉，而作出伸或縮的動作。

這個就係新做出來的部份，目的係把升降投影機時作用避震的設計。

圖中的正係Ampro9"投影機的有線搖控，無論Size和設計，都和超市內的打貨機差不多。

圖中係後置, 分別係JBL(已退役)及天朗(現役), 同樣是加上FOSTEX的horn咀喇叭.

這個18"超底音的茶几，用上了防震物料後，就可放上玻璃了。

平時的汽水零食就係放在這個改裝後的茶几上。

右手面的黑膠喉，唔講你唔知，就係超底音了!!!!強!!!!

光哥的軟件庫就係放在這個位置。

只係行左幾十小時的二手9"機，售$58000。

完