過百萬器材的 7.1聲道家庭影院
巴斯好多謝一位朋友，通知小弟上個星期六( 2001年7月21日 )的下午，
有兩場的 7.1聲道示範，在尖沙咀美麗華酒店舉行，
這個示範係由 雅典公司，音響技術和Av Consultant合辦。
器材方面如下:
喇叭
主角係Martin Logan一系列的靜電喇叭:
一對Prodigy負責前置
一隻Theate負責中置
一對Ascent負責後置
一對Scanario負責後中置
超低音 Rel Acoustic有源超低音
DVD機 東芝SD-900E
前級 Lexicon Mc-1
後級 Pass Labs
Pass Labs X600負責前置 600W x 2
Pass Labs X350負責後置 350W x 2
Pass Labs X250負責後中置 250W x 2
掘指一算，價值超過100萬的器材。
進次示範最主要係給我們有機會，睇睇靜電喇叭，是否一樣可以成為家庭影院的一員。
小弟選擇了第一場 即係 2:30pm，為了想有一個比較佳的位置，我1:30pm就到達，
在門口等了半小時，2:00Pm第一個進入會場，得到非常好的招呼，
和職員談了一陣有關器材的問題，就開始我的茶點，非常美味，
通常唔雖錢的食品，對小弟來講，都係好好味道的，我好後悔點解要食左飯先來，
真係好想扣喉，等我可以食多小小點心呢 !!!! (一笑)
以下張相片，就係酒店會場的入口。我到達時，因為太早的關係，一個人都未見有。
會場係分前後兩間房，前一間房係放置了Loewe的電視機和其DVD機，
茶點也同時放置在這個地方，
以下這張相片中，正係Loewe的電視機，外型非常華貴，
16:9 內置自己的progressive，有VGA輸入，可接電腦用，國際線路。
Loewe的DVD機小弟都只係第一次見到，這款機外型非常靚仔，
非 progressive輸出 ，售價係$5XXX。
這個同樣都係放在第一個房間，正係Martin Logan的其中一款中置靜電喇叭，
名為( Cinema )。
踏正 2:30Pm，後面的第二間房門開了，小弟當然搵到心中最佳的視聽位置座下來，
10分鐘後，主持人大草先生出來，用風趣的氣紛和大家見面，
而且仲介紹Martin Logan公司的高級發言人，為我們講解其公司的產品，
最左手面的正係大草先生，中間的係Martin Logan的代表，右手面的係負責翻譯的Simon。
一入門口，出見小弟眼前的係Martin Logan的後中置，位放在房中的最後位置。
再進入大約4步的位置，就係另一款Martin Logan後置喇叭。
由這個角度來睇，大家可以同一時間睇到兩款Surround喇叭。
比較遠的係後中置。
入到來最入的位置，一套非常非常有氣勢的器材就在眼前。
PASS LABS 幾款唔同型號的後級，放在地上，暗藍色的燈實在非常吸引。
82" 16:9 Stewart硬幕下面的係 Martin Logan的另一款名為( Theater )的中置。
硬幕的好處就係長期都可以保持到表面挺直，大部份頂級發燒友，必定選用硬幕。
為左唔想天花反射多餘的光線到幕的表面，工程人員放上了一塊黑布在幕頂，
使畫面得到一個最佳的環境。
小弟對幕的品質，要求係最重要，我個人覺得，成個畫面，最後把關的正係幕，
如果個幕的質料唔好，什至乎係表面"巢"的話，咁之前的靚線，靚器材，靚投影機........
通通都係得個零，所以我個人好睇重個投影幕。
我絕對唔能夠忍受一個唔平直的幕，所投放出來的畫面。
圖中的正係今日的主人翁Martin Logan一對Prodigy的靜電喇叭。
小弟和其他在座的發燒友，都係第一次見識用靜電喇叭作家庭影院的較果。
圖中可以見到，通孔的位置，就係透明的靜電震動幕，震動時比空氣還要輕。
在設計上，唔需要天花和地下作聲音反射。
為了取得比較好的低音，Prodigy的設計，依然在身上的一前一後，加上了低音單原。
Pass Labs今次提供了以下的幾款後級作唔同的分工。
x600負責前置600W x 2
x350負責後置350W x 2
x250負責後中置250W x 2
大家睇睇Pass Labs的外型靚仔到呀!!!!
圖中位於中置下面的，就係Lexicon Mc-1前級 Processor，佢係小弟一直想買的器材之一，
但無奈她的價位，實在係非常名貴，唔好計全新價，單單係二手價，這個前級就需三萬幾，
都未計後級，相信小弟有生之年，都唔可能擁有。
位於MC-1之下的係東芝頂級SD-900E progressive DVD機。
今日東芝DVD機所輸出的 480 progressive訊號 ，唔係好似我們咁，直出到投影機上就算，
而係把東芝的 480 progressive 的訊號，接上新款的一個名為(Vigatec)的頂級倍線器，
然後(Vigatec)會倍線為720P，市面上的倍線器，大部份都只可以輸入 480i，而幫你倍線為720p，
好小能夠輸入 480P訊號，小弟只知Faroudja的頂級型號有480P的輸入，
但係價位就足以買一架全新日本新車，而這個(Vigatec)大約$6-7萬就可擁有。
圖中的正係(Vigatec)的樣子，佢係同時對應到NTSC和PAL，而最新的HDTV，對佢來講當然唔係問題，
佢最高係可以出到1080P的超頂級畫面，所有係講得出的輸入，佢都能輸入，
就算最低的480i輸入，最後都會因為經過佢，而成為1080p出返來都可以。
今次的影像工程，係由香港一線專業器材工程公司Av Consultant負責，在業界都係數一數二的公司，
其專業程度，由其所選用的器材就知一二。
加上負責人Alan Lee多次接受無數次的唔同媒體訪問，由其係早年有佢的一個電台節目，
內容都係講有關音響器材，係小弟的偶像之一。
試問今次這個Show，有雅典公司Av Consultant和音響技術，這鐵三角的組合，小弟又點會唔出席呢????
圖中所見，就係(Vigatec)的背面，可以見到係可以好多款唔同的輸入接頭。
所有影像訊號，最後都係接上到圖中所見的三槍投影機，
當日係選用TAW HD-800，佢係八寸玻璃管，售價約16萬。
配合埋(Vigatec)所出來的超靚畫面，使在場人仕，目定口呆!!!!
圖中這個小弟都係第一次見到佢的真身，佢係一個調較畫面使用的器材，
售價係六位數字，係Av Consultant引入，用來為佢的客人安裝投影機時，
利用佢來量度出誤差的畫面，從而調校出最完美的畫面，
當然如果有另外一D客人想改善家中的投影機畫面，
Av Consultant都一樣會帶同這器材上門作出調較，但我唔知收費如何，
我都係偷聽在場的工作人員和發燒友對話而得知小小。
圖中所見，就係當日所用的Rel Acoustic Studio 2 MKII超低音，
這款當然係有源(內置擴音機)的款式。
另我褲腳都郁埋的，正係因為有佢的關係。
Video係我最大的興趣，當Av Consultant的負責人Alan lee講解有關Video的專業內容時，
小弟居然聽得太入神，完全唔記得同Alan lee影相，得佢講完晒我先醒覺到無影到佢相片，
現在小弟只有當日佢工作時的背面相片，希望大家原諒一下，背面都睇住先好嗎????
有人話工作中的男人，係最有型的，大家同意嗎????我當然覺得，所以先問你們呀 :D
小弟非常非常多謝主辦單位，最近幾年，小弟無機會睇到音響展，好多公司都無攪影音展覽，
今次我有機會睇到這個發燒展，而且仲係以7.1家庭影院作為主題，實在小弟係非常開心，
當日音響技術的主持人大草先生非常風趣，想唔到佢的雜誌和佢本人都係咁有趣味性，
當日大草先生帶左好多佢心愛的DVD碟到場作示範，睇得我非常開心，
好多片段小弟平時無留意的畫面，大草先生推介出來，實在係好有趣味性，
在個多小時內，小弟無一秒鐘覺得悶，播一段片，了講解一下，再播另一片段，
一點都唔會悶，就係因為這個Show實在太好的關係，
在4:15完結時，小弟又做了一件壞事，就係唔走，響度扮工作人員，行行企企，
哈!!!!咁都比我過到骨，4:30第二場的觀眾入場時，我又搵過另一個靚位座下來，
大草先生今次所播的片段，和上一場的完全唔同，另小弟睇得比上一場仲開心。
講返個畫面，嘩!!!!靚得驚人，在場人仕，有好多係LCD的用家，
個個都覺得眼前所出現的三槍機所播出來的畫面，比起他們家中的LCD，實在係差得非常非常之遠，
就算小弟家中的三槍機配倍線器，都只係可以係480i轉去到600P，
和示範所用的480P轉成720P的解像度，
實在係仲有一段距離，我非常非常佩服工作人員，
點可能把呢D咁優質的畫面和聲音，放在一個酒店用的會場上，依然發揮到器材的高性能。
由其係喇叭的擺位，實在係非常非常之難較到一個好的較果，
睇得出，他們花了好多時間和心血在內，我個人就好滿意所出來的較果，
多次的低音，直逼小弟的心口和褲腳，一時間，唔知睇靚畫面先，定係Feel下D強而有力的低音好。
總知就週身唔得閒啦!!!!
快樂的時間，往往都係好快過去，小弟由2:30一直睇到5:45散席先離開，睇足兩場合共三個多小時，
在回家途中，依然回想起當時的器材所發揮出來的較果，把這個較果和畫面，
記在心中，另一方面，自己好心急想回家，睇睇剛剛所播片段，睇睇回家後是否可以重見剛剛的畫面，
但現實往往都係..........唉，唔好提了。
完