陰陽錯LD

上星期在旺角的二手特區見到圖中這隻陰陽錯LD碟，在那一刻腦海中閃出好多當年的回憶，

眼中的這隻LD封套九成九新，一些摺紋都見唔到，售價係二手港產片LD當中，屬中價的LD，

平價的一般都係十幾廿蚊有交易，如果係不知所謂的電影，係講緊$5，

而這隻保存得非常新淨的陰陽錯LD價位係 $80 。

雖然係就係貴左D，但係佢使我想起了當年香港的情侶們，包括巴斯和女友(今日的太太)，

紛紛都睇過這套電影，而睇完這電影後，男的一方，差唔多一面倒，

會送圖中所見的音樂盒比佢心愛的女友，因為這款水晶音樂盒內的音樂，正正就係片中的主題音樂(幻影)。

音樂盒係以上鏈的方式運作，所以聲音特別清晰，特別響亮，唔似得現在的電子音樂盒咁假。

而女方收到這個音樂盒，差唔多係必然的，否則女方如何與身邊的八掛朋友交代呢????

就如情人節女仕收唔到來自男朋友的花一樣。

而片中的主題曲係由譚詠麟主唱，這首(幻影)把譚詠麟的事業，推上更高的一層。

巴斯當年睇了兩次這電影，買過兩個音樂盒，其中一個係幫一間專門店買，

附有刻字句和名字在音樂盒的玻璃面上的服務，我寫左D什麼字句上去????

只有我和她知道........

所以當我無心理準之下，一時間見到這隻LD，就好想買回家，拿住佢，回憶一下當日的片段。

和巴斯一樣年紀的網友，當年你們是否有送過或收過這款音樂盒呢????

是否又會把以住的回憶帶返來呢????無論你們的回憶係好，定係壞，都只不過係一個回憶........

完