網頁版 §§Review 33 §§ 小強新聞組§ § Tower3A討論區 §§ 麥嘜討論區 §§RLII的討論區§§
新聞組版 §§ 小強新聞組§§ KC Lau軟件DVD新聞組§§
三區香港版單碟版怪獸公司
日期: 2002年9月8日
星期六的黃昏，接到電單車手TZR的來電，話【怪獸公司】剛剛推出了三區版，問我仲企響度做乜???
我等了【怪獸公司】粵語版好耐了，我在一點心理準備都無之下，接到這個消息，我仲點樣控制到我自己呢???
我即時飛身撲出去旺角，晚上7:30，搵了幾間店舖，都向我回應同一個答案，就是.......【售清!!!】
幸好上天對我好好，最後在德發地厙，用$125買到單碟版，問我點解唔買雙碟版???
唉......一早搶購一空啦!!!仲有嗎???睇下都無資格呢!!!還計較嗎??? 好!!!單碟版都殺!!!
比錢的一刻，你們睇睇個封面!!!
嘩~~~~封面好醜樣呀~~~~怪獸公司這四隻中文字，實在太醜樣了!!!仲好大隻添播!!!
真係盲都感受到這四隻字的存在!!!哼!!!
aa20.gif){kind=small}
我望一望封面，再望一望收銀員，吞了淡口水，收銀員由我的眼神感覺到我的感想，
佢回報我一個眼神和笑容。
噓~~~~!!!我完全接收了佢的訊息，就是 【你要唔要呢???你可以唔要的!!!】
我感到後面好似有人想我唔要，所以我即刻比錢買，可能係這刻旺角區最後一隻三區港版【怪獸公司】。
星期六的晚上，家中只有我一個，你話空手返家的話，你叫我點算???aa28.gif){kind=small}
一開畫面，好開心，係1.85:1Anamorphic畫面，聲音英文先係DTS，就連粵語配音也有DD5.1。
不過數字無意思，聽過先係真實!!!
畫質
雖然我就無睇過一區的畫面不能AB比較，但我真係唔覺得眼前這個畫面是會有問題出現，
如果真係要比的話，可能反斗奇兵會鮮色D，七彩賓紛D囉!!!
對這碟的畫質一點也沒投訴呢!!!
毛毛的毛在雪地一場風雪吹到的較果，充份表現到最佳較果呢!!!
比起之前話自己用了幾多幾多錢拍的太空戰士的頭髮，好多不知幾倍呢!!!
這碟是似DVD9收錄 ( 進入什麼是 DVD-9 )
這碟在 Chapter 27內，約是在 68分鐘咁上下跳Layer的，
跳得不錯， 停的時間不長，而且剛剛好是木門過山車停下來的一刻跳Layer，所以不太過覺眼。
粵語配音
講到音效方面，我等了咁耐，當然是因為粵語配音，
所以我第一件事就是設定為粵語配音版本來欣賞這隻碟的第一次。
對白方面，清清楚楚聽到左中右移動的聲音，不但非常有方向性，
每一句對白都係咁清清楚楚，唔會好似其他劣質DVD碟咁，要開中文字幕你先知佢所講的粵語。
選角方面，我覺得用鍾鎮濤配毛毛無問題，鍾鎮濤的聲線都比較粗豪，我覺得同毛毛幾夾。
而第二主角大眼仔，就由森美配上，不過不失呢!!!
而雷宇揚就配奸角蜥蜴仔，表現都不錯呀!!!
但我後來先知到，好小出場的大眼仔女朋友，是由李彩華配的。
巴斯最最最最喜歡是BB女的聲音，不論哭或笑，還是講野，都係好可愛(我只是指聲音方面)
BB女的樣子，巴斯反而不覺得吸引，我好喜歡佢的聲音呢!!!
在欣賞過程當中，由於是粵語配音的關係，我的眼可以長期欣賞片中的人物表情，
和細心聽到內裏的細微聲音，我個人好享受不需追字幕而可以欣賞畫面的感覺。
非常多謝這次做碟的幕後工作一員，巴斯今次可以享受到優質DVD碟，都是因為你們做得好的關係。
音較
聲較方面真係好開心，你們都知到我係幾咁喜歡低音啦!!!
主角毛毛厚厚的腳掌，長期於步行時，都發出篷篷聲，由其走在木地板上，真係好開心的!!!
低音不需大聲，但一下一下結結實實的低音，好享受的呢!!!
好多環境的音較都好吸引，如空的鐵罐碰撞聲，大大力踢開廁所門，那個音較真係!!!嘩~~~無得頂!!!
以上較果用DTS聲音較果出來仲利害多 20%呢!!!
所以我一晚睇了這片兩次....其實該係聽和睇兩次。
劇情
劇情方面，悶場不會太多，Ok啦，你話睇到拍晒手就不會，總知我睇三四次都無問題的。
事實上近年的片都唔係好滿意，這套劇的內容我覺得唔錯囉!!!
大人細路都合口味。
特別收錄
睇完這套片後，記得觀看特別收錄
第一個是【Finding Nemo】
是明年暑假上演的電影，就咁睇片頭，雖然有中文字幕，單單幾分鐘的片段，好似不吸引的內容。
●●●●●●●●●●●●●●●●●●●●●●●●●●●●●●●●●●
第二個是【For The Bird】短片，默片無需字幕，盡在不言中。
高畫質Anamorphic，內容很有趣，是絕不能錯過的三分鐘片段!!!
●●●●●●●●●●●●●●●●●●●●●●●●●●●●●●●●●●
第三個是【Mike's New Car】4:3畫面，有中文字幕
是由【怪獸公司】兩位主角，大眼仔和毛毛主演的，片長幻三分鐘，
內容係講大眼仔買了一新車，同毛毛一起遊車河的內容，同樣不能錯過的片段!!!
●●●●●●●●●●●●●●●●●●●●●●●●●●●●●●●●●●
第四個是【Outtake】，是剛剛完場時播過的NG鏡頭，只是今次放大D比你睇咁解。
●●●●●●●●●●●●●●●●●●●●●●●●●●●●●●●●●●
接下來的Game和意念.....通通都不是巴斯喜歡的內容，打了個呵吹~~~~後，你們有興趣，
自己睇吧，我對其他內容不感興趣呢!!!
今次的 aa222.gif){kind=small}
評分唔需咁煩分開晒!!!
滿分!!!買啦!!!無死錯人的!!!
不過是否該買雙碟版，我就真係唔知了，我自己就唔會轉了，
我都只係喜歡睇套戲姐!!!無需攪咁多無必要的內容呢!!!
ENDaa5.GIF){kind=small}
網頁版 §§Review 33 §§ 小強新聞組§ § Tower3A討論區 §§ 麥嘜討論區 §§RLII的討論區§§
新聞組版 §§ 小強新聞組§§ KC Lau軟件DVD新聞組§§