A-Keung係我其中一位好朋友，佢一直好好好好好迷戀Pioneer的LD機皇HLD-X9，佢好想擁有，
但係家陣市場上面無晒優質淨LD機出，只係得Pioneer的LD機皇HLD-X9仲在日本發售，
但係就唔係用當年舊價$13000港元，而係$18000港元先買到了，這個唔係炒價，只係Pioneer吊高來賣，
試問$18000點買得落手，所以佢在這九個月內，四圍搵二手的HLD-X9，但係一次又一次的失敗，
有次好開心咁比佢接觸到一位想放出手上HLD-X9的機主，約好集合地點，但係這位機主，
在最後一刻，比電話亞強，話都係唔捨得，取消這次的買賣，A-Keung好唔開心，但係都需接受這個事實，
這個錯節，無為A-Keung帶來棄屢，依然四圍搵，過左一排，比佢見信和地庫的二手AV店有架HLD-X9，
佢真係飛身過去問價，但係............
真係天意弄人，這架機店主留了比客人，這位買家一早留下姓名比店主，話如果有貨就Call佢，
而店主早幾小時就至電比新買家用$7000出售比佢，新買家答應放工後來取，所以唔可以出售比亞強，
A-Keung精神差點崩潰，佢唔理三七二十一，佢和店主講用$7200買，但係店主話唔得，對唔住，
A-Keung聽唔入耳，再向店員講，話用$7500買，但係店主依然都係話對唔住，唔係錢的問題，
A-Keung再話我出..........。
店主唔想聽，同A-Keung講 :先生，真係唔係錢的問題，係誠信問題，真係對唔住，我真係唔可以咁做，
A-Keung聽到之後，真係好無奈，雙手緊握掌頭，眼有淚光咁消失在人群之中。
前幾日剛剛掛起一號風球，真係黃天有眼，A-Keung的龜中密友.........啊???打錯字，唔好意思，打過!!!
係閨中密友Alex，無意之中在【影音寄賣】見到這架A-Keung發夢都想得到的LD機皇，
Alex第一時間打手提比正在工作中的亞強，太突然了!!!Alex一時之間接受唔到，
Alex口都震晒咁話，.....亞亞.....強.......HLD-X9......在.....我我我........面前......點點算???
這時一道閃電劃破天空，雷聲大作，雨開始落下，A-Keung立刻放低手上的工作，
立刻跳上剛購入的【平治】，車上的水撥用力撥水，心急的A-Keung想叫司機開快一點，
但係佢唔可以咁做， 因為這個司機係九巴的員工，佢係唔會聽A-Keung講的，這架平治係由九巴購入，
剛剛行走這條路線只係幾日，A-Keung座在樓上的其中一個座位。 :p
最後到達目的地後，A-Keung用$6800成功咁得到佢的夢中情人Pioneer的LD機皇HLD-X9。
A-Keung好好好開心，佢家中接近200隻LD終於都可以有一個好的LD機來重播優質畫面了。
圖中所見的正係剛入門的Pioneer LD機皇HLD-X9。
近日網友的Progressive DVD機選擇和【雷霆救兵】搶灘的劇情一樣，
2000年11月1日，AV發燒友第五營，乘座登陸船試圖向Progressive
據點登陸，
倉門一開，發燒戰士們向灘上殺上，重型機槍所發出的子彈橫飛，
灘頭上掃射一個又一個的飛彈，
隊友向山上還擊，來自敵方的一枚RCE飛彈，打中亞強身近一米的沙灘，
做成一個三米乘兩米的彈坑，
幸好亞強走得快，只是皮外傷，走到比較有利的位置還擊敵軍。
另一邊MWPMO被【PAL線】長距離來福槍射殺，MWPMO左右走避，利用較低的位置隱藏。
杜漢迷見灘上的隊友死傷無數，叫其他隊友分散位置，搶灘登陸，
剛好被一枚破甲子彈打中頭盔，
幸好頭盔硬淨，非常好彩。
巴斯光年放低手上的Sony S7000於身邊，抱膝在灘上哭不成聲，由佢眼神睇出佢好驚，
Simon見到，立刻走到巴斯前面，對從後趕至的Felix講，佢咁樣唔惦，
Felix話：我唔知集合地點在邊度，但一定唔係呢度!!!拖佢走!!!
兩人抽住巴斯，拉佢到較有利的位置，等機會突圍。
就在這個時候，亞強大叫一聲，肚出口中香口膠，單人匹馬，向Progressive
陣地跑去，但走到不到十步，
亞強的方向發出巨響，原來亞強中左一早埋在地下的RCE地雷，生死未明..........
只見軍醫Alex Au上前為佢醫治，但係被敵軍子彈打中腰間的水壺，再穿入肉，
水壺流出的水由清水變成血水，幸好傷不到要害。灘頭上死傷人數不斷上升，
究竟這場Progressive 戰爭，幾時先停止.........
【本報訊】
今日旺角DVD價位指數大幅滑落，由於市場傳出一區黑日危機係無英文字幕，
黑日危機今早一開市，大幅下滑，頭五分鐘指數急跌，大量斬倉盤出現，
部份門市跌幅驚人，但尾市有盤襯低吸納，跌幅收窄，
最後收$170，比前一個交易日，暴跌20%，
國際炒家 "索羅蔡"，於上週把黑日危機價位推高到$220的歷史新高，
不小散戶高位接貨!!!
專家指出，叫投資者冷靜，市場觀望氣紛濃厚，加上明日係銀紙結算日，
唔排除會下試$160水平。
DVD價格可升亦可跌
上週剛推出深淵特別版DVD時，小弟拿過上手睇，見到佢背面，印上Enhanced字樣，
雖知道，用開投射機的朋友，對於隻DVD有無Enhanced或叫做Anamorphic，非常重要，
他們住住都用這個作為買唔買這隻DVD的指錶。
今次這隻深淵特別版，背面印上Enhanced字樣，當然係笑住咁比錢買啦!!!
但係美國的Newsgroup內有人話..........買左返去一開畫面，原本咀角向上的笑容，
即時向下彎曲，笑都笑唔出!!!
因為出現在佢眼前的畫面，根本就唔係Anamorphic!!!但.....明明背面寫住
Enhanced字樣架播!!!點解會咁樣???這批美國網友仲話要告出品公司呢!!!
但有另一位買左這隻深淵特別版DVD的用家出來話真係Anamorphic!!!
背面無印錯，隻碟真係Anamorphic呢!!!
答案原來係咁:
隻碟背面所印住有Enhanced字樣，係真的，但係就只係在製作特輯時先係Anamorphic!!!
而成套戲的內容，就唔係Anamorphic了，所以如果各網友真係因為佢有Anamorphic而買的話，
咁就真係要想一想了，如果知道左，自已甘心去買的話，買都買得開心D，
但係買左返來先知係誤會，咁就唔係那回事了，我知道了這個深淵特別版DVD，背後有個咁樣的故事之後，
好想和你們分享，所以如果你們和其他人談論開這隻DVD的話，這個故事都幾有趣味性呢!!!
最近全城最多人去的地方，就係小強新聞組，為了証實一下小強新聞組係唔係咁受歡迎，
我們在街頭訪問了以下幾位路人。
*********************************************************************************************
拖住讀小一孫仔的陳婆婆，陳婆婆帶鄉音咁話:
個孫仔上左小強新聞組後，依家D成積好左好多，
一返來就做功課，做完功課就上小強>新聞組，早睡早起，今次測驗又係100分，真係多謝小強新聞組。
********************************************************************************
福華街的道友昌:
大力拍一下自己半裸上身的排骨，大聲咁講，上左小強新聞組後，個人明顯高左，仲大隻左!!!
自信心返晒埋泥，小強新聞組，你係得!!!
***************************************************************************
賽班島沙灘上穿黃色三點式泳衣的金小姐:
我每日都會上小強新聞組，令我每寸飢膚都好似查左一層潔膚乳霜咁，佢比我一種前所未有的安全感，
金小姐露出笑容咁話，你想唔想靚丫???
***************************************************************************
失眠達六年的陳小姐:
我睇左好多年醫生，全城的藥我都食過，而且轉極醫生都係無作用，
後來由朋友介紹，上左小強Av新聞組，睇到網友推介的蟹貨DVD碟，佢地列出晒D唔好睇的DVD碟名單，
話醫失眠最好，我起初都唔係好信，後來睇下一隻，睇下又一隻，果然見較，我依家好返晒了，
依家仲要較鬧鐘幫助先識醒，真係多謝小強新聞組了!!!
***************************************************************************
中環白領麗人葉小姐:
好爽!!!真係好爽!!!小強新聞組.........比人一種好爽的感覺，我以前，面上有好多班點，
上左小強新聞組後，班點依家無晒，好似執相咁，族D族D咁執走晒，葉小姐抹一抹一頭烏黑的長髮，
然後好自信咁話 : 女人???當然係等男人錫架啦!!!
*********************************************************************************
莫先生和莫太太:
莫先生拖住莫太太的手講，早兩年，我們的婚姻亮起紅燈，我打過電話比白小姐和顏先生，
但係都無幫助，站在離婚邊沿，連律師都book好攪離婚手續。有次聽人講，有個小強新聞組，
我們倆個咪上去睇睇囉，我倆在新聞組上睇到好多話提，我倆就係由果陣開始，互相多左野講，
比以前深愛對方，好似剛剛初戀的感覺，下個月，我們的第一個BB，就出世了，真係多謝小強新聞組。
********************************************************************************
昨日去(數碼店)，靚女離遠見到我就和我打招呼，
佢走埋來一手就穿在我的臂彎，頭則過來我的身上，淡淡的香氣撲面而來，佢問我點解咁耐都唔來數碼店，
我話最近比較忙，這時店主Joe哥第一時間走埋來問我飲D什麼，問我冰紅茶合唔合口味，
我叫佢放響度，用冰座住先，我一陣先飲，靚女問我今日想買什麼，我話打算買DVD
Info，佢話有呀，
特登留返本直版，無摺過角的比我，仲問我想睇邊頁，佢話佢有手甲，由佢開比我睇會快D，
咁我係咁依超左幾下，就叫佢放入我的公事包，我比左錢就走先，
全店上上下下員工，立刻在門口分兩行排，放晒皺紙，拉晒橫額咁歡送我出門口，
數碼靚女拿出手巾仔出來抹眼淚，叫我早去早回，Joe哥就180度鞠躬，話多謝幫襯咁話。
連遠到幾間舖之後的靚靚油渣麵老闆娘，都走來裝裝下。
大家係咪睇得好開心呢，當然!!!寫作果個仲開心，嘩哈哈哈.....嘩哈哈哈......嘩哈哈哈!!!
巴斯兄:
小弟有點疑問請教,你家中的擴散板是否四個方向都裝設,
還是房間和器材ok後,再針對聲音喜好逐"快加上呢!
隱形人
*****************************************
隱形人你好，以下係你的問題答案，
請問你企響我左手面定係右手面呢????我想望住你講會比較禮貌D，嘻嘻...
你有所不知，你有否留意到我的Hi-Vi房係趟門?當趟門打開時，在外觀上唔係幾靚，所以我就叫師父，
在門的前面加上一幅大木板(即擴散板的前身)，等我趟開門後，門就會收藏到大木板後，無咁礙眼。
當大木板完功後，而仲未完成全屋的裝修時，我就把舊有的Hi-Fi放一次落個烏呢奸刀的hi-vi房內，
一開聲，嘩!!!!原來大木板因為離牆幾寸而建，變成一個巨大無比的音箱，我個喇叭出聲，
成幅大木板一起出聲，我唔講，聰明的你一定想像到，在咁樣環境下想好聲的話，係唔可能的事，
如果你貼隻耳仔埋去幅大木板的表面時，你仲會聽到板內有聲出的，死未????我即時喊到收唔到聲........
當時個天仲行埋雷啊!!!!抹乾眼淚打電話求救啦!!!!
咁又唔係打九九九，打比朋友遮，你又唔好咁樣望住我。
所以Andy kong就連同Lee HC為我設計了這個41條，唔同粗幼的白木條，打上這幅大木板的表面上，
仲要窒入吸音綿在牆與大木板之間，工程之大，所動用的人力物力，比美萬里長城。
遮咁講呀，你又用D咁樣眼神望住我做乜遮????
幸好問題得以解決，所以唔係朋友你想像中，我係亂咁放，我都唔想洗多大拿拿$8000去做一個擴散板的。
點知出來的視覺係咁美觀，實係意料之外。噓!!!!故事就講完，查實你.....有無一個幾毛響身呢????
打賞下好播???? 買支水都要錢丫???? 嘻嘻....