保護自己的器材
大家手上的器材，睇怕都係心目中的最愛，能夠接得器材入門口，都一定係流過不小血汗，
所以就應該好好咁愛護我們的器材，以下就係我對自己的器材愛護的一個方法。
相信一般發燒友，對圖中的物件，一點都唔陌生，
但係對一D好似小弟咁，剛剛步入發燒圈的朋友來講，
這個就係一件好有用的產品。
這件產品作用係放在器材上的背面，用來保護輸出和輸入的鍍金端子，免受端子氧化。
自己心愛的器材，當然希望好好保護，器材上仲未用得上的鍍金端子，唔想長期外露於空氣中，
這產品可幫到你，他日想把器材出售時，光淨如新的鍍金端子，可能係打低同級對手的賣點之一，
如果他日自己有用得到的時後，全新的端子，一直每天等候你的插入。
這產品款式有幾款，一盒之內同時有S端子，光籤，RCA幾種在內，
另一D就好似我手中，一盒內全部淨係RCA。
淨RCA頭的這款，其實這產品推出市場有好一般日子，一直銷售情況都係一般，
直到最近幾年，日本AV-Amp受歡迎後，這款淨RCA的銷售量就幾何級數咁上，
試想想，一D旗艦級的AV-amp，好似天龍AVC-A1SE，YamahaDSP-AX1，Sony
9000ES........
她們的輸出和輸入端子，一排排密密麻麻的鍍金端子，橫直行要用乘數來計算的，
每位旗艦級愛機人仕都需3-4盒，先能把AV-amp的所有端子封好，你想想，日本有幾多人用???
日本廠方不停日夜生產，日本方面，依然供不應求，攪到我們香港都斷市多時，
小弟搵了好一段日子，昨日幸好有貨到，但只能買埋最後的六盒，店主話，又唔知要等幾耐了。
這款RCA保護膠粒，一盒內有20粒淨RCA，我在鴨寮街買，售$40，圍起上來每粒$2，
而得發地庫的DVD雙連大舖，係售$45。
唔喜歡這個牌子????可選擇以下這個
最頂其實日本Audio-Technica最近換了全新的包裝，售價照舊每盒$40，
完