網頁版【巴斯主網頁 Review 33 小強新聞組 Tower3A討論區 麥嘜討論區 阿柒新聞組 RLII的討論區】

新聞組版【阿柒新聞組 小強新聞組 巴斯新聞天地 KC Lau軟件DVD新聞組】

見鬼

日期 : 2002年7月16日

遲遲未能有心理準備睇這套片，原因有三個，

第一，我驚!!!由於太太絕對不能接受睇鬼片，

所以只可以我一個人睇，而我自己膽小，要我自己一個人用投影機，關上所有燈來睇鬼片，

我做不到，所以唔睇。

第二，港產鬼片，在我心目中沒有好感，所以絕對不會購買，

第三，巴斯和大部份的Video發燒友一樣，

都會時不時，拿出DVD碟來重播精彩片段，滿足一下自己器材的發揮，但是試問我又點會，

時不時拿一套鬼片來重播精彩片段呢???所以我又是不會買。

由於以上兩個理由的關係，我遲遲未能提起勇氣睇這片。

剛剛過去的星期日，有朋友來探巴斯，朋友的三位子女，兩位中五，一位小六。

他們有打算睇見鬼這片，於是我租了這片回來一起睇。

以下內容談到劇情，絕對影響打算睇這片的朋友，請打算睇這片的朋友止步!!!

*********************************

大家好，睇得這筆記的內容，代表你們都睇過這片了，我想和大家分享一下這片的內容，

這隻DVD碟的畫質，正如網友所講，真是差，接近VCD質素，有好多遠鏡，根本睇唔到演員的五官。

聲音也不見得特別好，只是普通的音較。

這片一開始我真係好驚!!!又睇唔清鬼樣，第一個驚嚇鏡頭就出現在醫院內的長走廊，

那位看不清面容的婆婆，加上音響配合，我真係好驚!!!

我問小六生是否可以接受到，小六生吞了淡口水話好驚，但還可接受看下去。

第二個鏡頭巴斯好驚!!!驚過第一個好多，就是女主角學寫毛筆字，寫寫下，

突然有位睇不清面容的女鬼，在角落大聲叫 【你點解座左我個位???】。

嘩.~~~~~~~差D嚇死我!!!點知我都仲未驚完，女鬼竟怒目撲向女主角!!!

嚇到巴斯差點死去!!!小六生又話好驚，但依然接受到，只是口中接二連三地講好驚!!!

而另外片中小學男生鬼出現時，巴斯又不是好驚，反而有一個鏡頭就位，

使人誤會他是無頭鬼，巴斯就覺得有點不自然.....

跟住這個鏡頭，是巴斯最最最最最最驚的一個，我猜大家都應該是和巴斯一樣最驚是這段。

就是把面背向電梯內的亞伯，慢慢的專身過來，電梯的跳字層數極慢，遲遲未能打開電梯門，

當亞伯轉身後，仲要離地飄過來，電梯依然未到，又唔知亞伯想點???真是好驚好驚!!!

當亞伯差不多接近女主角時，終於到了!!!電梯門打開了!!!女主角飛奔長走廊回家，

這段人人都試過想快D走完長廊回家的感覺，非常投入呢!!!

最後到達家門外，鎖匙多的關係，一時不能把門開到，後來先知，不是這層，

要走後樓梯，仲要見到小學生鬼。

但以上就是全片最驚的幾段，接下來都不驚了，其實回望返，這片不是太過驚，

這片算係Ok啦，不過巴斯依然是不會買這隻DVD的，而且不會睇第二次。

這片以鬼片來講，算係拍得好好了，故事也算完整，我覺得其他未睇的網友，應該去睇，

但我就不會再嘻自己多一次了!!!

大家知到，巴斯一向都會把DVD的相片貼上來，但這套片巴斯不想，我驚會有不好的事發生，

所以用黑背景寫這段筆記算了，真是不想貼相了。

真係好邪呀~~~~~~我以為唔貼相就無事發生，點知我貼了幾小時這個筆記後，

就收到網友投訴，話他們睇完這段筆記後，(黑底白字)個d 黑白殘影好耐都唔散,

望住個白色screen, 仲見一行行黑白相間.

唔只一個係咁，他們話因為自己用LCDMon的關係，所以會咁樣，

巴斯於是轉用返灰底白字了。

講比你們知丫，我......我......我寫這個筆記時，係用Notebook寫的，

但係我無他們所講的情況出現.............

好驚呀~~~~~~~~

網頁版【巴斯主網頁 Review 33 小強新聞組 Tower3A討論區 麥嘜討論區 阿柒新聞組 RLII的討論區】

新聞組版【阿柒新聞組 小強新聞組 巴斯新聞天地 KC Lau軟件DVD新聞組】