29.jpg)
網頁版 §§Review 33 §§ 小強新聞組§ § Tower3A討論區 §§ 麥嘜討論區 §§RLII的討論區§§
新聞組版 §§ 小強新聞組§§ KC Lau軟件DVD新聞組§§
純銀V8i 的U字頭
日期:2002年10月9日
大家好，得到柯頌V8i都接半個月了，機的性能全進入狀態，沒有地方不滿意，
為了進一步發揮得她好一點，接受了前輩和網友的提意，把跟機來的U字插，
換成 純銀 的U字插，在位於廟街的打金店訂做，費用為160元一對。
圖為柯頌V8i跟機來的U字頭 。
當我在訂單上要求照足機來的樣做之後，回到家中，收到老友的電郵，
叫我不要照足跟機來的樣去做，理由是
aa5.GIF){kind=small}
照足跟機的去做的話，條銀會用個批士屈兩個 90度曲尺位，聲音是走表面。
用批士屈個表面一定好傷，就算師傅磨番滑佢都唔惦啦。
U字插好聲，粗度一定要一致，表面要好平滑，加上個 U位要好順咁半圓屈過去。
條銀柱至好係唧出黎用中間果段，咁的銀既原子成份至會平均，咁樣的訊號至行得暢順。
之所以有的銀線賣四幾百，有的賣你四幾仟。
有D銀， 把聲滑過豆腐花，有的就似鐵絲，同銀唔同聲就係咁解。
你話，你睇完我老友的內容，你會點做???
嘩.......咁攪法，我仲唔拿拿聲打電話改單???幸好師傅還未動手，但在電話講他不明白，
只好再親身去一次講解。
●●●●●●●●●●●●●●●●●●●●●●●●●●●●●●●●●●
座地鐵去到佐敦站，在A出口行出來，左手面係裕華國貨，但我不是去裕華，於是轉右手面行。
1111.jpg)
●●●●●●●●●●●●●●●●●●●●●●●●●●●●●●●●●●
行了五六個舖位，就見到這個位置，我直行不轉灣，過這條小馬路囉!!!
1765.jpg)
●●●●●●●●●●●●●●●●●●●●●●●●●●●●●●●●●●
再行前五至六個舖位，就係圖中的店舖。
同頭先一樣，我直行不轉任何灣，過這條小馬路。
16433.jpg)
●●●●●●●●●●●●●●●●●●●●●●●●●●●●●●●●●●
都係一直行，過了七至八個舖位，就到達這個位置。
這個時候，就係轉灣的時候，你右轉這個街口。
15556.jpg)
●●●●●●●●●●●●●●●●●●●●●●●●●●●●●●●●●●
轉灣後，再直行六至七個舖位，就係這間【金聯珠寶行】。
154444.jpg)
●●●●●●●●●●●●●●●●●●●●●●●●●●●●●●●●●●
我就是在這間店舖做我的純銀U字頭，入去解話一輪，
師傅話無難度，叫我過兩日取貨。
13.jpg)
●●●●●●●●●●●●●●●●●●●●●●●●●●●●●●●●●●
時間關係，好快就到左兩日後，訂做返來價值$80一個的純銀U字插，就出現在巴斯眼前。
手工都好好丫!!!起碼我唔識做呢!!!
由於轉灣位的關係，純銀U字插是比跟機來的長了小小，但大家知到短就有問題，長就無問題吧!!!
我後來插上V8i背面，一試這條U插的粗度，是否合size???果然係和機一樣，易出易入。
好!!!開機一試他的變化，花了兩小時為這新速速的純銀U字插熱身，
目的是把她的份子，重新排列。
13232.jpg)
兩小時過後，開始試聲，可能巴斯對兩聲道的敏感度不足，
我是覺得這條純銀U字插是好過跟機來的，但又不是立桿見影的程度，
係就係要換，但又不至於飛身撲去換不可。
對我來講，心理上得到滿足，多過我聽覺得到的效果。
●●●●●●●●●●●●●●●●●●●●●●●●●●●●●●●●●●
後來我發覺用純銀做的U字插，對我來講會不方便，原因是銀會三朝兩日，表面就氧化變黑，
似乎........真是有問題，於是我又拿這對純銀U字頭去金舖，
我要求電鍍一層金在表面，咁就唔會在短期內表面變黑。
請大家明白，不是包一層金上去，而係用足金水電鍍。
師傅話電鍍足金水的話，收費$30一隻，電鍍一對的話，收$60。
我當然比佢啦，唔通返轉頭麼???師傅又叫我兩日後再去取。
●●●●●●●●●●●●●●●●●●●●●●●●●●●●●●●●●●
又係時間關係，好快就到左兩日後，
圖中最左手面的就是跟機來的U字插，中間的是純銀U字插，最右手面的是經鍍金後的純銀U字插。
1533.jpg)
●●●●●●●●●●●●●●●●●●●●●●●●●●●●●●●●●●
把這個攪幾次，走來走去的鍍金純銀U字插接到V8i身上，
真係好美觀，比起用RCA頭加靚線美觀好多好多。
154322.jpg)
●●●●●●●●●●●●●●●●●●●●●●●●●●●●●●●●●●
把一對U字插上後的樣子，就係咁樣了!!!但你們有否留意到，
屬於V8i的RCA位置，鍍金端子因為插上了U字插而外露。
得不到保護，他日就會氧化的呢!!!要想想方法去保護這對鍍金RCA頭。
1322.jpg)
●●●●●●●●●●●●●●●●●●●●●●●●●●●●●●●●●●
拿來一枝粗約3.5mm的羅絲批。
1.jpg)
●●●●●●●●●●●●●●●●●●●●●●●●●●●●●●●●●●
在防氧化RCA保護膠的中間，大力用這個羅絲批插穿一個洞。
156433.jpg)
●●●●●●●●●●●●●●●●●●●●●●●●●●●●●●●●●●
你耐心一點，睇清楚中間位先好大力插，當然小心你的手呢!!!
1555.jpg)
●●●●●●●●●●●●●●●●●●●●●●●●●●●●●●●●●●
圖中就是完成其中一個防氧化保護膠。
1077.jpg)
●●●●●●●●●●●●●●●●●●●●●●●●●●●●●●●●●●
時間關係，好快又做好了第二個，成為一對了，是否一樣美觀呢???
而且我V8i的鍍金RCA頭又得到好好的保護了，由外觀上得到前所未有的滿足感。
145.jpg)
●●●●●●●●●●●●●●●●●●●●●●●●●●●●●●●●●●
為何不銲
可能你會問到點解唔直接開V8i的蓋來銲死這個位置，要攪咁多野為乜呢???
希望大家明白，普通一個正常的人，點會好似我咁，
一日借呢樣，一日借果樣器材返來呢???試問依家有人借架前後比我，你話我銲死了V8i的話，
咁我仲點接V8i成為後級呢???
而選用RCA接線代替U字插，我自己覺得RCA接線好麻煩，又唔美觀，所以用這個，個人喜好的方法。
144.jpg)
●●●●●●●●●●●●●●●●●●●●●●●●●●●●●●●●●●
完成後的鍍金U字頭，是需要插上Run in約兩小時以上，等她的份子重新排列過，
記得是有方向性的，你一開始是這個方向插上，就唔好返轉再插，萬一有需要抽出的話，
記住她的方向，事後插回原位呢!!!
我的感覺
不得不承認，我的器材和個人對兩聲道的經驗，真是不足，我只可以聽到好小的不同，
由機來的、純銀的、鍍金的，而且一個U字頭的長度又咁短，
我心理上當然覺得鍍金會好。
前輩講過，訊號行U字插時，低音走中間，高音走表面，但我真係聽不真呢!!!
但不緊要，這點在日後會得到答案的。
總知無論V8i是否換上純銀U字插，我一樣滿意她的表現。
問到以$220做一對鍍金純銀的U字插是否值得???
我無每間金舖格過價先訂做，我只係求其走入一間肯同我做的店舖，可能這個價係全世界最貴的價錢，
但我自己負責，以$220買一對這樣質素的U字插，我一點都沒有不滿之處。
我喜歡她配合V8i為我帶來的每一個音符，無論心理和生理我都因為這個U字插得到滿足。
【END】
網頁版 §§Review 33 §§ 小強新聞組§ § Tower3A討論區 §§ 麥嘜討論區 §§RLII的討論區§§
新聞組版 §§ 小強新聞組§§ KC Lau軟件DVD新聞組§§