aa5.GIF){kind=small}
網頁版 §§Review 33 §§ 小強新聞組§ § Tower3A討論區 §§ 麥嘜討論區 §§RLII的討論區§§
新聞組版 §§ 小強新聞組§§ KC Lau軟件DVD新聞組§§
為V8i打做純銀U字插頭
日期: 2002年9月28日
由音響高手的指引下，建議我把跟機來的U字頭，換上純銀的物料，
會對音色有正面影響，今日係星期六的早上，
去到位於佐敦道，廟街內的前舖後工場的金飾店，
問一問價錢，問了兩三間，都沒有提供這個訂單。
直到接近街尾的一間，我入去店舖內，拿出圖中的一粒U字插給老闆睇。
巴斯:借問一聲，我想打做一個這樣的U字插，但要做銀的，是否可做到呢???
老闆:(接過U字插一看)，可以，你要925還是純銀???如果純銀比較軟身。
巴斯:軟身不打緊，一定要純銀!!!而且完成品的Size必需和樣本100%一樣。
老闆:每粒$100
巴斯:我打算先做四個做Sample，如果合用的話，我會要大量<<<<<(講緊大話，目的想平D和足料比心機幫我做)
我是用於器材上，所以必需純銀作導電之用，可否平一點呢???
老闆:咁樣.......$80一個啦!!!
巴斯:如果轉做足金的話，會係幾錢一個呢???
老闆:(把樣本放到電子磅上，再按按計算機)，大約$800，不過你用作導電用，不需足金，純銀就可以了。
巴斯:好，咁先做四個純銀，一次過比晒錢你，但可否快一點???
老闆:快也要三兩天，做好通知你好嗎???多謝你$320
巴斯:我可以拿回我的U字插呢???
老闆:不可以，你剛剛說要100%相同，沒有實物對照，比較難做到100%相同呢!!!
29.jpg)
●●●●●●●●●●●●●●●●●●●●●●●●●●●●●●●●●●
我就是用$80這個價錢做了四個純銀U字頭，你們一定會問，v8i只用兩個，點解做四個???
因為我記得有位陌生網友叫過我幫佢做多一對，但時間關係，我沒有和他聯絡，
也來不及問他價錢，就咁大膽為佢拿主意，死啦!!!我仲唔鬼記得佢叫什麼網名添!!!
一陣仲要在討論區搵返舊貼文添。
不過算啦，如果那位朋友覺得貴，唔緊要，我可作後備之用。
其實我都好怕為人家拿主意，我自己買貴野就好地地，如果幫朋友買貴野，就算十蚊都會唔開心。
●●●●●●●●●●●●●●●●●●●●●●●●●●●●●●●●●●
由於沒有了U字插用，沒有U字插，V8i就只可以成為一個後級，所以這段等候期，
V8i會和MFA3一起合作，成為前後級聽住先，直到純銀U字插取到手後先分開。
【END】
網頁版 §§Review 33 §§ 小強新聞組§ § Tower3A討論區 §§ 麥嘜討論區 §§RLII的討論區§§
新聞組版 §§ 小強新聞組§§ KC Lau軟件DVD新聞組§§