aa2.gif){kind=small}
§§ 巴斯主網頁 §§Review 33 §§麥嘜討論區 §§
§§ 巴斯新聞天地 §§Tower3A討論區§§
五個撲水的少年
日期: 2002年5月23日
得到幾位網上的熱心網友提供，推介這套【五個撲水的少年】給巴斯睇，
正想購買的時候，小強谷的版主小強，借出這隻全新未開封的碟比小弟睇，真係唔話得。
巴斯睇完這隻碟，和大家分享一下。
由這隻碟的背面印刷上可以知到，這隻碟片長91分鐘，日語對白，可選擇繁體中文或英文字幕，
以DVD-5格式收錄，( 進入什麼是DVD-5 ) ，DD5.1音較，Letter Box畫面，屬三區碼DVD碟。
把這隻碟放上投影機上播放，之前因為網友多次提到畫質奇差，所以巴斯早有心理準備，
發覺雖然唔係DVD應有的質素，但係都仲可以入得眼，未至於VCD，不過示範碟就無資格講了，音效一般。
年青熱心網友一個二個都話這片好好笑，一定不能錯過，但巴斯很辛苦先睇完這碟，
明顯地我這個老人家，和時下的年青人有極大的代溝，一次又一次証明我的口味好有問題，
全城舉起手指公【我的野閩女友】，我居然分三次先睇得晒，今次這隻【五個撲水的少年】，
同樣是年青網友的提供，悶到巴斯死去活來，老實講，我打這篇筆記，真係要深呼吸一口氣先寫得出。
因為我怕你們用歧視的眼光睇我，當所有人都話好睇，我話唔好睇，仲要話悶的話，
有問題的，一定是話悶的一位。
唉.............算哸.........
非常多謝小強借出這碟比我睇，否則我又唔見幾十蚊，仲要曾加一隻蟹碟在家中。
你們笑吧，歧視我吧，事實在巴斯眼中，真係覺得好悶..........
失去自信心的巴斯敬上
§§ 巴斯主網頁 §§Review 33 §§麥嘜討論區 §§
§§ 巴斯新聞天地 §§Tower3A討論區§§