江河水SACD

相信發燒級的音響網友，對江河水這隻中樂碟一點都唔會陌生，

近日推出了SACD版的碟了，

這隻江河水SACD內，當中最受歡迎的當然係二胡的一段，

雖然小弟沒有SACD盤，但係聽前輩講到有關這隻江河水SACD時，有一個好有趣味性的古仔，

想和各位分亨一下。

大家應該留意到這隻SACD的封套非常非常的精美，極度古色古香，

大家都知，如果印封套的話，想減低成本的話，當然係國內啦，

但係在國內印一個咁精美的封套的話，你叫佢印五千，佢就會印夠八千，那三千個就自己收埋賣，

所以發行商就把這個印刷工序，交到美國手上去，

好快，這個工序就到達尾聲，把各頁的紙，利用繩來把它們穿起來，

但係問題就係外國人又點識得用繩把他們穿起來後，而沒有繩頭突出來呢????

最後美國都無法完成這個工序，把全數封套運回香港再想方法，

回港後四圍搵人穿繩，但係這技術都接近失傳了，

發行商幾經努力，最後都搵到位伯伯仲識這技術，邀請了佢到工廠，教廠內的女工穿繩，

就係因為以上的工序，這隻SACD一直遲遲未能推出，就係咁解。

今日這隻SACD推出了，售約$190，發燒友買這隻SACD時千萬睇清楚，

條繩是否有問題出現，否則這隻精美SACD封套就大打折扣了。

買了這隻SACD的朋友，有否留意到封套上面的線呢????

得來不易啊，好好珍惜呢!!!!

小弟有一個奇想，就係希望各位在中國特色的中秋節播放這隻江河水時，

可以點小小檀香，放開煩腦，開幾件月餅，一壺濃濃的中國茶，

這個世界仲有什麼能比上如此美景呢????

由於這隻SACD碟係雙層的設計，雖然小弟家中沒有SACD轉盤，

但係依然可以利用一個普通的CD盤，讀到碟內的DSD層，欣賞到DSD技術所播放出來的江河水。

小弟比較喜歡碟內的其中兩首曲目，第一係 (江河水) ，而另一首係 (賽馬)。

小弟一向都唔係中樂迷， 一聽到中樂兩個字就想睡覺，但係今次這隻江河水又唔會有這個感覺。

完