如何讀取一區DVD碟內的CC碼英文對白
圖 / 文: 巴斯光年
為了令各位網友進一步清楚使用LD / DVD字幕機，讀取DVD碟內的Closed CaptionedCC碼英文對白，
小弟搵來一隻一區的DVD碟，同時內置 兩組 英文對白，一組係內置 CC碼英文對白，
用作比失聰人仕在欣賞電影時，能直接 (觀看) 到聲音，這些專用的CC碼對白，
一般香港用家係無法在DVD機上設定而睇到，必需配上 LD / DVD字幕機先可以讀取到CC碼英文對白。
而另一組係比一般用家睇的隱藏英文字幕對白Subtitle，只需設定DVD機，英文字幕就會輕易出現。
如果朋友家中有LD/DVD字幕機的話，只需接上後，按字幕機上英文字幕的鍵，
DVD碟上所內置的CC碼英文字幕，就會出現。
接字幕機的方法和平時一樣，
DVD機的 S /Video>>>>>>>>LD/DVD字幕機>>>>>>電視機 / 投影機。
一區的DVD碟封套中都會印出字樣比消費者知到碟內係用什麼的英文字幕。
Closed Captioned CC字樣 : 必需配上LD / DVD字幕機作為解碼，先可讀取到的英文字幕。
Subtitle字樣 :只需設定DVD機上的 Subtitle，就可出現英文字幕。
今次我搵來一隻同時內藏兩款英文字幕的DVD碟，我選用同步顯示的方法，
令各位可以同一時間睇到兩款字幕的出現。
畫面中，我選擇用黃色字代表DVD碟內的CC碼對白，由於經過字幕機的關係，
對白的高度，係可以自己向上向下咁移動，於是，我把CC碼的字，設定高一點，
咁樣就唔會和下面的Subtitle重疊，出來的對比較果會明顯一點。
而下一排的白色字，係碟內的Subtitle，無法設定高度。
上排黃色字係CC碼英文字幕，係經LD字幕機出來。
下排白色字係Subtitle英文字幕，係經DVD機直出。
一般用家只可以睇到下一排的白色英文對白，上面的CC碼英文對白，必需配上LD / DVD字幕機先會睇到。
好多人會問，有Subtitle咪得囉，失聰人仕一樣可以睇到對白啦!!!!
何解發行商仲要花時間和成本去做多一組字幕出來呢????
答案好簡單，大家現在雖然同巴斯溝通緊，但係實質上，你依家係聾的，
你現在是否見到圖中的畫面，正在有人拷門，
正常人睇電影，當然知道畫面上有人拷門啦，但係失聰人仕點知呢????
電話響，畫面上會出現(Ring)的字樣，行雷又會出現行雷的字樣，
警車聲又會顯示字樣，咁樣對正常人來講好麻煩，
所以你見到圖中出現拷門的聲音時，畫面上只係有上面的CC碼，而下面的Subtitle係無反應的。
Subtitle通常係唔會有聲音話你知，但係CC碼就會有聲音話你知，依家做緊什麼。
以前有網友問過小弟一個問題，有D唔係失聰人仕，但係都用 LD / DVD字幕機睇DVD碟，
點解會咁奇怪????DVD碟上都有英文字幕啦!!!!
答案就係如果這個世界上，隻隻一區都同時有Subtitle和CC碼的話，咁咪大家開心囉!!!!
有D碟，好似末日救未來(Deep Impact)、007(The World Is Not Enough).............
這類一區DVD碟 ，佢就係無英文Subtitle，只有英文CC碼，
如果個個用家都係劉家傑的話，當然無問題啦，但係如果唔係的話，
用家就需要英文CC碼來幫佢了解劇情了。
令外可能大家同樣在令外一些一區的DVD內，睇到Subtitle，
這些Subtitle中，同樣出現埋畫面上的聲音，
明明係Subtitle，何解又會出現電話響就出( Ring )字樣，行雷，又出行雷字樣呢????
其實好簡單，出品商為了減低成本，唔想攪咁多野，分兩條字幕，
所以要我們正常沒有失聰的人，同樣和失聰的人仕，睇埋同一條字幕，
要我們硬食這些形容聲音的字幕，通常這類碟，都唔會有CC碼，
例子有一區的MI2或朱羅紀.....都係只有Subtitle而沒有CC碼，
人人都需硬食形容聲音的字樣。
如果朋友想進一步了解CC碼的話，可到以下這個地方睇睇
§aa3.gif){kind=small}
§ 返回巴斯主網頁 §§
返回麥嘜的討論區 §§返回小強新聞組 §§返回Review
33 §§