YF230

§§小強新聞組 網頁版 §§ 小強新聞組 新聞組版§§

巴斯心意篇

話說早排三月尾，有朋友希望巴斯上中國為佢買當日城中熱門話提的【秋葉原】 YF230 喇叭線，

由於一次過需要買三條，跟據朋友所講，

這款 YF230八尺長的 Single bi-wire 喇叭線，是售$280。

由於以下內容係以對話方式表達，所以要分顏色來睇。

巴斯用藍色

老闆娘用黑色

由於我想為大家爭取一個好D的價錢，我出發前做了圖中的這張紙，目的係扮幫人買野，

自己一D野都唔知，手上拿住錢，成個傻仔咁款。

請問你有無這個型號的喇叭線呢??? 係咪每條八尺長的Single bi-wire???

啊!!!有!!!每條$280，A!!!呢條線你們香港，好多人來買，不知幾好賣.........(係咁講講講講佢威水史)

啊???我係代朋友買的，我朋友在紙上面寫每條 $250，合共買三條!!!

佢比唔夠錢我買，我只得$750，我買唔到了。

$250???我地返貨都未得啦!!!點賣比你???

啊!!!唔緊要，可能我搵錯店舖，可能係對面，唔好意思，我去對面問問先。

唉!!!老細!!!我真係無計多你喇!!!你朋友在那店舖架???

佢地話呢個商場囉，我無寫下叫什麼名???依家唔記得邊間，

唔緊要，我去搵下先，我只係幫朋友買，佢比唔夠錢我，我點買比佢地播!!!

唔好意思，打攪晒!!!(轉頭走了三步)

喂喂喂!!!你係咪要三條???比你喇比你喇!!!唉....返貨都$248呀!!!唔信我比張單你睇啦!!!

啊!!!係呀!!!(我望天望地)，!!!唔該開張單比我交代比我朋友丫???

分開一張一張單開啊唔該。

老細!!!你幫人買，洗唔洗開大張單呀???執返幾十蚊一條丫!!!

唔洗喇!!!你照實開得架喇!!!

唉......老細，真係執你兩蚊炸!!!(一路講，一路拿三個黃色嘔吐用背心袋入盒)

老闆!!!D線好重!!!可否比角落頭的【秋葉原】紙袋我呢???我怕穿底。

啊!!!老細!!!無問題!!!

雖然每條只不過平了$30，三條合起來都平不夠$100，車費和食都未夠，

但總是巴斯為朋友做的小小心意，

盡了自己的力，同朋友有一個交代，這份心意先係巴斯要追求的。

§§小強新聞組 網頁版 §§ 小強新聞組 新聞組版§§