1  
作者：MarTin Chan (24.xxx.xxx.171) 發表主題：3 回應文章：147 日期：2004-05-20 00:37
but she still fat ar
 
Martin Chan
 1  
討 論 主 題
作者： 紅虹 (202.xxx.xxx.150) 發表主題：164 回應文章：334 日期：2004-05-19 14:22

娛 頭

去 年 七 月 ， 重 230 磅 只 有 16 歲 的 鄭 欣 宜 被 張 玉 珊 睇 中 ， 助 她 展 開 連 串 減 肥 計 劃 ， 仲 寫 包 單 要 一 年 之 內 減 去 百 磅 肥 膏 ， 難 度 分 數 直 迫 9.99 分 。
轉 眼 十 個 月 ， 欣 宜 成 功 摵 甩 87 磅 肉 ， 最 新 體 重 143 磅 ， 雖 然 仲 要 減 多 十 幾 磅 至 達 到 預 定 目 標 ， 但 已 經 睇 得 出 身 材 玲 瓏 浮 凸 ， 少 女 味 十 足 ， 俾 人 話 佢 係 「 翻 版 楊 思 琦 」 。
成 為 扒 界 神 話 ， 欣 宜 隨 即 被 出 版 商 打 主 意 ， 幫 她 推 出 「 減 肥 」 聖 經 ， 打 救 肥 人 。
人 人 爭
體 重 由 高 峰 期 二 三 ○ 磅 ， 跌 至 一 四 三 磅 ， 減 出 奇 跡 的 欣 宜 早 前 在 溫 哥 華 ， 紮 起 孖 辮 ， 穿 上 粉 紅 色 貼 身 短 袖 衫 影 相 ， 一 顰 一 笑 ， 少 女 味 爆 棚 ； 加 上 青 春 期 發 育 成 形 ， 導 彈 上 圍 更 睇 到 人 眼 定 定 ， 越 瘦 越 索 ， 抵 佢 成 為 一 眾 肥 人 新 偶 像 。
回 饋 fans 又 好 ， 一 盤 生 意 都 好 ， 欣 宜 正 計 劃 今 年 八 月 ， 推 出 一 本 「 減 肥 」 聖 經 ， 將 她 由 肥 變 瘦 ， 不 同 階 段 的 照 片 ， 連 同 減 肥 心 路 歷 程 血 淚 史 ， 親 自 撰 寫 成 書 ， 與 人 分 享 成 果 。
一 話 出 書 ， 欣 宜 即 成 出 版 界 搶 手 貨 ， 主 要 原 因 當 然 係 欣 宜 肥 妹 標 誌 早 已 深 入 民 心 ， 一 年 內 成 功 踢 走 「 肥 欣 宜 」 花 朵 ， 唔 使 諗 ， 此 書 銷 量 勢 必 驚 人 。 出 版 商 更 計 劃 作 全 東 南 亞 發 行 ， 全 力 谷 盡 。



5 歲 面 圓 圓 長 得 肥 肥 白 白 的 小 欣 宜 ， 已 開 始 種 下 暴 肥 禍 根 。 10 歲 肥 波 波 （ 《 忽 然 1 周 》 圖 片 ） 小 朋 友 肥 嘟 嘟 ， 擺 埋 交 叉 手 甫 士 ， 當 然 仲 可 以 叫 可 愛 啦 ！




1/03 扒 中 扒 欣 宜 客 串 媽 咪 肥 肥 主 演 的 《 麗 花 皇 宮 》 舞 台 劇 ， 身 形 肥 腫 難 分 ， 當 時 體 重 已 達 230 磅 。 （ 《 蘋 果 日 報 》 圖 片 ） 11 月 校 服 誘 惑 欣 宜 被 拍 下 在 加 拿 大 返 學 情 況 ， 一 身 校 服 學 生 look ， 手 上 拿 營 養 師 為 她 準 備 的 午 餐 。 （ 《 忽 然 1 周 》 圖 片 ）





12 月 露 一 手 返 港 陪 媽 咪 過 聖 誕 ， 減 走 七 十 磅 肉 後 ， 欣 宜 以 性 感 斜 膊 露 肩 晚 裝 出 席 君 悅 酒 店 的 聖 誕 舞 會 ， 騷 騷 瘦 身 成 績 。


女 主 角
今 年 六 月 便 中 學 畢 業 的 欣 宜 ， 原 來 一 直 有 個 心 願 ， 希 望 在 畢 業 典 禮 上 跟 其 他 同 學 一 樣 ， 不 用 穿 超 大 碼 畢 業 禮 服 。
另 方 面 ， 欣 宜 選 擇 在 Crofton House School 升 學 原 因 ， 是 該 校 設 有 話 劇 社 ， 從 小 就 表 演 慾 旺 盛 的 她 ， 更 一 直 恨 做 女 主 角 。 奈 何 一 副 水 桶 身 形 咁 易 認 ， 多 年 來 只 能 做 大 茄 喱 啡 ， 女 主 角 ， no way ！
「 由 細 到 大 ， 我 都 好 鍾 意 做 話 劇 ， 不 過 ， 因 為 外 形 所 限 ， 做 做 去 只 能 做 配 角 。 我 真 係 好 羨 慕 其 他 同 學 ， 可 以 做 女 主 角 ， 可 以 著 靚 衫 ， 做 王 子 身 邊 公 主 角 色 ！ 你 話 邊 個 人 唔 想 自 己 靚 ， 唔 想 做 女 主 角 ！ 所 以 我 一 直 都 好 唔 開 心 。 」
一 等 十 六 年 ， 也 因 為 減 肥 成 功 ， 今 年 三 月 ， 欣 宜 終 於 得 償 所 願 ， 在 話 劇 中 擔 正 做 女 主 角 。 演 出 當 晚 ， 肥 姐 更 專 程 飛 返 加 拿 大 ， 與 欣 宜 外 婆 一 同 捧 場 。


激 瘦 歷 程



出 世 時 體 重 只 得 六 磅 十 三 安 士 的 欣 宜 ， 由 於 欠 缺 父 愛 ， 母 親 肥 肥 ， 除 將 世 上 最 好 的 全 給 女 兒 ， 亦 以 最 好 最 豐 富 的 食 物 滿 足 她 ， 令 欣 宜 體 重 一 發 不 可 收 拾 。 直 至 去 年 七 月 ， 肥 姐 透 過 無 一 位 高 層 作 中 間 人 ， 找 張 玉 珊 幫 欣 宜 減 肥 。

03 年 8 月
秘 密 到 修 身 堂 進 行 瘦 身 療 程 ， 當 時 已 成 功 減 掉 廿 磅 肉 的 她 ， 離 開 時 ， 手 上 還 拿 纖 體 公 司 為 她 準 備 的 食 物 ， 與 媽 咪 外 出 晚 飯 只 能 食 私 家 菜 ， 非 常 忍 得 口 。




03 年 12 月
欣 宜 返 港 與 肥 肥 過 聖 誕 ， 明 顯 瘦 了 兩 個 碼 的 欣 宜 ， 兩 母 女 到 九 龍 城 吃 火 鍋 ， 但 欣 宜 戒 吃 肥 牛 、 鮑 魚 。




04 年 2 月
甩 走 70 多 磅 肥 肉 ， 欣 宜 開 始 愛 玩 自 拍 ， 同 學 更 將 她 的 相 片 上 網 ， 瘦 身 成 功 ， 身 穿 吊 帶 背 心 的 欣 宜 ， 與 同 學 玩 托 胸 。

04 年 3 月
欣 宜 在 加 國 演 話 劇 ， 首 次 擔 任 女 主 角 ， 肥 肥 及 外 婆 亦 專 誠 捧 場 。



入 急 症 室
一 直 有 傳 欣 宜 積 極 減 肥 最 大 原 因 ， 是 密 謀 加 入 娛 樂 圈 ， 更 有 指 她 已 簽 約 英 皇 ， 如 今 激 瘦 成 功 ， 似 乎 目 標 越 走 越 近 。
「 就 係 因 為 太 肥 ， 我 身 體 一 直 唔 係 太 好 ， 媽 咪 有 家 族 性 遺 傳 糖 尿 病 ， 由 細 到 大 我 都 好 少 食 甜 食 物 ， 反 而 導 致 我 血 糖 過 低 ； 六 歲 時 ， 膽 固 醇 已 經 係 三 十 歲 成 年 人 水 平 ， 經 常 頭 痛 ， 試 過 好 多 次 ， 痛 到 嚴 重 嘔 吐 ， 要 入 急 症 室 。
「 我 減 肥 只 係 想 瘦 、 靚 ， 同 健 康 ， 唔 係 外 面 所 傳 為 加 入 娛 樂 圈 發 展 。 現 階 段 我 同 媽 咪 都 有 共 識 ， 一 定 要 學 業 有 成 ， 先 決 定 將 來 路 。 」
雖 然 欣 宜 當 面 否 認 ， 但 遺 傳 了 父 母 的 演 藝 細 胞 ， 加 上 有 歌 唱 天 分 ， 最 近 更 不 斷 有 電 影 監 製 打 欣 宜 主 意 ， 邀 她 暑 假 返 港 ， 爭 取 她 在 大 銀 幕 的 處 女 演 出 。


影 影 影 自 從 減 肥 成 功 ， 欣 宜 開 始 愛 上 玩 自 拍 ， 影 低 自 己 有 幾 瘦 。 出 醜 人 前 當 日 欣 宜 穿 上 高 鞋 出 席 羅 文 喪 禮 ， 到 火 葬 場 送 別 uncle 最 後 一 程 時 ， 不 慎 失 足 跣 倒 。 肥 ， 的 確 係 欣 宜 多 年 的 沉 重 包 袱 。

欣 宜 餐 單


減 肥 前 餐 單 （ 其 中 一 款 ）
早 餐 ： 生 菜 番 茄 芝 士 包 ＋ 鮑 魚
午 餐 ： Cappuccino 一 杯
下 午 茶 ： 壽 司 或 公 仔 麵 或 白 飯 ＋ 洋 豬 扒 ＋ 菜 ＋ 湯
晚 餐 ： 肥 牛 火 鍋 、 可 樂

減 肥 後 餐 單 （ 其 中 一 款 ）
早 餐 ： 果 醬 三 文 治 ＋ 脫 脂 奶
午 餐 ： 粟 米 肉 絲 飯 ＋ 菜 （ 走 油 ） 或 雪 菜 肉 絲 窩 米 ＋ 菜 （ 走 油 ）
下 午 茶 ： 水 果 一 個
晚 餐 ： 雜 菜 湯 ＋ 牛 扒 配 焗 薯 意 粉 ＋ 健 怡 汽 水
消 夜 ： 低 脂 乳 酪


暑 期 工

甩 走 八 十 七 磅 肉 ， 十 六 歲 卜 卜 脆 的 欣 宜 ， 也 開 始 注 重 打 扮 ， 經 常 與 同 學 結 伴 逛 街 買 衫 買 化 妝 品 扮 靚 。
「 以 前 睇 中 靚 衫 ， 知 道 自 己 著 唔 到 ， 會 搵 friend 試 著 俾 我 睇 ， 幻 想 一 下 自 己 著 會 係 乜 樣 ； 好 鍾 意 話 ， 就 會 買 兩 件 改 成 一 件 著 ， 種 痛 苦 大 家 好 難 會 明 白 。 依 家 我 可 以 隨 便 揀 鍾 意 衫 著 ， 又 可 以 跟 同 學 交 換 一 下 化 妝 品 用 ， 刻 開 心 ， 真 係 無 法 形 容 。 」
除 扮 靚 ， 欣 宜 亦 鍾 意 自 拍 留 念 ， 同 學 亦 愛 將 她 的 靚 相 上 載 上 網 ， 令 互 聯 網 上 不 停 看 到 欣 宜 最 新 瘦 樣 。
不 過 今 個 暑 假 ， 大 家 未 必 有 機 會 見 到 欣 宜 真 身 ， 事 關 她 已 決 定 在 中 學 畢 業 前 ， 留 在 溫 哥 華 搵 暑 期 工 ， 試 一 試 捱 世 界 體 驗 生 活 。 如 果 係 咁 ， 欣 宜 好 容 易 再 瘦 多 十 磅 ， 提 前 埋 岸 ， 登 陸 索 女 界 。




終 於 恨 到 欣 宜 參 加 校 內 的 話 劇 社 ， 卻 因 水 桶 身 形 阻 礙 ， 一 直 只 能 做 二 打 六 ， 今 年 三 月 ， 才 因 激 瘦 成 功 ， 終 有 機 會 擔 正 。 （ 《 蘋 果 日 報 》 圖 片 ） 家 撐 場 欣 宜 終 於 成 為 話 劇 中 的 女 主 角 ， 媽 咪 肥 肥 及 外 婆 更 專 程 捧 場 。 （ 《 蘋 果 日 報 》 圖 片 ）




下 巴 尖 尖 今 年 一 月 ， 欣 宜 返 加 拿 大 繼 續 升 學 ， 身 形 明 顯 縮 水 ， 面 形 輪 廓 返 晒 。 （ 《 蘋 果 日 報 》 圖 片 勝 利 笑 容 告 別 「 肥 欣 宜 」 花 朵 ， 下 巴 尖 尖 的 她 ， 果 然 越 越 上 鏡 。
 
愛你心中的藝術, 不是藝術中的你~~ 要敬業樂業才是真正的事業.. Welcome To http://www.redred.hk
寫留言

對不起，您必須在留言前Login

按這裡