網頁版 §§ Review 33 §§ 小強新聞組 §§ Tower3A討論區 §§ 麥嘜討論區 §§ RLII的討論區 §§
新聞組版 §§ 小強新聞組 §§ KC Lau軟件DVD新聞組 §§
B&W與Marantz欣賞會感受
By Racing Boy
日期: 2002年11月28日
小弟第一次去 B&W 個 SHOW ROOM o乍(鄉下仔！？)，我一行入大門就見到個櫃檯，
當然係想登記(其實係想取回張支票o乍！)，登記完後，大會就一人派一個B&W LOGO o既大膠袋，
你o地估o下大膠袋入面有乜？
個SHOW未正式開前，跟住小弟我就同其他到場人仕一樣，係個大廳到，好似馬場
o的馬仔o甘，
(未開跑前)不繼o甘度步，望o下o的B&W o既o刺o八，好不無聊，但係係個大廳處最吸引我o既，
係一個"OS"用下而上o既新款投影幕，好型o阿！
大會一聲令下﹕正式開始！各位到場人仕(包括我呢個鄉下仔)就好似返到小學o既時光o甘，排隊聽老師早訓。
但由於人數眾多(大概有成五十人)，而地方又有限(除了大廳，跟住就係有三個大房，
唔清楚就睇返大人o的靚靚相o拉)，但好彩大會就預先計劃好，分三批人輪流參觀，
我不厭其煩o甘形容多一次個SHOW ROOM o既地形，
中間間房就係最多人想睇o既MARANTZ VP-12 S2 + OS 全新o既 PURE MAT II 投影幕，
但我就唔夠人o地快手入去睇首輪o刺！
o甘小弟唯有去最右手面睇marantz 最新產品SACD Multi Channel機SA17S1 + 5 隻 B&W S805 喇叭先o拉！
大會請返B&W o既同事詳細講解SACD的由來，以及CD 與 SACD 的主要分別與擺位
(詳細情形大家可以隨時上去B&W 個 SHOW ROOM 親自試聽，在此不便多講，以免講灟一些，被人鬧到頭暈)，
小弟我就學o左好多o野！
●●●●●●●●●●●●●●●●●●●●●●●●●●●●●●●●●●
首先小弟近似巴斯大人般主要喜愛AV，聽歌係次要
(我個人直情無乜幾可聽歌添，同當然無得同尊貴o既巴斯大人比o拉)，
因為我出世時，本彩我亞娘無送我一對金耳朶！
講返入正題先，試聽途中，隔離傳來一聲、一聲"轟轟隆 隆"o既重低音，你話身為一個AV發燒友o既我(自以為)，
又那有心情聽甚麼多聲道SACD，o米同CD差唔多，係現實生活中，
大家可以係幅牆上裝上一對後置可能巳經唔容易(受到家人o既壓力)，
莫講話買五隻相同o既o剌o八放係SACD規格指定o既位置(而且我o尼o的窮人，
又那有 o甘多錢買相同o既o剌o八o丫)。
我當時心諗：講完未呀大佬！椅都唔 安排多張，只得 SHOW ROOM 原有能坐得三人o既梳化，
大家又冇做錯o野，做乜要人罰企o咼！你o地話o刺，大家又那有喜悅o既心情欣賞o尼！
到o甘上下，工作人員話﹕各位仲有冇問題，如果冇，o甘你o地可以去中間o個間房。
●●●●●●●●●●●●●●●●●●●●●●●●●●●●●●●●●●
o華！正呀！小弟主要o黎，
都係想睇o下Marantz部價值七萬多元(廠方公報)o既新款VP-12S2 + OS 新款o既 Pure Mat II 投影幕。
o尼次我精o刺！一入去，立即霸番個靚位先，工作人員小小o既一輪介紹部新款VP-12S2之後，去片 ！
一開始就整隻唔知係乜o野o既西洋式o既宮廷式片種 比我o地睇，我諗o尼段戲，
可以試比我o地睇到畫面o既彩色係o既o甘豐富同幾實淨o下！
跟住o既另一好戲"餓狗牀蟲"o既SUPER BIT
版過我o地嘆，
但佢o地唔係播大家常用o黎試暗位o個幾段(例如其中之一﹕楊小姐飛簷走壁追返把劍o個段)，
而佢o地只係播放差不多尾段(楊小姐同張小姐係間屋入面不斷換武器打過o個段)，
我就 唔知佢o地想試乜，因為佢o地無交待過，我諗o尼段唯一可試o既係快速o既畫面，
從而睇出新款機有否改良"彩虹現像"o既出現，o甘我又真係唔多覺有"彩虹現像"o既出現，果然有進步！
又到其中一套係近來城中好多人都覺得係一隻好好o既試機碟，就係"怪獸公司"o刺！在"毛毛"未出場前，
一 PLAY 碟，我就見到好有趣o既 THX LOGO 片段，o個o的環繞聲由B&W o既 CMC 系列傳出o黎，係幾o甘過癮同立體o牙！
之後入去"毛毛"做掌上壓o個段o黎試，"毛毛"o的毛，睇落又真係幾立體同柔軟 o咼！
再o黎試o既係我曾經講過，o尼隻碟日後必定成為試單槍機o既其中之一，
佢就係"蜘蛛俠"o刺！由於"蜘蛛俠"入面有大量紅色o既埸面出現，
正好試一試單槍機係出紅色方面會否(先天性)比較差，但我雙小眼睛話比我聽S12S2 又過關o刺！
最後一隻就係睇熱大魚，睇落去又唔覺部機有所為2600﹕1o既強烈立體感o咼！
但大致上部機加埋"OS"o既新款投影白幕，得出o黎o既畫質又幾唔錯o既！
講開o尼隻白幕，佢o既質科都幾特別o架！點特別？就係依冢係市場上，"好似"無一隻投影幕料好似佢o甘係用布質做幕面o既！
佢總共用三層料組成﹕面層用o左一塊白布可以比o的光線透過去第二層﹔而第二層用o左一塊 深色o既膠質，
可以令到o的暗位更加深色同更加實淨(唔係記得太清楚，好似係 黑色)！？)﹔第三層就係用o左層灰色o既膠質，
唔會再比o的光線透過！而據廠方透露，o尼款新幕只有 0.8 個 GAIN，比 STWEART GRAY HAWK o既 0.95 個GAIN 更加低，
又會唔會令到個畫面太暗o尼？
希望有機會用同一部投影機，o黎試兩款(STWEART o既 GRAY HAWK 同 OS o既Pure Mat II )投影幕o尼！
●●●●●●●●●●●●●●●●●●●●●●●●●●●●●●●●●●
最後到左手面o既房間，係試聽Marantz 新款SACD +
B&W 800 o既兩聲道播放，
o華！B&W 800 極其華麗o既外表，我相信無一個凡人能夠抵擋o巴！
最特別o既一段，係Marantz o既代表播放一段從未出過街，
由佢相熟o既朋友幫"羅文"(陳白先)先生係俄羅斯現場彩排時錄音o既精彩CD，隻CD其中仲包括蝦 睩o既對話添！
大家可能會問小弟，用o的o甘貴o既架餐聽出o黎係點o架 ？
對唔住大家，因為小弟對聽音樂係興趣唔大，獨愛AV(女郎)？所以
不能講出個人o既感覺！
如果大家睇到o尼幾隻字o既時候，o甘小弟都無白費心機，多謝多謝
！以上純絮個人o既感受，如有錯灟，請多多包函！
網頁版 §§ Review 33 §§ 小強新聞組 §§ Tower3A討論區 §§ 麥嘜討論區 §§ RLII的討論區 §§
新聞組版 §§ 小強新聞組 §§ KC Lau軟件DVD新聞組 §§