歡迎來到 Versa 的器材網頁

建立日期 : 2004年10月8日

記得小時候有一次跟父母逛公司, 我一時好奇, 獨自走入某代理陳列室的音響房內, 頓時為之驚訝... 

點解好似有個人企響中間唱歌咁既??? 那個情景我依然記得, 之後便愛上了音響, 

不過當時年幼的我, 父母又怎會花幾千, 甚至過萬元買一套音響給我丫...

至出來做事, 儲到點錢, 三年前才買下我第一套音響

因為好少 upgrade, 所以大家可以見到我用緊的器材或許已跟現時的標準有點距離, 請勿見笑

因為用日版電視的關係, 收看本地節目便需要轉線器, 起初我是用Samsung SV-5000W, 

因貪其簡單易用, 但後來小弟的電腦 upgrade,多出了一些硬件, 掉了又可惜, 

不如索性用來做轉線, 現在Samsung VCR只用來做 tuner, 直出 PC 再轉成 720P 色差到36DZ950, 

效果比只用 Samsung VCR好, 起碼再沒有字幕閃爍現象, 畫面密度也高了。

曾經試過影音分家, 買下Jadis膽機, 選它...有少少由於名牌效應, 而且試聽過亦覺得不錯, 

但我得一對speaker, 每次聽歌/睇戲都要換線, 好麻煩!!! 睇戲經 tube amp又覺得聲音唔自然. 

後來反問自己, 雖然 tube amp聽歌比AV Amp好, 但自己真係咁在意那個差別??? 

最後... 還是把tube amp出售了, 現在純玩AV, 反正用A1SR來聽歌, 對我來講是可以接受的. 純音響... 算吧~ 來日方長

DVDP是 Pioneer DV-S737, 是第一批有progressive scan功能的機種, 但科技日新月異, 已不能與今日的機種相比. 

直到今天它仍然運作正常, 我想除非它壞了, 否則無意換機, 反正要更高畫質, 已經有高解象嘛~

它仍然是我所有器材中的至愛, 你睇佢塊面幾咁靚~

AV Amp以前用Yamaha AX2, 雖然包圍感強, 但總覺得差一點點,

 即係聽到聲音, 但d聲埋唔到黎果種. 後來聽人講 Denon好力, 於是換了A1SR. 

用得A1SR, 又無理由只用5.1架嘛, 於是買多對 speaker玩7.1, 又適逢屋企裝修, 

便DIY個架, 將surround back speaker掛於天花下. 

Surround: Audio Pro Avantek One

Surround Back: Audio Pro Ego 212

Center: Audio Pro Avantek Two

Main: Audio Pro Avantek Six

Sunfire Super Junior, 本應打側放在牆角將底音反射, 但奈何它沒有防磁設計, 一將它放在牆角, 

便影響到電視角位有輕微閃動, 雖然好輕微, 但被我發現左個心就點都唔舒服, 

隻眼會經常有意無意咁留意那個位置, 於是幾經測試, 就是這樣放才不會影響電視畫面~

展望將來有錢 upgrade 的話, 希望可以換全套 M&K speaker, 效果必定以倍數上升, 但 $$$$$$$......

介紹完畢, 如各位有任何意見, 歡迎賜教