EPSON P2000代用電面世了!!!!

發佈日期 : 2005年 8月2日

本年度攝影界浮誇產品之一的EPSON P2000，超高質素畫面流動睇相機，

40G硬碟的容量之內，不但除了可看到jpg外，還可看到Raw檔，如果以幻燈片播放相片時，有背景音樂襯底，

而背景音樂仲可以係你自己抄你喜歡的Mp3音樂，作為幻燈片播放背景音樂，你可Save三首不同的mp3音樂做選擇。

當親友或Model接過你手上的這部 4 "廣闊視野的超高解像度彩色LCD顯示屏 後，浮誇的氣勢迫到對方呼吸困難。

而且仲可播放影像檔，方便用家某一些數碼相機有Video功能的話，影完之後，即播即睇，真係開心死!!!

但是功能越多，使用次數就越密，  4 "廣闊視野的超高解像度彩色LCD顯示屏最食電，

如果全新叉滿的電芯，可大約抄 3GB- 4GB相，再跟手睇多2GB相片就無電了。

所以一般用家在使用時都就住就住用，唔想亂用，萬一到時真係有用時，在街上無晒電就大件事。

雖然P2000的叉電不是植入體內，是可換上叉電的，跟機有一粒送，但如想另購一粒叉電芯的話，就需要放血價 $550。

近日這款 EPSON P2000 浮誇產品賣得唔錯，一些週邊產品公司，就推出了給 EPSON P2000 的代用電。

巴斯收到消息後，到旺角一帶走走，找了一段時間，

最後在旺角星際，二樓的樓梯一上左手面第一間相機店鋪，用$280購入，以下和大分享一下。

拿拿拿~~~~~我無格過價，如果你們在其他地方買得平過我，唔準講我知架，我會嬲死你的。

店內有兩個牌子選擇，售價相同，由於另一款牌子我不熟識，於是選了圖中的這一款Power Mart 代用電。

購買時記得叫店員開單，因留單可有一年保用。

圖中就是兩者在外型上的分別，邊粒是原廠跟機來的?

  你是否傻架~~~~你自己睇啦~~~~~

兩者在數據上的V數和mAh都是一樣，在我初步實際使用時都似是一樣，但由於剛購入使用，想再試一輪先下決定。

由今日起，我就可以帶住佢一邊聽Mp3，去到目的地，仲可以有多粒做後備電來睇相，無需再就住就住用電了。

雖然包裝上是印上日本做，但.............我剛剛又想到，P2000的叉電，是插入P2000體內叉電的，萬一這款雜廠電，

在叉電期間在P2000體內爆漿的話，那個P2000就............. ，

後來我又打算另購一個專用叉電機，一來唔怕萬一有事會影響到P2000，二來萬一出門的話，

在晚上，P2000和另購的叉電機，各叉一粒電，開心好多，

但.........這個月洗得太激了，無錢買了 ，古語有講，錢到用時方恨小..........，下次買了再和大家享吧。

當然，如果你覺得使用代用電，無安全感的話，

原廠電是你的必然選擇，買兩粒原廠電都只不過是$1100吧。

    avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。