Idy Wong影集第二輯

筆記日期 : 2004年 2月9日

枯草原影夠了，又係轉組的時候，巴斯當然係要跟住轉組啦，

轉到另一組時，影了不夠五分鐘，個心又掛住 Idy了，八掛想知到Idy去左邊個位置影相，

於是離開眼前這個Model，去找 Idy了。

嘩~~~~~~~~真係唔睇尤自可，一睇之下，原來這個組別帶了Idy去氣根樹林，靚到佢呢!!!

如果我咁樣都仲返轉頭，我都係唔人啦，好!!!一於做逃兵吧。

走左入去人地個組，好彩大家都唔認識對方，而且人數又比較多，無人發現我，嘻嘻........

不過Idy開始左 5至10分鐘了，要爭取一下時間喇。

來到氣根樹林，光線不夠外面的光，但都足夠影相，Idy沒有再穿上外套了，

這也是好事，變相換了另一件衫麻。

我和Idy都好喜歡這個氣根樹林架，我 Send相比佢的時候，佢話三輯相當中，最喜歡這一輯，

咁當然啦，如果唔係，我都唔會做逃兵啦。

好彩Idy在這個樹林表現好好，如果唔係，就唔值得了。

我都不知幾喜歡背景的氣根，你呢?你喜歡嗎?

你實問我呢處係邊，不過我都唔知呀，只係知到在錦田附近，真正名稱無留意啊。

你睇Idy幾開心!!!

又係氣根啊!!!

嘩~~~~~~呢邊仲多呀!!!

不過影Idy的攝影師仲多，仲有一位帶埋梯來影，非常專業。

第二輯當中，我最喜歡這一張，點解?

因為佢望鏡頭囉!!!

你呢，你又喜歡邊一張呢?

好快手咁影完之後，又急急腳走返去剛剛做逃兵的組別，

再次影返那位Model了。在途中都不停咁睇返剛剛所影的作品，因為剛剛在觀景器觀所見的影像很吸引，

好滿意，但好怕最後出來是兩回事，於係咁睇返囉。