一月號日本版Hi-Vi推出了

筆記日期 : 2003年12月25日

最新一期的2004年1月號Hi-Vi推出了，今期價位回落到 $90一本，

內容不過不失啦，買又得，唔買又得果隻囉。

家訪方面，都唔係咁吸引，無以前果D大件野，你知啦，睇日本家訪，當然係睇自己買唔起果種，咁就開心啦 。

 ●●●●●●●●●●●●●●●●●●●●●●●●●●●●●●●●●●●●●

拿，講到家訪，又要再提大家，如果你真係想睇日本人的家訪，唔係想睇最新Av 器材的話，

我再一次推介大家買圖中這本書，我和我的好友，一直都有訂這本書，

佢一樣係Hi-Vi集團的出品，係以季刊方式推出，一年都四本咁大把，

呢本書叫做【Home Theater】

每本大約$128.6，有時多D，有時少D，都係睇日元的對換價。

由於唔係咁多人買，所以無乜店鋪入貨，巴斯一直都係透過日本書店訂講，先後貨。

成百蚊本書都買，係咪過份?

我個人覺得，比百幾蚊，就可以一次過進入十幾伙日本人的家中，見識到別人所用的器材，

擺位，風景.............，不如我比百幾蚊你，你比返咁多野我睇喇。

而且又唔係日日叫你比百幾蚊，仲要係一季先比一次，頁頁精美彩色印刷，

有時朋友來探訪，又可以給他們欣賞一下，我覺得百幾蚊，真係低就真。

●●●●●●●●●●●●●●●●●●●●●●●●●●●●●●●●●●●●●

圖中係今期冬季刊，推出日期是 2003年12月25日。

由於日元的關係，今期貴左少少，$135.8。