Spiderman 3

　发布日期 : 2007年 5月5日

《蜘蛛侠3》Spiderman 3于 5月1日在香港合共122个上映银幕开画，首日开画票房，录得738万港元的超高票房，

即时打破周星驰在 2004年《功夫》所创下的 404万港元开画票房纪录，

《蜘蛛侠3》Spiderman 3 ，正式成为香港开埠以来单日最高开画票房片王。

今次片长140分钟，即两个小时二十分钟内容的《蜘蛛侠3》Spiderman 3，票价方面比平日贵$10，即每张票售$70。

但依然在黄金时段，是九成入座率，果然利害，

如果我自己不是透过网上订票的话，即场是不可能在戏院买到票和朋友一起欣赏的。

下图为香港一间比较大的电影院海运戏院，在星期六晚9:20的订座图，

是近日戏院很难见到爆满的情况，可想而知，这套电影的吸引力。

好!!!!好!!!!好!!!!

哗~~~~今集蜘蛛侠真系好睇到唔知点形容，140分钟，由头打到落尾，绝无冷场，动作场面，是我前所未有见过咁好的打斗设计。

可以系话袁和平，殷子单的混合武打动作设计，相信今后对武打动作设计的工作人员来讲，

《蜘蛛侠3》Spiderman 3 的出现，是一个很大的压力。

提提大家千万一定要准时入场，否则错过了前面长十六分钟，惊天地泣鬼神式的精彩镜头。

男角因为变了黑蜘蛛之后，性格大变，正义得来，带一点不羁，使人眼前一亮，真系见到佢都忍唔住尖叫。

各位观众，2007年全新偶像诞生了!!!!!而女主角方面，表现神奇地比之前两集要好好多，片中还有不少性感激突的演出，万勿错过。

唔好傻啦!!!!呢D年头，边仲有呢D电影睇到丫~~~~

以上一大堆影评，系我发脾气，讲反话的!!!!

拍套这样的戏出来，在香港上画，票价仲要比平日多收 $10，老老实实，$70票价，我情愿比乞儿都唔会比这套电影，

他日推出DVD，Blu-Ray，唔需御我，连明珠930重播我都唔会再睇一眼。

成套戏拍到不知所谓，你等我一阵......等我摺高衫袖数臭佢，

两个小时 二十分钟内，我不知自己转了几多次姿势，如果即场可以上网的话，我真系好想上网打发一下时间啊。

成套戏，打斗场面唔多，叫做 3到4场，尾场叫做大型小小，但打得求求期期，一点都不紧张，打得又唔好睇。

男主角一向我都唔系好喜欢他做蜘蛛侠架喇，今集仲衰，成日都唔够打，最后仲要人帮手。

你咁差，点做蜘蛛侠呀，我平日都成日比人欺负，入场当然系想睇下你点威架啦，代入自己度丫嘛，

点知你仲惨过我，我洗鬼睇你咩~~~基本上成套戏都系一套爱情片，喂，我真系无兴趣想知你最后追唔追到个女主角呀，

你打啦，唔好讲喇，你系咁讲讲讲，讲完又再讲，讲极都唔打，我真系顶你唔顺。

哎也~~~~唔好提喇，一提起佢我D火又起架喇。

我以为..........系!!!又系我自己以为，男主角变左黑蜘蛛之后，他会做出一些不羁的行为啦，呢~~~类似谢霆锋果只feel呢，

我仲幻想他变黑蜘蛛之后，会有什么绝招或者技术表现到他比之前更有力量。

丫~~~~原来唔系架播，比我想像中差好远架播，真系激到你呢~~~

最离谱系去爵士吧找女主角的一幕跳舞场面，我真系想一张摺凳车埋去。

讲多两讲，使我想起其中一幕蜘蛛侠出现，照例又系在屋顶跳呀跳呀，

丫~~~~跳跳下居然跳左枝美国旗出来，真系睇到我跌落地。

哗~~~洗唔洗呀，关美国旗什么事呀~~~~

讲到个女主角，我真系不明白点解来到第三集，都仲系由她做，

我觉得换女主角迫切性高过男主角，想唔到第三集依然系见到她呢。

她演技真系不算好，真系好难投入同想像蜘蛛侠喜欢她什么?

最尾一场英雄救美，我真系好想好想佢跌鬼死，咁下集就有新女主角出现，大快人心喇，

不过..................到时都会有可能篇剧说，这个是她孖生细妹，再次出场都得~~~~

其中有一幕呀，蜘蛛侠错手打左女主角一把，我即场忍不住叫了一声  好!!!

今集就连女配角都系唔差得几多，唉~~~~

反而呢位靓仔哥哥就唔同喇，今集他是绿魔的承继人，他演失忆前和之后的表情做得好明显，像是两个不同角色一样，

反而我觉得他做蜘蛛侠会好好多啰。

今集他由原本系坏人，后来变返好人，仲帮那个无鬼用的蜘蛛侠打交，可借最后他死了。

咪同现实生活一样啰，真系应该死果D唔死，唔应该死果D就生欧欧企响度。

图中呢位奸角沙魔，一点恶的势都无，我一点都不惊他的威力，而且没有什么攻击能力的。

唉~~~~唔知系唔系我睇得太多戏，睇到麻木晒。

另外今集，仲有多一个坏人毒魔，就系图中呢个喇，我真系唔明，点解佢会似蜘蛛侠的。

唉~~~~都系不知所谓的做型，打得又唔好睇。

总结

讲多无谓，我唔喜欢，唔代表系这套电影不好，只系我个人比效肤浅，唔识欣赏，我发神经吧，

我相信很多人会看完之后，拍晒手掌，话唔定系全年最佳电影都会有架播。

何况这套咁收得的电影，电影公司决定开拍第四集喇喂。

你问我，我D火又滚架喇，如果他日推出第四集的话，唔换男女主角，你唔好叫我入场睇。

不过全城热门话题，你又点可以唔入场看丫，你无睇过就无资格闹，而且无话题同人家讲，

你总不可能听说人家话不好看，你就不去看吧，要信自己，不要信人。

所以大家都系早点买票入场，早睇早闹丫嘛。

记得网上订票，因为真系好多人在戏院排队买票，上网订好好多，好方便的。

以下是三条本港院线的网上订票网址。

对这套电影有兴趣的朋友，可到以下这个网址收看予告片。

http://www.apple.com/trailers/sony_pictures/spider-man_3/hd/

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。