神奇四侠银魔现身

神奇四侠银魔现身

　发布日期 : 2007年 6月18日

睇过神奇四侠第二集的预告片之后，就好想入电影院看这套电影，我对第一集的感觉好差，上次对我个人来讲，

只系得两段内容系睇得，其他全部都系讲讲讲，讲完再讲。

今次睇第二集的预告片，见到内容比第一集多动作场面，所以有返信心，因为无乜可能会差得过上次嘛，

只要唔好差过上次就得架喇~~~~哈，我个人要求系咪好低呢?

上星期四第一日上画，就在海运戏院睇这套神奇四侠银魔现身，

整体感觉不错，但系你话好好睇又唔系，最起码他日出碟的话，我会买的。

片长 92 分钟，唔需要带个脑入场，只系希望见到动作场，对我呢类低智商的人来讲好合口味。

今次片中有不少使人会心微笑的位置，我一一受落。

动作场面方面，一般啦，在预告片都睇得七七八八呢，最主要都系最尾那一段啰，他日都应该会系影音试机位置呢。

女主角的表现比上次好，不过今次唔知点解，有时她的样好靓，但系有时又唔靓，

最唔靓系几时?咪就系穿婚纱的时候啰，唔知系唔系个发型问题呢?好老啊，不过其他做型就无问题。

喷火仔今集一样都系咁靓仔，表现都系好好，不过唔知点解，

当银魔第一次在神奇四侠面前出现时，在预告片内，喷火仔讲左句大约系 : 我套礼服刚刚买架炸~~~

但我在电影院内看这一句时，对白给更换了，而呢一句对白，又唔知点解系无中文字幕架播，

加上他又讲得快，我听不到他讲什么，如果你们入场的话，帮我听听丫。

今集的特技做得唔错，几场破坏都市的场面都做得几好，

英国的泰唔士河和魔天轮的灾难都做得好好，在大画面上看会吸引好多。

尾场就好比面啦，安排在我们中国的上海作为背景。

今集的主角银魔做型，相信大家都唔会有什么新鲜感喇，T2内大家都熟到不得了呢，

所以我唔觉得好吸引，片中的表现都系一般，无突出的表现。

全套戏我都满意，他日出碟会买，绝不介意看多一次，就是我今次对这电影的评价了。

想睇预告片，当然系去 apple.com啦，点解唔去神奇四侠的官方网址睇?

因为 apple .com 提供下载预告片服务嘛 (如果你系Pro版的用家) 。丫~~讲开又讲，最近 apple.com 睇顶告片的主页装修过，

一次过Show更多预告片的缩图出来，另外搜寻时更快得到要得到的预告片。

下载或直接收看神奇四侠银魔现身的预告片网如下。

不过你都可以去一去神奇四侠的官方网址呢。

◆ avbuzz.com精神，人人毒我，我毒人人 ◆

　谢谢收看这篇文章，你是第个收看这篇文章的读者。