Silverline Audio “Grandeur II”

第 二 集

发布日期 : 2008年 6月25日

读者投稿 

图 / 文 :谭威威

这篇文章所有图片与文字版权属谭威威拥有

真系唔好意思嘞，哩个 “Part 2” 一拖就拖咗个几月，因为公务缠身， 总之“一千句 I’m SORRY”！

  今次其实我系想讲下、介绍下全港第一位Grandeur II用家佢嗰套音响系统，

顺便当系一个新居入伙后家访Report，偕因Part 1嗰D相其实系佢旧居，佢早排已经搬到另一个安乐窝。

我今次谂住系Part 2里面update下佢D器材资料同埋影返D靓相同大家分享下。

 哩位Grandeur II用家是一位骨科专家，属于极之繁忙嘅富贵党一族，要同佢约啱时间家访影相都唔系咁容易，

但系谂到佢D靓器材同埋影到D靓相，难约都要约啦！

 Grandeur II当然系好嘢黎喇，以哩位朋友嘅money，要买甚么Wilson、Avalon一定唔系D乜嘢问题，

但佢点解偏偏拣Silverline Audio “Grandeur II”，唔洗讲梗系靓声兼啱听啦 (否则我都唔会成为第三位用家)！

对公仔好得意喎，用黎装饰定或校声用？！

哩位骨科专家都可谓食得 “了能”，一般高档矜贵前后级扩音机有大把选择但佢就唔啱听，

搞黎搞去结果系美国揾一间著名器材公司嘅世外高人帮佢custom-made一套极品胆前后级扩音机黎听，哈……问你服未？！

  睇下哩对后级，净系个EL34胆阵就已经 “宾虚” 咁嘅场面，再加埋左右两个重量级电源，

哗………我都唔敢问佢几多钱啰，废事吓到个下巴跌落地下就失礼人喇。

其实之前佢嗰套前后级都已经唔错嫁，Threshold T2加埋两部T400玩Bi-amp，

有气势又有幼细，咁玩法已经比起好多人奢侈好多啰。

哗，极品Oracle CD Player呀！哩位富贵朋友都好鬼舍得花钱买器材。

Oracle将CD碟D讯号毫无保留读晒出黎，

经扩音机再由Grandeur II榨干榨净100%传送到发烧友嘅耳仔，妙绝！妙绝！

因应机主同埋美国高人嘅要求，嗰套custom-made既胆前后级扩音机唔方便露面，

以避免江湖上嘅是是非非，所以嗰D器材都系以 “琵琶半遮面” 嘅形式出现。

机主用客厅黎听音乐，个聆听环境我估约四百平方尺，地方四平八稳，

用黎听音乐已经相当唔错啰。两只Grandeur II相距约6、7尺，离后墙估计约3至4尺。

虽然个厅无乜特别treatment，但实际出黎嘅音响效果仍然非常理想。

  当日用黎试听嘅CD碟：

听嗰只黑猫仔 “A taste of DMP” ，音乐一出，成间屋突然间就变大咗，

后墙就好似突然向后缩咗好几尺，无错………队band就系企咗系嗰几尺位置！总之整个舞台就摆咗系我哋面前。

讲动态同弦乐，只Olympia 卡门就啱晒key嘞，打到 “彭彭” 声对Grandeur II都仍然从容不迫，

去到几大声都依然比人有“大大都撑得起嘅感觉”。但当去到弦乐嘅时候，

Grandeur II又比人有一种幼滑如丝嘅感觉，无吹牛，真系好正。

套组合另一特色系分晰力极高，就似系一副超级显微镜。

当日无论听 Master 嘅 “Female Audiophile”、 陈洁丽嘅 “一水隔天涯” 

定系 Leslie Ritter 嘅 “Hearing the song Listening to the silence”，我都觉得眼前有一种 “飞蚊症” 嘅感觉，

硬系觉得面前个音场有好多零碎嘅声响同埋空气份子嘅震动分布在上下左右，系好细声嘅、

又好细粒嘅、又不停闪烁颤动嘅………….用 “飞蚊症” 去形容真系好贴切。

哩种分晰力真系要亲身感受过先至可以理解，笔墨好难100%去形容。

好嘞，大家都睇过哩位独具慧眼嘅Grandeur II用家所用嘅器材嘞，不如就此暂时收笔，

等我系Part 3再继续同大家讲下我自己嗰对Grandeur II嘅表现喇，bye-bye！

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。