OPPO BDP-95 正式登陆

发布日期 : 2011年 4月8日   Model : So So

　早前试过部 OPPO BDP-93，本来都只系试下，八下挂呢部机的能力，点不知试试下觉得非常之合自己口味，

操作手感和反应当然唔可以同 Sony PS3 比较，但系无论画质定系声效都大大优胜过 PS3，

而且操作更爽过那些所谓万元级别以上的尊贵机帝机后，虽然明知自己都无乜机会有大量碟可以睇，

但始终有机会接触到一些优质碟，所以都系要放返部有参考价值蓝光机在身边先得安乐，

于是家中就多了部 OPPO BDP-93 喇~~~就系咁....... 之前的 Sony BDP-S765 蓝光机装饰品   又可以放落床下底了。

原本系想同大家讲， OPPO BDP-93系属于入门级蓝光机，

但想想下唔对路，因为市面上千几蚊都可以买到部蓝光机，唔系山寨机呀，有名有姓架。

就以 Samsung BD-C5500为例， 除了蓝光碟播到，其他乜D物D都一样播到，$980有交易，仲系行货添~~~

BDP-93依家 $4699无可能叫入门级蓝光机喇挂，不过BDP-93事实又真系好得我欢心，在发烧级别来讲，真系算入门级架喇。

无可否认，BDP -95的外型真系靓仔过 BDP - 93好好好好好多，但售价就贵一倍有多啊。( $9999与 $4699 )

计过条数，明知自己一年都唔睇得几多只碟，摆多过睇，都系摆部平机算了。

不过我又好想八下挂，部BDP -95 质素靓唔靓得过BDP - 93一倍咁多呢?

早两日经过，见到BO Acoustic 旺角陈列室，有部用来接订单，唯一的一部 BDP -95 Demo 机，衬住仲未到货，于是又去影下个样咁啰。

睇睇个背面先............

唔.......我的摄影技巧唔够官方所提供的图片好，都系用返官方图比较适合。

咁系咪清楚好多呢~~~~~ ^_^

见到左上角吗? 平衡输出，顶级机先有架，我屋企就无喇，所以比我都无用，但一线两声道发烧友就会好开心啰。

唔好问我点解唔系 7.1 全平衡输出，我答你唔到。

比埋个正面你睇丫，

系咪靓仔过 BDP - 93好多呢~~

 上次咪介绍过BDP - 93 个包装好细心，又彩盒，又环保袋，又黑色发泡胶，仲有埋硬盒放配件，

今次BDP -  95 再加多两钱心思，就系送埋 15粒比镀金端子用的防氧化胶粒。

日本仔又系唔会想到架啦，我猜佢又唔需要抄 OPPO 咁低庄挂.....

其实又要几多成本咁呢? 只不过有无心思咁解吧。

但比钱果个就受晒啦~~~~未开机开心一轮，无得顶!!!

IEC 电源插头，发烧友至爱。

摇控照旧无变，都系同BDP -  93 一样啰。

哗~~~~ SoSo 净系见到个BDP -  95纸皮箱都咁开心，拆开见埋里面咪唔得了 ? ^_^

究竟.............个包装系点架呢，今次有无环保袋送呢? 待续...............

可能你会问，依家仲接受紧订购，点解可以有开箱相 ? 

原来今日下午，新鲜出炉的 BDP -95 首批货到步，之前落订的朋友可以得到现货了。

眼见老板今日把大量货堆到出门口，货量仲顶到上天花板，系咁打电话叫客来取机，唔好阻住条路，

搞到一镬泡咁款，都系唔打搞佢咁耐，下次再来啰。

虽然仲未有开箱图睇，但都可以透过以下呢个表，

初步了解一下 BDP -95 和 93两者之间，究竟有乜分别得架?　

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。