G.E.M.~GET EVERYBODY MOVING CONCERT 2011

蓝光推出了~~

发布日期 : 2011年 12月18日    图 / 文 : 巴斯

13岁自己创作一曲睡公主参加比赛而入行，19岁在红馆开个人演唱会，而且首首歌都咁好听，

十分喜欢而且欣赏的一个唱作歌手，演唱会当然入场支持啦。

12月17日星期六，我............我..........终于等到 G.E.M 呢只蓝光碟的推出了。

我真系等左好好好好耐，由当日步出演唱会当晚就开始等，幸好在耶诞前推出，

咁样在平安夜，就可以在家中与朋友一起睇住呢只碟，一边打边炉，一边睇。

点解唔用投影机睇? 哈~~依家D人仲点会陪你在黑妈妈的房间，仲要座定定睇咁闷架。

我自己一个就会，普通市民系唔会咁样做，依家D人同一时间要做几样野先得安乐架嘛，点可能座定定丫，呢只碟净演唱会部份都138分钟。

我就无本事可以迫到人地在一个黑妈妈的环境下，眼定定咁睇返成只碟喇。

普通市民一定选择在客厅灯光火着的环境下，做下呢样，做下果样，所以用部 50"电视睇开心好多。

图为碟正面和背面样子。

盒内除有蓝光碟外，还有一本小册子，

有几多页 ? 你自己数下丫。

收录138分钟的演唱会内容，还有四条声轨放在碟内，

一只单层25GB可收纳到而保持应有质素吗?

以下系今次碟内所收录的曲目，当中还收录有三首制作特辑。

special features

 13:46

哈~~~那位摄影师真有眼光，一眼就睇到佢的出现，

在大约 13分46秒，当G.E.M.多谢大的时候，镜头就影着她呀.........原来当日她和我欣赏同一场。

个人评价

我系先睇 special features ，因为有 A.I.N.Y. (piano version) ，第一眼真系吓亲我，画质好差，我以为整只碟都系咁差呀。

后来在正式内容观看先放心返，只系 special features 差吧。

虽然呢个演唱会，系香港拥有最好器材的 Video Channel拍摄，但唔可以和蔡琴演唱会示范级作比较，

因为呢个演唱会放好多烟做气氛， Video Channel 在咁恶劣的环境下，都一样唔可以达到最佳画质。

不过我所指系最佳画质， 只系用发烧友的立场去看，而且仲要用投影机放大画面来睇的评价，

如果普通市民，用正常家用电视来睇的话，一定无投诉，唔好乜都要达发烧级先可以睇，唔该用心去睇制作上的内容仲好吧。

声效方面，我还是喜欢用 DTS HDMA来欣赏适合我个人口味。

呢只碟的声画质素，最差佢一定无份，最靓又未轮到佢，不过不失，我相信喜欢 G.M.E.的音乐都会喜欢呢只碟。

最 High一定系 Get Everybody Moving ，平日听唱片都听到好似一大班人操兵咁样的节奏，

来到演唱会更加强烈的节奏感，而且又爆晒碎纸，劲High。

而全场合唱 Where Did U Go 就最有气氛。

情人一开始是接近清唱，都好好听架喇，去到 37:59第一下Bass响起，正到不得了~~

整个演唱会我最不喜欢她唱 忐忑 ，本身我一直以来都不喜欢呢首歌，更唔识得笑呢首歌，总之就系好讨厌呢一首歌，

就算系G.E.M.唱我都唔喜欢。

容许我拉开少少话题，我知所以喜欢G.E.M.除了她的歌好听之外，个人仲好搞笑。

以下呢段自弹自唱木吉 + 加钢琴版的 One Button，

唱得好好，一定要睇呀。

G.E.M. - "One Button" 木吉他 + 钢琴版

  Video 

放开拳头

真系要多谢那位热心市民，把其中一段高清质素的情人，放上网分享，我日睇夜睇来等呢只碟推出架。

依家我手蓝光碟，唔需再睇佢喇，在这里多谢那位热心市民。

其实官方应该多放高画质片段上网，等多D人发Link帮佢宣传一下嘛。

时代唔同架喇，放开拳头啦，你会得到更多的。

如果你无打算买呢只碟的话，睇下呢段片，可能另你改观。

  Video 

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。