职业特工队 : 鬼影约章 上画了!!!!

发布日期 : 2011年 12月16日    图 / 文 : 巴斯

年度佳作

哗哈哈哈~~~~真系比 Zoie笑死我，叫佢同张海报影合照到此一游，佢居然摆出个咁样Pose，我睇左好多次都觉得好好笑。

最搞笑系佢D表情仲要好认真咁先抵死。

靓佬汤好型咁啜实块玻璃，洗唔洗你救呀? 笑爆咀。

真系好想打开你个脑，睇下系乜构做啊。

呢套戏虽然宣传上话星期四正式上画，但前晚 ( 星期三 ) 圆方6号院，就抢先上画了。

不过..........只有晚上 10:10一场................唔.........晚上 10: 10先开场，套戏两个几钟咁长，睇完再座车返屋企咪好夜?

 即系唔关我事啦，但唔适合我，唔代表其他人，你睇，我之前一日上网睇，早就无晒靓位了。

呢D一线大片，净系做圆方楼上的原居民都够啦，我呢D游客只好迟一日先睇。

个人评价

其实.........呢个影评无乜值得睇的地方，唔通我讲唔好睇，你真系唔入场睇咩?

既然我话好唔好睇，你都入场，咁呢个影评睇来做乜呢?其实唔睇呢套电影，边有话题呢?

又如果连呢D一线大片都唔睇，咁仲有边套戏先会入场睇呢?

圆方震动椅加上.6号院巨幕大斜级座位，依然是我最喜欢的电影院。幸好这晚 6号院有得上，咁都无咁惊。

我觉得片长 134分钟 ( 两个多小时 ) 太长了，剪短一点可以使到气氛紧张一点。

不过整体都满意，靓佬汤依然有他的魅力，尤其桂拜塔一幕好紧张。

女主角Paula Patton 之前作品 ( Deja Vu ) 我觉得她好靓的，但系今次跌晒Watt，有几场我觉得佢好似男版宣萱，

完全投入唔到片中她是一名美女，仲要说服我用她的男人样来勾引有钱佬。

唔满意的仲有片中无配合紧张镜头而播放最精彩的主题曲音乐，真系好失望，失望，好失望。

呢套片大量用上 Apple 产品，由 iPhone 到 iPad，还有 Mac Book Pro...........不过电视机就用上 LG，

丫.......唔用Sony唔出奇，但点解会系LG呢?

片中有新型武器，又有又靓又有特别功能的车，都系我喜欢睇到的，

007唔该做返好D啦，唔好再扮平民化，又无新型武器，我比钱入场就系要睇D人能所不能的事物，

呢套比到我呢个感觉，上次007搅到要美女帮手打埋一份佢先可脱身，真系倒米兼赶客。

他日推出光碟的话，我会再用自己器材睇多次，因为片中那些动作场面，用自己器材播放时，我信相效果唔错的。

虽然呢套戏唔系我睇过最精彩的动作电影，但我一点都不反感，绝对好过晒市面上果D乜乜侠 ，好心唔好斋讲唔打啦。

对这套电影有兴趣的朋友可再睇多次预告片丫。

  Video 

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。