職業特工隊 : 鬼影約章 上畫了!!!!

發佈日期 : 2011年 12月16日    圖 / 文 : 巴斯

年度佳作

嘩哈哈哈~~~~真係比 Zoie笑死我，叫佢同張海報影合照到此一遊，佢居然擺出個咁樣Pose，我睇左好多次都覺得好好笑。

最搞笑係佢D表情仲要好認真咁先抵死。

靚佬湯好型咁啜實塊玻璃，洗唔洗妳救呀? 我忍約聽到湯叫佢死開啦~~~~( 笑爆咀 )。

真係好想打開妳個腦，睇下係乜構做啊。

呢套戲雖然宣傳上話星期四正式上畫，但前晚 ( 星期三 ) 圓方6號院，就搶先上畫了。

不過..........只有晚上 10:10一場................唔.........晚上 10: 10先開場，套戲兩個幾鐘咁長，睇完再座車返屋企咪好夜?

 即係唔關我事啦，但唔適合我，唔代表其他人，你睇，我之前一日上網睇，早就無晒靚位了。

呢D一線大片，淨係做圓方樓上的原居民都夠啦，我呢D遊客只好遲一日先睇。

個人評價

其實.........呢個影評無乜值得睇的地方，唔通我講唔好睇，你真係唔入場睇咩?

既然我話好唔好睇，你都入場，咁呢個影評睇來做乜呢?如果唔睇呢套電影，邊有話題呢?

又如果連呢D一線大片都唔睇，咁仲有邊套戲先會入場睇呢?

圓方震動椅加上6號院巨幕大斜級座位，依然是我最喜歡的電影院，幸好這晚 6號院有得上，咁都無咁驚。

我覺得片長 134分鐘 ( 兩個多小時 ) 太長了，剪短一點可以使到氣氛緊張一點。

不過整體都滿意，靚佬湯依然有他的魅力，尤其杜拜塔一幕好緊張。

女主角Paula Patton 之前作品 ( Deja Vu ) 我覺得她好靚的，但係今次跌晒Watt，有幾場我覺得佢好似男版宣萱，

完全投入唔到片中她是一名美女，仲要說服我以她的男人樣來勾引有錢佬。

唔滿意的仲有片中無配合緊張鏡頭而播放最精彩的主題曲音樂，真係好失望，失望，好失望。

呢套片大量用上 Apple 產品，由 iPhone 到 iPad，還有 Mac Book Pro...........不過電視機就用上 LG，

丫.......唔用Sony唔出奇，但點解會係LG呢?

片中有新型武器，又有又靚又有特別功能的車，都係我喜歡睇到的，

007唔該做返好D啦，唔好再扮平民化，又無新型武器，我比錢入場就係要睇D人能所不能的事物，

呢套比到我呢個感覺，上次007攪到要美女幫手打埋一份佢先可脫身，真係倒米兼趕客。

他日推出光碟的話，我會再用自己器材睇多次，因為片中那些動作場面，用自己器材播放時，我信相效果唔錯的。

雖然呢套戲唔係我睇過最精彩的動作電影，但我一點都不反感，絕對好過晒市面上果D乜乜俠 ，好心唔好齋講唔打啦。

對這套電影有興趣的朋友可再睇多次預告片丫。

  Video 

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。