FOCAL XS BOOK 开箱图

发布日期 : 2012年 1月14日    图 / 文 : 巴斯

       Hi Fi 用来睇 。  Hi Fi 用来睇     

 Hi Fi唔只用来听仲要用来睇，唔通佢丑样，我都要日日对住佢咩?

在书桌放喇叭，个人第一志愿系 harman/kardon GLA-55，因为够靓仔啰，

呢对全球只造 2000对，香港只可以分到 80对，个样靓仔到呢，但索价接近$8000，咁名贵，点买得起啊。

骑牛搵马之下，虽然我自己不太喜欢 Micropod SE 的声音表现，但样子是我喜欢的，

幸好有M&K KX12 低音炮补不足，免强还可以用 2.1作为电脑喇叭组合用。

日子一日一日的过，还是找不到合适自己个人口味的代替品。

终于 Focal 推出了 XS BOOK ，唔单只靓仔，以书桌喇叭来讲，仲好好声，非常适合我个人口味，

所以打佢主意，成为 2012 年第一件玩具，也可以了结我一直来的心愿。

呢对喇叭建议零售价系 $3280，旺角星际城市的 DMA 泛音都系一样呢个价。

http://www.dma-audio.com/product_detail.php?id=1704

会员优惠

但如果系他们会员的话，会平少少，但呢个价，我只系求其格过，

无行过19区后所得出来的结果，究竟呢个价，系全港最平定最贵我都唔知。

是但啦，旺角方便我嘛，如果太远，车钱同时间都比返晒佢。

http://www.dma-audio.com/personal_registration.php　

会员的话，可以用 $3120买到。

点先可以做会员? 斩鸡头，烧黄纸 ? 唔系三合会喎老细，无咁覆杂下嘛，登记咪得啰。

三楼分店

 DMA 泛音在星际城市二楼和三楼都有门市，二楼顾客较多，一向自闭的我好怕人，所以上三楼，

位于三楼分店那位店员好好人，因为我的会员资料有少少问题，

系我搞错一些资料，幸好在佢帮助下终于都完成到。

因为唔系会员的话，一定要用正价买了。

由于赶时间，加上之前又在其他地方试过声，所以无验收，无拆箱，原箱带走 。

那位店员，见我成个生意失败 Look咁款，平多 $20 比我坐车返屋企，太感动了。

店员仲唔只平 $20，仲送多一只双CD，你睇睇几厚净~~~~

送架播，可能你觉得无野啦，但对我来讲，算系店铺的心意架喇，起码唔会因为要平比我，好似我去乞佢或者啰着数咁丫。

又有得平，又有野送，开心加开心。

计一计共平了几多钱先，其实只系 $140，唔系算好多，但过程开心丫嘛。

何况$140可以在牡丹楼买好多个虚心乐园餐架喇。

再一次多谢那位好好人的店员。

 身份显赫

不过如果觉得以上平得少，又睇唔起人家唔系送靓号码发烧碟的话，我诚意推介去金钟的DG购买。

你净系听个地点都贵气好多啦，就好似头等机位，同一班机，目的地一样，但票价就差好远喇。

金钟地处山脚，专做半山街坊生意，这里所发售的 XS Book 是港币 $3800 ，非常适合好似阁下咁身份显赫人仕光顾，

旺角买平得果几百蚊，都唔够踏几脚油，何必呢?

试想像一下，人家问你的 XS Book 在那里买，你话金钟买，而我就只可以答旺角星际，你话喇，金钟买系咪高级好多丫。

店铺的灯光与高级餐厅一样，灯光越暗，格调越高，收费越贵，

边D最高级? 点蜡蠋果D咪最高级啰，唔通开晒光管，成间跌打馆咁款果D高级咩? 

DG行 Lifestyle 路线，行入铺里面，自己都觉得好似高人一等咁，净系呢点都值得比贵几百蚊买。

店内还有大量  iPhone 4S 和 iPad 2 现货发售，正价? 你话呢? 如果正价，你觉得我会话你知咩? 我买晒去先达放啦。

另外，属于代理的升和影音，位于中环和尖沙咀陈列室，都有发售和提供陈列品给顾客试用架。

唔好讲咁多喇，开箱先，

好彩有呢个外层纸皮箱，因为当日下微雨，我又无带雨伞，

究竟里面系报纸定砖头我都唔知架，依家返到来先拆来睇。

究竟.........................

打开之后，起码见到个 FOCAL 箱，证实唔系砖头或报纸。

面头有两张圆型半透明贴纸封口，可见是未开过封。

好喇~~~~用界刀开架喇~~~界了就代表开封架喇，

拿 1 ~~~~2 ~~~~3!!!!!

好似我呢D咁贱格的人，如果有心开封又唔比人知，我就会反转个箱来开，由底部取出个BOOK，

用完就由底部入返部机，都系可以唔需要开封就可得手。

不过我绝对相信 DMA 泛音 和他们任何一位店员都唔会咁做，所以我好放心。

开封后，打开 FOCAL 白箱，就可以见到第一层发泡胶盖。

把发泡胶盖移走，其中一只 Book就出现在眼前。

移走第一只BOOK，再有第二层发泡胶，移走之后，就可以见到另一只 BOOK。

而左手边还可以见到另一盒白色的物件。

即系话箱内有一对喇叭和一盒图中所见的配件。

啊原来白盒内所摆放的是玉女心经和所需线材，玉女心经系简体中文，无繁体，

但唔紧要啦，都唔会睇，就算睇都估到简体字吧，再唔系睇英文啰。

图为白盒内的讯号线和电源线，当中还有这个电源插转头。

左右喇叭的背面是不一样，这个 BOOK 喇叭设计，是属于有源喇叭，背面接口和电源开关，都是放在右喇叭，

而左喇叭只有一个接口，是与右喇叭接线的。

中国成为世界工厂，连 iPhone都是中国所做，你应该会接受一对三千多元的FOCAL 书桌喇叭是中国做吧。

下集会和大家分享这喇叭的表现 ，待续...............

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。