叛教 3

发布日期 : 2012年 1月6日    图 / 文 : 巴斯

与Note相处第14天了，越来越喜欢佢，唔知点解，越是了解Note，越觉得与 iPhone 4分手系明智，

唔好讲 Note个显示屏又大过又靓过 iPhone ，单是操作上的贴心，就使我用得好满意，

过了14天，我再问自己一次，答案都系一样，

就算 iPhone 5推出 5.3" 屏幕，如果 iOS功能做得无 Note咁好的话，我都唔会返转头。

唔好讲 Note有几好，单系佢在功能上无差过 iPhone 4S都己经值回票价喇。

如果正打算买部新智能手机的朋友们，请你停一停，想一想，

今时今日，iPhone 系咪真系仲系你的第一选择? 唯一的选择?

如果系我的最好朋友，我一定制止佢买 iPhone ，不过如果系其他人，正所谓事不关己，乜乜物物，

我会话 : 唔好理其他人点讲，唔好人话好就转会，最紧要自己喜欢就得喇。

冬天贴身摆放 Note 好自然系外套的内袋，我也不知道夏天的时候，点放呢部Note先系最方便，

不过..........玛雅历都只系写到 2012 ，究竟我有无命去到夏天都成问题，

未来的事未来再算，今日玩得开心就得啦，理得到时放边度丫。

主页

你睇睇 avbuzz个主页先啦，iPhone Load唔到Flash，搞到一个二个洞都算喇，由于解像度的关系，Note 一眼睇多了好多行。

avbuzz系咁，其他网页都会系一样，咁试问你讲我知，我点可能返得到转头，你讲丫。

Root 机

唔好一听到Root机，就以为系人都打算玩免费 app，所以先要Root机。

请用权限呢个角度去睇Root机，三星手机，系禁止相机有静音功能的，

无论系用自己所属的相机功能去拍摄，或者安装第三方相机 app，都系无法使到拍摄和对焦变成静音，

呢点 iPhone 在 iOS 5之下的相机系可以拍摄时变成静音，三星就唔可以了。

先唔好话人想静音，就话人想偷拍，好似我最多时候在交通工具上 Whatsapp影相来交代比朋友知我的行程进度，

发出 Shutter 声往往使我好尴尬，Root机之后就可以把相机设成静音。

另外最最最最多人关心的屏幕遍色问题，也可以利用Root机得到解决，

所以下次千万唔好一听人家话Root机，就以为人家一心想玩免费 app。

最近更推出一步到位的Root机程序，方便好似我呢类初学者使用，有兴趣可去以下网址得到了解。

http://www.unlockroot.com/

近年好多恶得好紧要的人，所以........又系我宣读声明的时间喇，属猪属龙的朋友，劳烦请面向西 : 

我无叫大家去Root机，有问题出现完全唔关我事，我再讲多次，我绝对唔建议大家去Root机，够清楚未呢 ^^ 

“和谐不是一百人说同一番话；和谐是一百个人，有一百句不同的话之余，而又互相尊重。”

Soft Screen Tuner

Note的画面有三个模式给用家选择，分别为动态，标准和电影 ，简单D讲只系颜色抢眼度的高中低咁解。

动态就比较重口味，九成人见到都会觉得好味精，但我好喜欢呀，用来娱乐好得架，如果觉得太重口味的话，咪选另外两个啰。

不过也有一些朋友唔好彩，买了回家之后先发现个荧幕遍色，所以唔开心。

就以呢个叫 Soft Screen Tuner 为例，要Root机后先可以有权限进入调校画面，

除了 RGB 独立调校外，最主要系连色温都可以调，你想点调咪点调啰。

第一次使用

我系属于第一次使用者，对住部陌生机，鬼识搞咩，

今时今日app对一部智能手机系几咁重要，起机的一刻，唔系要打电话，系装app，

咁去边度找app得架? 无信用卡又或者唔想比信用卡资料，咁点算? 

Note在呢方面，对第一次使用者就方便得多。

开机前最好有属于自己的 gmail 户口啦，无就拿拿临开返过，又唔需要钱，开啦，开左先讲。

在桌面一早就放了个叫 Market 的入口响度，一手笃落去，就带用家去到市场选 app。

心急的新手，第一时间当然系装Whatsapp，Facebook， Line.......呢堆社交app啦，理鬼得你其他apps要钱定免费咩。

唔第一时间驳返通社交 app，同企响旺角裸体系无任何分别的。

填信用卡资料咁麻烦，日后再算啦好无?丫佢真系唔会问有关信用卡资料架播。

笃一笃桌面上的Market，拿拿临笃埋个放大镜，再输入想要的 app啦，到步后咁就可以Download，仲自己装埋好方便。

搞惦晒所有要装的社交 app ，日后摸熟部机，有需要买app时先再填信用卡资料，唔好烦我。

就系咁，我就装好晒所有我要用的社交 app，小学生都识笃，零难度。

推送通知

iOS 5的 iPhone推送通知做得非常之好，当日使我最最最难放下的就是这个功能，

 iPhone 在休眠状态下黑画面，每当一有推送通知，就自动自觉第一时间在屏幕亮起，

用家完全无需接触 iPhone，用眼尾望一望，就可以预览到内文。但 Note 在休眠状态下，佢真系冬眠架，

有推送通知来的时候，无错~佢会震又会响，但无画面呢，

究竟呢个推送通知系电邮丫，系Whatsapp丫，定 Message呢?

唔出手搞醒部机系唔会知，就算搞醒佢，第一个画面都唔系内文架，

第一个画面系锁机画面，要再开埋个锁先可以见到预览内容，你话系咪好烦丫?

又叫醒又开锁，最终都可以见到究竟系什么进送通知。

除非无乜朋友搵你或者Facebook无人回你架遮，否则几分钟响一次，

又唔知边个搵，最惨系你等紧果个你成日想着的人，个心呢.........如果Group Chat 仲死多二钱重，系咪好激气呢?

唯有做完工作，有空先一次过睇啰，呢个就系我唯一对Note不满，但又无app救到我。

正如前教主讲过，无手机系完美，呢点我接受啰。

电邮

电邮方面，iOS 5之下的 iPhone，有限单一封电邮寄出相片数量，最多只可以夹 5张相唔在讲，

而收电邮之后，想夹D相在该封电邮作为回覆，就更加系唔比咁做，而 Note就无上述的限制。

假设在欣赏相片途中，突然想电邮十张八张相比朋友，咁只要如左图就地正法地选取所需图片，

再选用什么方式送出，咁就可以一口气把多张图片发送出去。

呢个示范，我选择以电邮送出，右图可见，所选的 8张图片，都被夹到电邮里等我发出去。

iOS5 之下的 iPhone ，只能最多夹五张，多一张都唔比。

留意我选 8张并唔系 Note 的上限，只系我求求其其选 8张，我可以再选落去都无问题架。

以下示范，系反过来以电邮行先。

假设收到一封电邮，睇过内容后，发觉想夹一些相片在该封电邮作为回覆对方，在 iOS5 之下的 iPhone ，系唔比你咁做，

不过Note就可以好像电脑寄电邮一样的操作，给用家夹多张相作为回信。

电邮呢个回合，iOS5 之下的 iPhone 在我心目中系加分定扣分，如果你系 iPhone 用家，心里有数吧。

 SCUT gPen 手写输入

预设的手写功能，真系废到无朋友，唔好讲同边部机比，就算系同佢自己比都好唔惦，

Whatsapp时文字与心情公仔要切换先用到，你唔好去死，一日走出走入，用开 iPhone 都唔需要咁麻烦，

当我用到妖声四起的时候，朋友叫我装一个免费 app，叫做  SCUT gPen，如果因为咁而转会，真系死得人多。

今后用Whatsapp时，唔再需要切换心情公仔喇~~~

写字范围可以去到全屏，就算写落个Keyboard度，

都唔影响操作，在咁大个范围写字，不但就手仲好尸伏。

不过用开 iPhone有输入简体，出个繁体比我选用架嘛，SCUT gPen 就唔得喇，

虽然有部份成功，但命中率并非百份百，等同无用一样。

整体而言，iOS 5的 iPhone 手写系最好。

更可以透过设定来选取写出来的笔划颜色和线条粗幼，非常贴心。

画公仔

跟机来的笔系我用得最少的，电视广告上见到的剪剪贴贴，跟我拉不上任何关系，

一向喜欢画画的 Zoie在一程车上，就用了这枝笔画公仔，仲填埋色，

她试完也中了少少毒，她说如果手机坏了的话， Note会是她锁定的目标，

可想而知呢部 Note 有几吸引人呢。

Zoie说这枝笔有压力感，细力会淡色，留意左图，可了解Zoie所讲的感觉。

香港地区天气

呢个香港地区天气的app系一个好app，有埋加时钟功能显示，我见大部份用家都会安装呢个。

因为佢可以把香港天气分区来报导，分区的意思，系可以跟手机内的GPS位置，

跟机报导身处的地区天气，去到边都自动报导该区依家天气情况，

亦都可以锁死某一区，永远只系报导该区天气亦得，完全自动化，必装呀~~~

报天气的背景图都配合返晒当时天气，当然唔少得未来一周天气吧。

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。