行神迹呀~~~

发布日期 : 2012年 3月31日    图 / 文 : 巴斯

去年11月开始的 Nano 回收计划实行后，我第一时间去登记，完成有关手续后，就比返部旧机我 keep住，叫我等消息。

系咁等，等呀等~~~~直到上星期先收到电邮通知我去对换机部。

真系耐到呢~~~不过唔急啦，部 nano 咁废，今时今日都用唔着，换了返来都系得个摆字架姐。

不过佢话明电池有问题需要回收，咁我无奶油免费都唔换走个计时炸弹架。

电邮提到，去IFC对换就要再预约边时边日交收，如果选择去旺角银城广场就求求期期在佢办工时间内，带埋所需文件和旧机去就得，

我明天分分钟比车车死啦，预乜野约 jack? 所以我选择睇下几时咁巧合经过银城广场，咪走上去换啰。

呢日带埋跟了身几日的 nano，来到目的地楼下，影返张变身前的相先。

呢部就系我人生第一部苹果牌产品喇  ^_^，4GB容量架，

容量咁细，今日都唔知用来做乜。

经呢条扶手电梯上去再转升降电梯，就会去目的地架喇。

拿~~~~就系呢度，上去到又系轮候号码咁啰，

轮到我又系例牌签下名呀，听下佢讲果D条款咁啰。

丫~~~~原来佢换部新款 ipod nano过我，仲要系 8GB添，

职员话，就算原本部旧机只有 2GB 的用户，都划一换 8GB 容量，咁又真系几好啊。

不过你唔好幻想可以有包装比返我播，只系得架机架炸，乜附件都无跟，

只系换来眼前呢部净机，系咁多，所以打算用来送比人做礼物都唔好想喇。

行神迹呀~~~~

仲记唔记得我买 Mac mini 的时候，跟机咪送了一本教主写的经书呢，我当时咪话过可唔可以唔要经书，要呢部呀~~

哈~~~估唔到教主原来系有听我祷告呀，佢真系使我愿望成真，仲唔需要用本经书交换添啊~~~~

行神迹呀~~~~

iPod nano有乜功能? 

你自己睇喇，点都会好过我所持有的旧款丫~~~

呢部iPod nano可以入歌仔，不过得 8GB啰，放唔到几多首AIFF档案歌仔架炸~~~~

或者可以插耳机作天线后，接收 FM收音机啰...........唔，我平日就算听收音机，都用app来听啦，点会听ViVi WaWa的大气电波架? 

下? 数码电台? 你发梦咩? 无可能有啦。

睇相..........唔...........画面细到邮票咁，点睇呀? 

仲要分九格来电显示张相仲大张过佢，咪玩啦。

一系用来做运动的时候用啰~~~~

仲有计时功能，不过呢堆功能，我部智能手机咪有晒啰，

我的智能手机都唔会离身，咁几时先用得着佢咁呢?

再唔系，用来做手表丫~~~一共提供18个款式，我只选到呢几个叫做似人用的款式出来。

系呢，条表带衬唔衬我咁呢? 聪明人先到条表带架播，你.....应该见到呵 ^_^ 

唉.........算吧喇，呢部野最大功劳睇怕都系影了呢辑相啰，我估佢余下的日子，都系在阴暗的角落中，渡过他的余生..............

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。