Sony RX1

发布日期 : 2012年 9月18日    图 / 文 : 巴斯

以下呢段，唔该先开喇叭或耳机听，因为重点系段配乐好得!!!我因为呢段配乐而听左好多次~~~

啰你命3000!!!!!绝不能错过。

  Video 

接下来呢段配乐虽然无上面咁正，但拍摄内容好得，Pro到无朋友!!!

  Video 

呢一段主要系晒冷，在我眼中见到系拍摄团队的利害，无论构图，景物对焦，打灯都是准确地做到好自然，

绝唔系普通好似我呢D路人甲可以拍得到。

就以 0:24 在祇园出见的镜头，唔用平衡杆，徒手会升得咁自然? 我知你得，我唔得啰。

0:31的室内工场，唔一早打好晒灯，D光会咁靓? 你又试下去参加旅行团时影下来睇，

有无咁靓光线丫拿，画面仲要一路打横行，无路轨或者平衡杆，点做到咁定?我知你可以，我唔得啰。

1:58 祇园出见的镜头最精彩，所有摄影师都知道，影建筑物，最靓系 Magic Hour ，

但摄制队仲要整湿埋个地，做埋个反光出来，靓到无朋友。

落雨? 唔好傻啦，指定 Magic Hour 落雨，仲要唔可以倾盒大雨影响拍摄，

我知你可以，我唔得啰。我用条街喉射湿佢算喇，几时拍，几时射。

仲有，第一段出现过，我好喜欢的配乐，就系在呢个时候返来，真系好正。

入夜去过祇园的朋友都知道，条路要拍摄的话，灯光好暗，2:19-2:35 出现的和服女所经过的路，

打灯打得好自然，连街尾都落埋灯，细心加利害。

同时 2:27-2:35，画面都系用平衡杆或升降器所做出来，

否则无可能在咁暗的灯光下徒手拍摄唔手震，我知你得，我唔得啰。

以上我所指出系，如果又打灯又平衡杆或升降器，好多部机都拍得到啦，关部RX-1乜事丫。

呢两段片，使我双膝脆地的系摄制队和做后期制作人，包括配乐，做得相当出色。

不过 2012年，想要件货卖得好，先要广告拍得好，留意拍得好唔代表一定卖得，不过拍得唔好，就无运行。

官方一口气发表了几部机，当中值得我个人关注的就只有RX1，拥有世界首部 35mm全片幅 Exmor™ CMOS 影像感测器的数码相机。

2430万有效画素，ISO 由100起跳，到 25600，快门速度：30~1/2000秒，25点对焦。

荧幕 3吋面积，用上 122.9万像素TFT Xtra Fine LCD荧幕。

而镜头系用上 卡尔蔡司 T* Sonnar 35mm F2，最近对焦距离：20cm

一向落后别人的我，除了未能接受得上3D，人人话好睇的Batman我唔识欣赏外，全片幅也是我未能与时并进的事物，

明明有得乘 1.5 或者1.6，用上了全片幅就废了武功，我知，你话广角就可以阔丫嘛，我要咁阔来做乜? 例如影演唱会就死得啦。

算吧，一个可以连Batman都话唔好睇，睇戏要专登搵 2D戏院先睇得的废人讲野，你又可以做D乜呢?

加上被宠坏的我，今日再无法接受到无反机了.  ( 我意思系荧幕无反 ) 

新闻稿

念转化成真实的能力，并坚持“创新源于好奇、梦想成就未来”的信念。

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。