Sony RX1

發佈日期 : 2012年 9月18日    圖 / 文 : 巴斯

以下呢段，唔該先開喇叭或耳機聽，因為重點係段配樂好得!!!我因為呢段配樂而聽左好多次~~~

囉你命3000!!!!!絕不能錯過。

  Video 

接下來呢段配樂雖然無上面咁正，但拍攝內容好得，Pro到無朋友!!!

  Video 

呢一段主要係晒冷，在我眼中見到係拍攝團隊的利害，無論構圖，景物對焦，打燈都是準確地做到好自然，

絕唔係普通好似我呢D路人甲可以拍得到。

就以 0:24 在祇園出見的鏡頭，唔用平衡杆，徒手會升得咁自然? 我知你得，我唔得囉。

0:31的室內工場，唔一早打好晒燈，D光會咁靚? 你又試下去參加旅行團時影下來睇，

有無咁靚光線丫拿，畫面仲要一路打橫行，無路軌或者平衡杆，點做到咁定?我知你可以，我唔得囉。

1:58 祇園出現的鏡頭最精彩，所有攝影師都知道，影建築物，最靚係 Magic Hour ，

但攝製隊仲要整濕埋個地，做埋個反光出來，靚到無朋友。

落雨? 唔好傻啦，指定 Magic Hour 落雨，仲要唔可以傾盒大雨影響拍攝，

我知你可以，我唔得囉。我用條街喉射濕佢算喇，幾時拍，幾時射。

仲有，第一段出現過，我好喜歡的配樂，就係在呢個時候返來，真係好正。

入夜去過祇園的朋友都知道，條路要拍攝的話，燈光好暗，2:19-2:35 出現的和服女所經過的路，

打燈打得好自然，連街尾都落埋燈，細心加利害。

同時 2:27-2:35，畫面都係用平衡杆或升降器所做出來，

否則無可能在咁暗的燈光下徒手拍攝唔手震，我知你得，我唔得囉。

識果個唔需要睇廣告，要等識果D人先去買，死得啦，

想要件貨賣得好，先要廣告拍得好，留意拍得好唔代表一定賣得，不過拍得唔好，就無運行。 

以上我所指出係呢兩段片，使我雙膝脆地的係攝製隊和做後期製作人，包括配樂，做得相當出色。

如果又打燈又平衡杆或升降器，好多部機都拍得到啦，關部RX-1乜事丫。

咁梗係水晶膠加雙氧水啦，唔係我鳥到個字出來? 呢D野一早知架啦!!!!

官方一口氣發表了幾部機，當中值得我個人關注的就只有RX1，擁有世界首部 35mm全片幅 Exmor™ CMOS 影像感測器的數碼相機。

2430萬有效畫素，ISO 由100起跳，到 25600，快門速度：30~1/2000秒，25點對焦。

螢幕 3吋面積，用上 122.9萬像素TFT Xtra Fine LCD螢幕。

而鏡頭係用上 卡爾蔡司 T* Sonnar 35mm F2，最近對焦距離：20cm

一向落後別人的我，除了未能接受得上3D，人人話好睇的Batman我唔識欣賞外，全片幅也是我未能與時並進的事物，

明明有得乘 1.5 或者1.6，長鏡頭用上了全片幅就廢了一半武功，

我知，廣角就可以好闊丫嘛，我要咁闊來做乜? 例如影演唱會就死得啦。

算吧，一個可以連Batman都話唔好睇，睇戲要專登搵 2D戲院先睇得的廢人講野，你又可以做D乜呢?

加上被寵壞的我，今日再無法接受到無反機了.  ( 我意思係螢幕無反 ) 

新聞稿

念轉化成真實的能力，並堅持「創新源於好奇、夢想成就未來」的信念。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。