4K 84"  电视有得订喇~~

发布日期 : 2012年 11月20日    图 / 文 : 巴斯

本月16日起， Sony香港正式接受客户订购这部 4K 84"电视，

见到送货日期吗? 系明年1月尾，明年大年初一系 2月10日，刚刚好赶到过年，

你话新年期间，来拜年的客人见到部 84"  4K电视，你话几咁高兴呢? 幻想下都开心啦！

几钱? 平到你唔信。

港币22万有找

你都话平呀!!!! 咪系啰，4K 喎~~~ 84"喎~~~ 3D喎~~~，上面张相仲话安排上门度位添架，呢D优质服务，去边度搵先? 

咁大部电视，莫讲话部电视触目，就连个纸皮箱，大厦的清洁亚禅都打主意啦。

你睇睇上面张图，再幻想下自己屋企放上呢部机。

对住个维港景，年初二有烟花睇，一时之间都唔知睇电视好丫，定伸个头出去窗外睇现场好。

话时话，有无限每人最多订几多部架?房一部，厅一部都唔系过份挂。

家中如果用紧唔过120" 的投忍鸡朋友，玩乜鬼投忍鸡丫，用得咁鬼麻烦，又唔系投得大，

一个唔好彩，播 2.35:1画面，上下黑边，可见画面再细D添，索性买部 4K 84"电视干手净脚。

话时话，平成咁，依家先讲，会唔会太迟呢? ..........可能早被订清光了...........

上次Sony感谢祭，大家都见过实物架啦，对佢的质素应该无任何问题了吧。

拿，唔好话我唔睇你，以下呢个一步到位的订机网址，拿拿声入去睇下仲有无得执死鸡 ? 订到的话，记得请饮茶呀。

http://www.sony.com.hk/campaign/x9000_sitevisit/

一

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。