4K 84"  電視有得訂喇~~

發佈日期 : 2012年 11月20日    圖 / 文 : 巴斯

本月16日起， Sony香港正式接受客戶訂購這部 4K 84"電視，

見到送貨日期嗎? 係明年1月尾，明年大年初一係 2月10日，剛剛好趕到過年，

你話新年期間，來拜年的客人見到部 84"  4K電視，你話幾咁高興呢? 幻想下都開心啦！

幾錢? 平到你唔信。

港幣22萬有找

你都話平呀!!!! 咪係囉，4K 喎~~~ 84"喎~~~ 3D喎~~~，上面張相仲話安排上門度位添架，呢D優質服務，去邊度搵先? 

咁大部電視，莫講話部電視觸目，就連個紙皮箱，大廈的清潔亞禪都打主意啦。

你睇睇上面張圖，再幻想下自己屋企放上呢部機。

對住個維港景，年初二有煙花睇，一時之間都唔知睇電視好丫，定伸個頭出去窗外睇現場好。

話時話，有無限每人最多訂幾多部架?房一部，廳一部都唔係過份掛。

家中如果用緊唔過120" 的投忍雞朋友，玩乜鬼投忍雞丫，用得咁鬼麻煩，又唔係投得大，

一個唔好彩，播 2.35:1畫面，上下黑邊，可見畫面再細D添，索性買部 4K 84"電視乾手淨腳。

話時話，平成咁，依家先講，會唔會太遲呢? ..........可能早被訂清光了...........

上次Sony感謝祭，大家都見過實物架啦，對佢的質素應該無任何問題了吧。

唔好話我唔睇你，以下呢個一步到位的訂機網址，拿拿聲入去睇下仲有無得執死雞 ? 訂到的話，記得請飲茶呀。

http://www.sony.com.hk/campaign/x9000_sitevisit/

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。