|
Dolby Atmos 41.3 全景声 Man of Steel 发布日期 : 2013年 6月28日 图 / 文 : 巴斯
6月27日星期四 Man of Steel 正式上画，要欣赏到 Dolby Atmos 全景声 声效，圆方 6号电影院系唯一选择。 由于 6号院只上 3D 效果，一直接受唔到 3D画面的我，也只能接受与忍受。 不过最气顶就系呢套电影和即会上画的 Pacific Rim 悍战太平洋，并非真 3D ( Real 3D ) ，但又要被迫戴眼镜睇 3D 效果。
5号院 唔受得3D，可以选择无 3D更无 Dolby Atmos 声效的圆方5号院，位位 $220。 正所谓物以类聚，人以群分，只有 23个座位的 5号院，连入口都唔会同其他普通人一起入场的， 5号院的入口，自成一角，连大堂都唔会经，高人一等。
全新票务机 这日来到大堂，看见刚刚新运到票务机，正式投入工作，好幸运成为第一批用户。 我唔系利用佢即场买票，系早前透过网上订票，现在来取票，刷卡反应好快，一赞。 留意最右手边票务机，机身比较矮小，聪明的你一定猜到点解 ^^
3D眼镜 出发前，明明提醒朋友带3D眼镜，哈~~~对方偏偏就系唔记得，
满以为要即场额外用$6买，居然系唔需自备3D眼镜啊~~~入场位位免费借用，用完投入院方收集箱内即可。 拿，所以我话圆方电影院一向都好照顾街坊架啦。
提早入场 大家一定要提早入场，否则就错过开场前 Dolby Atmos 预告片 ( Leaf )
欣赏， 透过佢就可以感受到圆方6号院所播放出来的 41.3 Dolby Atmos 效果。
个人评价 一直我都唔期望 Man of Steel 会好好睇，嘿，世事就系咁，越无期待，结果越好， 事实上呢套戏好睇过废柴唔识打斋讲蝙幅侠多多声。 当初知道呢套戏片长 143分钟 ，两个多小时啊~~~~， 个故事系由零开始讲起，咁咪即系由头讲一次比大家知，超人系点来的 ? 要交代咁多野，会否不停咁讲讲讲和讲呢? 系就闷死人都似。
但以上种种担心都是多余，导演用好明快的节奏来交代，并且把现在，少年和童年超人交替地演绎，闷场更少。 就连超人的地球老父都死得好有型，几次英雄救美，满足晒我个人英雄主义的幻想， 呢D咪好片啰，我系肤浅架，入来系发梦架炸，唔系听你讲道理的。 两个多小时都无闷场，就算有，可能一两分钟内，又投入另一个场口了。 Man of Steel 节奏快唔在讲，战斗场面又多，呢套戏由头打到落尾，那些什么变形金刚场面都埋唔到佢身。 可能会有人觉得打得夸，但我接受到喎。 题外话 : 呢套 Nikon 一定有落广告啦 ，点解 ? 答案自己找丫 ^^
讲返今次的做型，件衫系咪抄猪猪侠架，无论颜色和花纹都好似啰。 另外一向着出来的底裤，今次着返入去了 ( 咳咳，其实我唔知佢有无着，我见唔到，估佢着返入去架遮 ) ^^ 虽然招牌底裤可以无左，但头就一定要 GEL 架喇，唔 GEL 头就唔系超人啦。
Dolby Atmos 41.3 全景声 这片好多前后左右飞来飞去的环绕声可以欣赏到，系最佳 Dolby Atmos 全景声 示范电影。 试幻想一下，如果今期系上映可怜天下父母心 2013的话，咁试乜鬼野Dolby Atmos 全景声 呢? 最多咪有一场倾盘大雨表达到屋漏兼逢夜雨，屋顶漏水可以听到效果，其他场景就死得啦。 例如米缸无米又或者写稿吐血，咁系无助 Dolby Atmos 全景声 41.3 发挥啊。 而今次偏偏就碰上动作场面极多的 Man of Steel ，好正呀。
圆方6号院面积，足够 41.3 喇叭呼吸
来自天花板的两行喇叭，使到整个空间的声效很广阔的效果，而且左右一连串的喇叭，也明显地返映物件移动的方向性。 如果用360度环绕声来形容，并不全面，要用360度球形环绕声来形容先够贴切。 因为原地转都可以叫360度的， Dolby Atmos 全景声最大卖点是来自天花板的两排环绕声喇叭， 再加上圆方来自座位的额外震动效果，形成球形包围，360度球形环绕声，圆方6号院当之无愧。 不过右后置喇叭在大音压的情况下，有点拆拆地， 唔知系其他物料所发出，还是喇叭本身，有改进的空间啊~~~ 完场后等了十多分钟谢幕名单，希望有片尾可以睇到，结果当然无啦白资仔。 未欣赏过全景声 Man of Steel ，唔算睇过 Man of Steel 。
3D 效果 对于讨厌 3D 的一个废人来讲，要谈 3D效果实在系非常之唔公平，但即管吠两声叫做交代下咁啰。 我唔受得 3D，仲要迫我睇呢套假 3D，条气一定唔顺，睇到一半就开始唔尸伏，贴钱买难受咪呢D啰。 在3D污染下，画质都尚算靓的，皮肤和衫的纹理或质感都清楚，唔系纸板人，吠完，系咁多。
正所谓受人钱财，替人消灾，由 Nokia 赞助的这条预告片， 收左钱，系唔同D。 同样明快节奏的预告片!!!!不能错过啊~~~~
各师兄与朋友，这篇文章，如非商业用途，欢迎转贴再转贴，如需借图片使用， ◆ avbuzz.com精神，人人毒我，我毒人人 ◆ 谢谢收看这篇文章，你是第 个收看这篇文章的读者。 |
Video 
