|
Dolby Atmos 41.3 全景聲 Man of Steel 發佈日期 : 2013年 6月28日 圖 / 文 : 巴斯
6月27日星期四 Man of Steel 正式上畫，要欣賞到 Dolby Atmos 全景聲 聲效，圓方 6號電影院係唯一選擇。 由於 6號院只上 3D 效果，一直接受唔到 3D畫面的我，也只能接受與忍受。 不過最氣頂就係呢套電影和即會上畫的 Pacific Rim 悍戰太平洋，並非真 3D ( Real 3D ) ，但又要被迫戴眼鏡睇 3D 效果。
5號院 唔受得3D，可以選擇無 3D更無 Dolby Atmos 聲效的圓方5號院，位位 $220。 正所謂物以類聚，人以群分，只有 23個座位的 5號院，連入口都唔會同其他普通人一起入場的， 5號院的入口，自成一角，連大堂都唔會經，高人一等。
全新票務機 這日來到大堂，看見剛剛新運到票務機，正式投入工作，好幸運成為第一批用戶。 我唔係利用佢即場買票，係早前透過網上訂票，現在來取票，刷卡反應好快，一讚。 留意最右手邊票務機，機身比較矮小，聰明的你一定猜到點解 ^^
3D眼鏡 出發前，明明提醒朋友帶3D眼鏡，哈~~~對方偏偏就係唔記得，
滿以為要即場額外用$6買，居然係唔需自備3D眼鏡啊~~~入場位位免費借用，用完投入院方收集箱內即可。 拿，所以我話圓方電影院一向都好照顧街坊架啦。
提早入場 大家一定要提早入場，否則就錯過開場前 Dolby Atmos 預告片 ( Leaf )
欣賞， 透過佢就可以感受到圓方6號院所播放出來的 41.3 Dolby Atmos 效果。
個人評價 一直我都唔期望 Man of Steel 會好好睇，嘿，世事就係咁，越無期待，結果越好， 事實上呢套戲好睇過廢柴唔識打齋講蝙幅俠多多聲。 當初知道呢套戲片長 143分鐘 ，兩個多小時啊~~~~， 個故事係由零開始講起，咁咪即係由頭講一次比大家知，超人係點來的 ? 要交代咁多野，會否不停咁講講講和講呢? 係就悶死人都似。
但以上種種擔心都是多餘，導演用好明快的節奏來交代，並且把現在，少年和童年超人交替地演繹，悶場更少。 就連超人的地球老父都死得好有型，幾次英雄救美，滿足晒我個人英雄主義的幻想， 呢D咪好片囉，我係膚淺架，入來係發夢架炸，唔係聽你講道理的。 兩個多小時都無悶場，就算有，可能一兩分鐘內，又投入另一個場口了。 Man of Steel 節奏快唔在講，戰鬥場面又多，呢套戲由頭打到落尾，那些什麼變形金剛場面都埋唔到佢身。 可能會有人覺得打得誇，但我接受到喎。 題外話 : 呢套 Nikon 一定有落廣告啦 ，點解 ? 答案自己找丫 ^^
講返今次的做型，件衫係咪抄豬豬俠架，無論顏色和花紋都好似囉。 另外一向著出來的底褲，今次著返入去了 ( 咳咳，其實我唔知佢有無著，我見唔到，估佢著返入去架遮 ) ^^ 雖然招牌底褲可以無左，但頭就一定要 GEL 架喇，唔 GEL 頭就唔係超人啦。
Dolby Atmos 41.3 全景聲 這片好多前後左右飛來飛去的環繞聲可以欣賞到，係最佳 Dolby Atmos 全景聲 示範電影。 試幻想一下，如果今期係上映可憐天下父母心 2013的話，咁試乜鬼野Dolby Atmos 全景聲 呢? 最多咪有一場傾盤大雨表達到屋漏兼逢夜雨，屋頂漏水可以聽到效果，其他場景就死得啦。 例如米缸無米又或者寫稿吐血，咁係無助 Dolby Atmos 全景聲 41.3 發揮啊。 而今次偏偏就碰上動作場面極多的 Man of Steel ，好正呀。
圓方6號院面積，足夠 41.3 喇叭呼吸
來自天花板的兩行喇叭，使到整個空間的聲效很廣闊的效果，而且左右一連串的喇叭，也明顯地返映物件移動的方向性。 如果用360度環繞聲來形容，並不全面，要用360度球形環繞聲來形容先夠貼切。 因為原地轉都可以叫360度的， Dolby Atmos 全景聲最大賣點是來自天花板的兩排環繞聲喇叭， 再加上圓方來自座位的額外震動效果，形成球形包圍，360度球形環繞聲，圓方6號院當之無愧。 不過右後置喇叭在大音壓的情況下，有點拆拆地， 唔知係其他物料所發出，還是喇叭本身，有改進的空間啊~~~ 完場後等了十多分鐘謝幕名單，希望有片尾可以睇到，結果當然無啦白資仔。 未欣賞過全景聲 Man of Steel ，唔算睇過 Man of Steel 。
3D 效果 對於討厭 3D 的一個廢人來講，要談 3D效果實在係非常之唔公平，但即管吠兩聲叫做交代下咁囉。 我唔受得 3D，仲要迫我睇呢套假 3D，條氣一定唔順，睇到一半就開始唔屍伏，貼錢買難受咪呢D囉。 在3D污染下，畫質都尚算靚的，皮膚和衫的紋理或質感都清楚，唔係紙板人，吠完，係咁多。
正所謂受人錢財，替人消災，由 Nokia 讚助的這條預告片， 收左錢，係唔同D。 同樣明快節奏的預告片!!!!不能錯過啊~~~~
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
