|
6.4 吋荧幕过大吗 发布日期 : 2013年 6月26日 图 / 文 : 巴斯
用上最新 2.2GHz Snapdragon 800 处理器，拥有 6.4 吋1080p 荧幕，首款采用新面世 Sony Triluminos 手机显示器， 都是 Sony Xperia Z Ultra 手机最大卖点。 睇完段片，真系啰命，有点心动，呢条片我睇了三次呀~~~
有留意片段里，个 DK30 磁性充电底座，有别于其他 Xperia Z 家族充电底座， 就咁放就得喇~~~~方便过用入槽的方式，好潇洒呀~~
仲有~~仲有，片段入面个女生使用时，好似好轻松咁，而且个画面又大， 留意她无意中撞到熟人，可以好快咁收返入手装，呢下劲得啰。
Sony Xperia Z Ultra 照旧与其他家族成员一样，提供所谓黑、白、紫三个色， 唉~~~~但无论选边个色，正面都系黑色呢~~~ 前后机身与 Z一样是用上强化玻璃，为做到更好握机手感，用铝合金以微卜身围边， 最吸引人系佢唔只薄，仲系方角，我睇惯左圆角，现在好憎圆角的手机或 tablet 。 呢部机，预算今年第三季在全球发售。
一部电话屏幕 6.4 吋真系唔讲得笑，所以见到片段里那位女生也用蓝芽耳机。 如果唔系成日要打电话的朋友，影响并不大，现在上网时间一定比打电话多好多倍吧。
防水防尘就一定架啦，唔系先出奇。 但图中可见，这机的耳机插口无需封闭，依然取得 IP55/IP58 防尘防水认证，劲到无朋友。 手机绳虽然在机的右下角，但系穿在手里唔型丫嘛~~~~ ( 但女生用又当别论 ，越大抽，越 Kawaii 呢 .^^ )
重量 212g，6.5mm 机身厚度，以咁样 Size ，大家满意吧。
体内 2GB RAM ， 16GB 记忆体，实得 11GB 可用，唔见一截大家习惯架啦， 用家如想靠外置记忆卡的话，最高扩充支援 64GB microSD 。 体内 3000mAh 电池，耐用与否，真系要睇下用那个的个人习惯了。 可惜丫，我呢类无安全感的人，电池无得替换，点可能接受带尿袋出街丫。 我现在带 xperia z tablet 出街都唔会带尿袋啦，架机本身食电，我又唔就住用，好无安全感。 但手机喎，唔会带尿袋，一日点可能够我用? 算吧啦。
片段中见到可以用铅笔尖直接写在屏幕上吗? 好方便啊，不过，何不像NOTE一样，把笔插在侧边，仲方便啊。 官方话只要直径超过 1mm 的笔类物体，都可以在屏幕上写， 咁即系筷子头都得啦，咁又唔得喎，因为接触屏幕时，要属于导电质料先可以。 讲系咁讲，系就系写得，但唔舍得呢，怕弄花丫嘛~~~
主相机属于 800 万像素 Exmor RS 感光元件，而女生最关心的自拍前置镜头系属于 200 万像素。 跟机时 Android 4.2 Jelly Bean 。 不过第三季咁耐，到时都唔知发生乜事了................
各师兄与朋友，这篇文章，如非商业用途，欢迎转贴再转贴，如需借图片使用， ◆ avbuzz.com精神，人人毒我，我毒人人 ◆ 谢谢收看这篇文章，你是第 个收看这篇文章的读者。 |
Video 
