|
6.4 吋螢幕過大嗎 發佈日期 : 2013年 6月26日 圖 / 文 : 巴斯
用上最新 2.2GHz Snapdragon 800 處理器，擁有 6.4 吋1080p 螢幕，首款採用新面世 Sony Triluminos 手機顯示器， 都是 Sony Xperia Z Ultra 手機最大賣點。 睇完段片，真係囉命，有點心動，呢條片我睇了三次呀~~~
有留意片段裡，個 DK30 磁性充電底座，有別於其他 Xperia Z 家族充電底座， 就咁放就得喇~~~~方便過用入槽的方式，好瀟洒呀~~
仲有~~仲有，片段入面個女生使用時，好似好輕鬆咁，而且個畫面又大， 留意她無意中撞到熟人，可以好快咁收返入手裝，呢下勁得囉。
Sony Xperia Z Ultra 照舊與其他家族成員一樣，提供所謂黑、白、紫三個色， 唉~~~~但無論選邊個色，正面都係黑色呢~~~ 前後機身與 Z一樣是用上強化玻璃，為做到更好握機手感，用鋁合金以微卜身圍邊， 最吸引人係佢唔只薄，仲係方角，我睇慣左圓角，現在好憎圓角的手機或 tablet 。 呢部機，預算今年第三季在全球發售。
一部電話屏幕 6.4 吋真係唔講得笑，所以見到片段裡那位女生也用藍芽耳機。 如果唔係成日要打電話的朋友，影響並不大，現在上網時間一定比打電話多好多倍吧。
防水防塵就一定架啦，唔係先出奇。 但圖中可見，這機的耳機插口無需封閉，依然取得 IP55/IP58 防塵防水認證，勁到無朋友。 手機繩雖然在機的右下角，但係穿在手裡唔型丫嘛~~~~ ( 但女生用又當別論 ，越大抽，越 Kawaii 呢 .^^ )
重量 212g，6.5mm 機身厚度，以咁樣 Size ，大家滿意吧。
體內 2GB RAM ， 16GB 記憶體，實得 11GB 可用，唔見一截大家習慣架啦， 用家如想靠外置記憶卡的話，最高擴充支援 64GB microSD 。 體內 3000mAh 電池，耐用與否，真係要睇下用那個的個人習慣了。 可惜丫，我呢類無安全感的人，電池無得替換，點可能接受帶尿袋出街丫。 我現在帶 xperia z tablet 出街都唔會帶尿袋啦，架機本身食電，我又唔就住用，好無安全感。 但手機喎，唔會帶尿袋，一日點可能夠我用? 算吧啦。
片段中見到可以用鉛筆尖直接寫在屏幕上嗎? 好方便啊，不過，何不像NOTE一樣，把筆插在側邊，仲方便啊。 官方話只要直徑超過 1mm 的筆類物體，都可以在屏幕上寫， 咁即係筷子頭都得啦，咁又唔得喎，因為接觸屏幕時，要屬於導電質料先可以。 講係咁講，係就係寫得，但唔捨得呢，怕弄花丫嘛~~~
主相機屬於 800 萬像素 Exmor RS 感光元件，而女生最關心的自拍前置鏡頭係屬於 200 萬像素。 跟機時 Android 4.2 Jelly Bean 。 不過第三季咁耐，到時都唔知發生乜事了................
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
