分手要狠

发布日期 : 2013年 9月9日    图 / 文 : 巴斯

因误会而结合，因了解而分开，是我与 Xperia Tablet Z 之间的关系，

咁耐以来，一直都系忍受她，只有两样野系讨好过我，

第一是轻，第二是配合充电座时充电，一插即充，好方便。

但其他在使用上，完全使我不开心。

自 5月接她回宫后，一直都无和大家分享与她宠幸的文章，因为一直以来与她相处都不愉快，

但总希望她会有更新，所以一日一日的等下去。

16:9 的幕屏，在打横睇网页时，图片上下都超越了16:9 画面，无法一眼睇晒整张图片，无错打直睇就可以睇到整张图片，但张相细了很多呢。

睇动新闻，本身动新闻画质不好，不适宜用 10" 全画面睇， Xperia Tablet Z 之下，系无得缩细睇，也不支援打直部机自动缩细画面的，

我自己可以打直部机，但画面依然是全画面打横播放，试问我点可能接受 10 " 画面播放咁差画质内容? 

Facebook的 app根本就是不知所谓，张张图都大到成只CD咁，但文字比蚁还要细小。

图片如果张张都系高清相片，CD咁大有乜所谓呢? 但Facebook啊!!!!!

大部份上传的图片都是用手机，在恶劣环境下拍摄，杂讯好比整个银河系，放到CD咁大来睇，真系想死。

而且咁大张图，占用大空间面积，如果我要睇 50个朋友，咁只手就系咁拨拨拨，拨到手软先睇完 50个朋友。

算喇~~~算喇，我以为有更新，会一步一步的改好，但结果使我一个月一个月地失望下去。

前几日宣布 Samsung GALAXY Note 10.1 2014版在 2013年第三季推出。

年青貌美，功能又多，  Multi Window 画面分割当然发挥到 10.1"最大效用吧。

如果现在还等 Xperia Tablet Z 浪子回头，我就真系蠢到无人有喇 !!!!

即刻执野且!!!!!

来到二手店放售，无带充电座的单据，保用期仲未过~~

两样野合埋，只能收返 $3100 ，肉痛到呢~~~

但无法子，再唔放，双方都唔会开心，到 Note 10.1 2014版在 2013年第三季推出时，Xperia Tablet Z 二手价应该跌破 $3000。

由 5月到现在都几个月，呢段时间得唔到开心，每次见到朋友，都系数臭佢，试问咁样环境，仲留来做乜? 

吴雨霏首歌都有唱 : 

分手要狠!!!!!!

分手要狠 讲分手不需要等

等等都不会合衬　却会忍不到热吻

Xperia Tablet Z 成为我的过去，唔好再提，讲返新欢吧。

颜色方面，黑白两个颜色，我当然选白色啦。 

最主要真系整部机白色，唔系得条边白色来自欺欺人丫嘛~~~ 

新欢的荧幕解像度，由旧有的 1280 x 800 激增至  2560 X 1600，用上 WQXGA Super Clear LCD，

配合 Samsung 一向的味精口味，我对她有幻想空间。

有 WiFi、WiFi+3G 及 WiFi+LTE 三个版本选择，用( 1.9GHz 4 + 4 核心处理器 )，

LTE 版 (  2.3GHz 4核心处理器 ) ，行 3GB RAM，容量可选购 16 / 32 / 64GB，并可另购 Micro SD来扩充容量。

就咁睇硬照，机身背面好似皮革，但其实系胶，就连肉眼所见到的线位，同样是胶质料，

我唔知实物系唔系同相中所见的质感相同，如果系一样的话，咁就真系好过皮革，

因为如果系真皮革的话，好易旧化，何况是白色 ? 相比起胶就耐用好多，

赞!!!!

机背 800 万像素 BSI 相机，女生们最喜欢用的前置相机，像素为 200 万。

不过咁大部机，相信使用机会都少吧。

电池方面，由上一代的 7000mAh 加大到 8220mAh。

有留意到她并不是16:9屏幕吗? 当然啦 Note系文书处理为主的工具，又点会用16:9呢?

咁我今后睇网页内的图片，再唔需要在打横睇的时候，图片上下唔见左部份内容了。

永别16: 9了!!!!!

配合埋笔控功能， 我好有信心 Note 10.1 2014版会成为我的最爱平版电脑的。

何况到时我都会升级埋 Note3，咁就一套喇喂~~~~

暂时唯有用 iPad mini 顶住呢段过度期。

太期待了吧~~~~希望快点出推，我真系对她有很多想像空间，我有信心她是我的最爱平版电脑来的。

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。