分手要狠

發佈日期 : 2013年 9月9日    圖 / 文 : 巴斯

因誤會而結合，因了解而分開，是我與 Xperia Tablet Z 之間的關係，

咁耐以來，一直都係忍受她，只有兩樣野係討好過我，

第一是輕，第二是配合充電座時充電，一插即充，好方便。

但其他在使用上，完全使我不開心。

自 5月接她回宮後，一直都無和大家分享與她寵幸的文章，因為一直以來與她相處都不愉快，

但總希望她會有更新，所以一日一日的等下去。

16:9 的幕屏，在打橫睇網頁時，圖片上下都超越了16:9 畫面，無法一眼睇晒整張圖片，無錯打直睇就可以睇到整張圖片，但張相細了很多呢。

睇動新聞，本身動新聞畫質不好，不適宜用 10" 全畫面睇， Xperia Tablet Z 之下，係無得縮細睇，也不支援打直部機自動縮細畫面的，

我自己可以打直部機，但畫面依然是全畫面打橫播放，試問我點可能接受 10 " 畫面播放咁差畫質內容? 

Facebook的 app根本就是不知所謂，張張圖都大到成隻CD咁，但文字比蟻還要細小。

圖片如果張張都係高清相片，CD咁大有乜所謂呢? 但Facebook啊!!!!!

大部份上傳的圖片都是用手機，在惡劣環境下拍攝，雜訊好比整個銀河系，放到CD咁大來睇，真係想死。

而且咁大張圖，佔用大空間面積，如果我要睇 50個朋友，咁隻手就係咁撥撥撥，撥到手軟先睇完 50個朋友。

算喇~~~算喇，我以為有更新，會一步一步的改好，但結果使我一個月一個月地失望下去。

前幾日宣佈 Samsung GALAXY Note 10.1 2014版在 2013年第三季推出。

年青貌美，功能又多，  Multi Window 畫面分割當然發揮到 10.1"最大效用吧。

如果現在還等 Xperia Tablet Z 浪子回頭，我就真係蠢到無人有喇 !!!!

即刻執野且!!!!!

來到二手店放售，無帶充電座的單據，保用期仲未過~~

兩樣野合埋，只能收返 $3100 ，肉痛到呢~~~

但無法子，再唔放手，雙方都唔會開心，到 Note 10.1 2014版在 2013年第三季推出時，Xperia Tablet Z 二手價應該跌破 $3000。

由 5月到現在都幾個月，呢段時間得唔到開心，每次見到朋友，都係數臭佢，試問咁樣環境，仲留來做乜? 

吳雨霏首歌都有唱 : 

分手要狠!!!!!! 

分手要狠 講分手不需要等

等等都不會合襯　卻會忍不到熱吻

Xperia Tablet Z 成為我的過去，唔好再提，講返新歡吧。

顏色方面，黑白兩個顏色，我當然選白色啦。 

最主要真係整部機白色，唔係得條邊白色來自欺欺人丫嘛~~~ 

新歡的螢幕解像度，由舊有的 1280 x 800 激增至  2560 X 1600，用上 WQXGA Super Clear LCD，

配合 Samsung 一向的味精口味，我對她有幻想空間。

有 WiFi、WiFi+3G 及 WiFi+LTE 三個版本選擇，用( 1.9GHz 4 + 4 核心處理器 )，

LTE 版 (  2.3GHz 4核心處理器 ) ，行 3GB RAM，容量可選購 16 / 32 / 64GB，並可另購 Micro SD來擴充容量。

就咁睇硬照，機身背面好似皮革，但其實係膠，就連肉眼所見到的線位，同樣是膠質料，

我唔知實物係唔係同相中所見的質感相同，如果係一樣的話，咁就真係好過皮革，

因為如果係真皮革的話，好易舊化，何況是白色 ? 相比起膠就耐用好多，

讚!!!!

機背 800 萬像素 BSI 相機，女生們最喜歡用的前置相機，像素為 200 萬。

不過咁大部機，相信使用機會都少吧。

電池方面，由上一代的 7000mAh 加大到 8220mAh。

有留意到她並不是16:9屏幕嗎? 當然啦 Note係文書處理為主的工具，又點會用16:9呢?

咁我今後睇網頁內的圖片，再唔需要在打橫睇的時候，圖片上下唔見左部份內容了。

永別16: 9了!!!!!

配合埋筆控功能， 我好有信心 Note 10.1 2014版會成為我的最愛平版電腦的。

何況到時我都會升級埋 Note3，咁就一套喇喂~~~~

暫時唯有用 iPad mini 頂住呢段過度期。

太期待了吧~~~~希望快點出推，我真係對她有很多想像空間，我有信心她是我的最愛平版電腦來的。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。