|
今次死硬喇~~~~ 发布日期 : 2013年 9月19日 图 / 文 : 巴斯
昨日是 9月18日星期三，香港各特约零售店接受顾客订购 Note3 。 等左咁耐，就系等呢一日来临，第一时间扑去订购，付上$1500订金， 希望 9月25日星期三第一日出就留到比我啦。
其实要我比全费都愿意，最紧要第一时间得到，他够胆收，我点解唔够胆比? 咁大间百老汇，惊佢走几千蚊咩，反而到时唔够货派，无货比到我仲惊啦， 店员都系睇单做，分落订先后次序嘛，万一我系最后落订的客人，咪死得啰。
满心欢喜等下星期有新机玩，
离开百老汇大约 30分钟后，我一个唔小心......................
哗~~~~大佬~~~乜搞
D咁野呀，我落订遮，你唔洗玩跳楼下化!!!! 我没有六尺高，部手机在心口高度跌落地，应该无事挂~~~ 求下你千万唔好有事~~南无婆罗~~~婆罗~~~婆罗南无，救苦救难观世音菩萨~~~ 如果能过到呢一劫，我愿意今生今世戒食恐龙肉，以酬谢神恩。
哗~~~~呢次死得喇~~~~ 乜你唔系有神功护体的吗? 呢个画面，平日我在 Facebook见唔少，没想到今日自己系主角，原来心情真系好难过架~~~
呢次死喇，死喇~~个Mon爆到咁，我真系有小小见晕，唔该搵人扶扶我。 咪住!!!!究竟个 Mon 爆左定系连个LCD都爆埋架? 喂~~拿拿临驳返电池开机睇睇啦~~~~只系一跌，唔系咁对我下嘛?
一开机，所有功能正常，起码见到佢仲识得喊丫， 只系个Mon爆左，但咁都死喇，成块面烂晒，点见人呀。
爆在你身，痛在我心呢种感觉， 普通人系唔会明架~~~~~
你唔好喊喇好唔好，喊到人地个心都烦埋，个脑又空白一片。 块面烂成咁，我连眼神都唔想同佢接触，咁点对着她一个星期呀~~ 依家可以点做呢 ? 等等...........冷静D，等我打个电话问问先， 喂~~~刀疤明丫唔该，你系呀~~~喂~~~系我啊，头先我咁咁咁同埋咁，咁点算啊? 黑市? 啊~~都好喎，但我可以点做呢? 哦~~~~~系~~~~~哦~~~~~知道~~~~~有无手尾跟呢? 哦~~~~ 唔该晒，好丫，我依家即刻去丫。 半个小时后........我就来到呢间全港最大黑市医院，也是各式手机器官的杂散地。
呢间医院的医生服务态度好差，如果唔系 刀疤明 介绍，我真系以为佢系做放数啊， 而且医院卫生环境又差，好难想像可以在咁恶劣的环境下动手术， 手术费 $800，哗~~~平一半，杀你!!!!!拿拿临丫，放低部机一个小时后来取。 就系咁..........医返好喇，相信绝大部份人，都唔好似我咁下流贱格，唔换原厂Mon，换个黑市 Mon再卖去二手市场。 系啰，你现在开始明白我系什么人吧........... 以下是我此刻心里感觉~~~
眼泪在心里流 此际 怎么开口 前事在心里飘浮 情意 令人太难受 眼泪在心里流 请你开一开口 随便一声或随便一句
各师兄与朋友，这篇文章，如非商业用途，欢迎转贴再转贴，如需借图片使用， ◆ avbuzz.com精神，人人毒我，我毒人人 ◆ 谢谢收看这篇文章，你是第 个收看这篇文章的读者。 |
Video 
