|
今次死硬喇~~~~ 發佈日期 : 2013年 9月19日 圖 / 文 : 巴斯
昨日是 9月18日星期三，香港各特約零售店接受顧客訂購 Note3 。 等左咁耐，就係等呢一日來臨，第一時間撲去訂購，付上$1500訂金， 希望 9月25日星期三第一日出就留到比我啦。
其實要我比全費都願意，最緊要第一時間得到，他夠膽收，我點解唔夠膽比? 咁大間百老匯，驚佢走幾千蚊咩，反而到時唔夠貨派，無貨比到我仲驚啦， 店員都係睇單做，分落訂先後次序嘛，萬一我係最後落訂的客人，咪死得囉。
滿心歡喜等下星期有新機玩，
離開百老匯大約 30分鐘後，我一個唔小心......................
嘩~~~~大佬~~~乜搞
D咁野呀，我落訂遮，妳唔洗玩跳樓下化!!!! 我沒有六呎高，部手機在心口高度跌落地，應該無事掛~~~ 求下妳千萬唔好有事~~南無婆羅~~~婆羅~~~婆羅南無，救苦救難觀世音菩薩~~~ 如果能過到呢一劫，我願意今生今世戒食恐龍肉，以酬謝神恩。
嘩~~~~呢次死得喇~~~~ 乜妳唔係有神功護體的嗎? 呢個畫面，平日我在 Facebook見唔少，沒想到今日自己係主角，原來心情真係好難過架~~~
呢次死喇，死喇~~個Mon爆到咁，我真係有小小見暈，唔該搵人扶扶我。 咪住!!!!究竟個 Mon 爆左定係連個LCD都爆埋架? 喂~~拿拿臨駁返電池開機睇睇啦~~~~只係一跌，唔係咁對我下嘛?
一開機，所有功能正常，起碼見到佢仲識得喊丫， 只係個Mon爆左，但咁都死喇，成塊面爛晒，點見人呀。
爆在妳身，痛在我心呢種感覺， 普通人係唔會明架~~~~~
妳唔好喊喇好唔好，喊到人地個心都煩埋，個腦又空白一片。 塊面爛成咁，我連眼神都唔想同佢接觸，咁點對著她一個星期呀~~ 依家可以點做呢 ? 等等...........冷靜D，等我打個電話問問先， 喂~~~刀疤明丫唔該，你係呀~~~喂~~~係我啊，頭先我咁咁咁同埋咁，咁點算啊? 黑市? 啊~~都好喎，但我可以點做呢? 哦~~~~~係~~~~~哦~~~~~知道~~~~~有無手尾跟呢? 哦~~~~ 唔該晒，好丫，我依家即刻去丫。 半個小時後........我就來到呢間全港最大黑市醫院，也是各式手機器官的雜散地。
呢間醫院的醫生服務態度好差，如果唔係 刀疤明 介紹，我真係以為佢係做放數啊， 而且醫院衛生環境又差，好難想像可以在咁惡劣的環境下動手術， 手術費 $800，嘩~~~平一半，殺你!!!!!拿拿臨丫，放低部機一個小時後來取。 就係咁..........醫返好喇，相信絕大部份人，都唔好似我咁下流賤格，唔換原廠Mon，換個黑市 Mon再賣去二手市場。 係囉，你現在開始明白我係什麼人吧........... 以下是我此刻心裡感覺~~~
眼淚在心裡流 此際 怎麼開口 前事在心裡飄浮 情意 令人太難受 眼淚在心裡流 請你開一開口 隨便一聲或隨便一句
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
